ژنێکی تەمەن 131 ساڵ لە رووهای باکووری کوردستان کۆچی دواییکرد

 

هۆدی گورکان، رۆژی سێشەممە 30ی تەممووزی 2025 لە گەڕەکی بینەکلی کرساڵ لە شارۆچکەی وێرانشاری سەر بە پارێزگاکە گیانی لەدەستدا و لە گۆڕستانێک بەخاک سپێردرا.

 

گورکان لەدایکبووی 1ی تەممووزی 1894ـە، ساڵی 2017 لەبارەی ژیانی خۆیەوە بە میدیای تورکیای گوت، خاوەنی حەوت منداڵ و 110 نەوەیە.

 

بە گوتەی خۆی، ساڵی 1969 هاوژینەکەی گیانی لەدەستداوە.

 

گورکان لەبارەی هۆکاری تەمەن درێژییەکەی گوتی، هەرگیز جگەرەی نەکێشاوە؛ جگە لەوەش، بەردەوام خۆراکی تەندروستی خواردووە.

 

هۆدی گورکان زمانەکانی کوردی و تورکی نەدەزانی و تەنیا بە عەرەبی قسەی دەکرد.

 

ساڵی 2020یش ژنێک بەناوی ئەمینە بایتار لە تەمەنی 122 ساڵیدا لە وانی باکووری کوردستان گیانی لەدەستدا.