60 کۆمپانیای کوردستانی و عێراقی بەشداری کۆنفرانسی کشتوکاڵن لە دەنهاخ
رووداو - هۆڵەندا
هەنار، شه‌برمان، شۆكه و كه‌شكی هەڵەبجە برانە پایتەختی سیاسیی وڵاتی هۆڵەندا و، لە کۆنفرانسی کشتوکاڵ و خۆراکی نێوان کوردستان- عێراق - هۆڵەندا نمایشکران.
ئازاد محه‌ممه‌د، جووتیارە نموونەییەکەی هەڵەبجە یەکێکە لە بەشدارانی کۆنفرانسەکە و دەڵێت، بەرهەمی کوردستان دەتوانرێ رەوانەی وڵاتانی جیهان بکرێت بەڵام پێویستە بازاڕکردن بۆ بەرهەمە بەنێوبانگەکان بکرێت.
نزیکەی 60 کۆمپانیای کوردستانی و عێراقی لەگەڵ 40 کۆمپانیای هۆڵەندی، بۆ ماوەی دوو رۆژ لە دەنهاخی هۆڵەندا کار بۆ دروستکردنی پەیوەندی ئابووری و بازرگانی و دۆزینەی پڕۆژەی هاوبەش دەکەن.