ئەو کەسانەی دوو شەو بوو لە سنووری سیدەکان گیریانخواردبوو، رزگارکران

 

 

ئیحسان چەلەبی، قایمقامی قەزای سیدەکان، ئێوارەی ئەمڕۆ دووشەممە بە تۆڕی میدیایی رووداوی گوت: "سەرەتا زانیارییەکان بەو جۆرە بوون کە 21 کەسن، بەڵام کە رزگارکران بۆمان روون بووەوە 19 کەسن".

 

قایمقامی سیدەکان گوتی: "11 کەسیان خەڵکی رۆژهەڵاتی کوردستانن و هەشتیان خەڵکی هەرێمی کوردستانن. خۆم قسەم لەگەڵ کردن تەندروستیی هەموویان جێگیرە".

 

ئەوانەی رزگارکراون و خەڵکی هەرێمی کوردستانن ئەمانەن: تاجیر قادر، محەممەد عوسمان، مەتین ئەرشەد، ئاراس قادر، نیهاد حەمەئەمین، محەممەد غازی، پوشۆ ئیسماعیل و ئەحمەد قاسم.

 

تاوەکو ئێستا ناسنامەی ئەو 11 هاونیشتمانییەی رۆژهەڵاتی کوردستان دیار نییە کە ئێستا رزگارکراون.