ئەفسەرێکی پاسەوانی سنوور لە سنووری بانەی رۆژهەڵاتی کوردستان رەقبووەوە

 

 

ئەمڕۆ دووشەممە، 29ی کانوونی یەکەمی 2025، ئەحمەد محەممەد رەزایی، قایمقامی شاری بانەی پارێزگای سنەی رۆژهەڵاتی کوردستان رایگەیاند: "لە کاتی جێبەجێکردنی ئەرکەکەی، ئەفسەرێکی پاسەوانی سنوور بە سەرما گیانی لە دەستدا."

 

ئەحمەد محەممەد رەزایی گوتی: "ئەو ئەفسەرە ناوی رەحیم مەجیدی میهر، خەڵکی پارێزگای کۆهگیلویە و بۆیەر ئەحمەدە."

 

ئەحمەد محەممەد رەزایی ئاماژەی بەوەشکرد: "چوار کەسی دیکەش لەگەڵ ئەو ئەفسەرە بوون کە لە لایەن تیمی فریاگوزارییەوە بۆ نەخۆشخانە گوێزراونەتەوە."

 

لە رۆژی شەممەوە شەپۆلێکی بەفر و باران رۆژهەڵاتی کوردستانی گرتووتەوە و لە هەندێک ناوچە زیاتر لە یەک مەتر بەفر باریوە.

 

بەپێی کەشناسی پارێزگاکانی رۆژهەڵاتی کوردستان، شەپۆلەکە تاوەکو کۆتایی رۆژی سێشەممە بەردەوام دەبێ.