لە خورماتوو ژن و پیاوێک دەکوژرێن

 

بە گوێرەى زانیارییەکانى رووداو، کە لە سەرچاوەیەکى ئەمنیى پارێزگاى سەلاحەدین دەستى کەوتووە، تەرمى ئەو ژن و پیاوە، بەیانى رۆژی سێشەممە، 29ى نیسانى 2025، لە گوندى ئەلبوسەباح لە قەزاى خورماتوو، کە زۆرینەی دانیشتووانەکەی کوردن دۆزراونەتەوە.

 

ئەو ژن و پیاوە کە خەڵکى پارێزگای دیالەن، کە وەک جووتیار لە گوندەکە کاریان کردووە، شوێنی گوللـە بە جەستەیانەوە دیار بووە. 

 

سەرچاوەکەى رووداو لە پارێزگاى سەلاحەدین گوتى: "ژن و پیاوەکە تەمەنیان لە سەرووی 50 ساڵانە، تەرمەکانیان براونەتە دادپزیشکیى خوورماتوو" .

 

پۆلیسی خورماتوو لێکۆڵینەوەى لەسەر ئەو رووداوە دەستپێکردووە و بە گوێرەى زانیارییەکان کوڕێکى پیاوەکە لەلایەن هێزە ئەمنییەکانەوە لێکۆڵینەوەی لەگەڵدا دەکرێت.