بەرەی تورکمانیی هەرێمی کوردستان بە تەنیا بەشداریی هەڵبژاردن دەکات

 

لە کاتێکدا حیزبە تورکمانەکانی دیکە بەربژێریان نییە، بەرەی تورکمانی بە 9 بەربژێرەوە دەچێتە ناو کێبڕکێکە، 4 بەربژێری لە بازنەی سلێمانی و 5 بەربژێری لە بازنەی هەولێرە.

 

بڕوا عومەر، گەنجترین سەرلیستی بەرەی تورکمانی لە هەولێر، ئاماژە بەوە دەکات کە ئامانجیان بەهێزکردنی پێگەی تورکمانەکان و هەرێمی کوردستانە لە عێراقدا.

 

کەنعان شاکر ئاغالی، یەکێک لە دامەزرێنەرانی بەرەی تورکمانی و سەرۆکی ئێستای بزووتنەوەی بێلایەنی تورکمانییە، پێیوایە دۆخی تورکمانەکان بۆ دەنگدان گۆڕاوە و بوونەتە سێ بەش.

 

لە هەڵبژاردنی پێشووی پەرلەمانی کوردستاندا، بەرەی تورکمانی تەنیا بەشداربووی تورکمان بوو و تەنیا 1521 دەنگی بەدەستهێنا. پرسیار ئەوەیە، ئایا ئەمجارە بە بێ ڕکابەری، دەتوانن پێگەی خۆیان بەهێزتر بکەن؟