وەزیرى گەشەپێدانى کارگێڕیى سووریا بۆ رووداو: کارمەندانی بەڕێوەبەرایەتیی خۆسەر تێکەڵی فەرمانگەکانی حکومەت دەکرێن

 

 

ئەو قسانەی وەزیرەکەى سووریا لە هەڤپەیڤینێکى رووداو بوو، کە سەنگەر عەبدولڕەحمان، لە پەراوێزى لووتکەى حکومەتەکان لە شارى دوبەى ئیمارات ئەمڕۆ سێشەممە 3ى شوبات لەگەڵی کردووە.

 

وەزیرى گەشەپێدانى کارگێڕى سووریا لەبارەى ئاییندەى کورد لەو وڵاتە دەڵێت: "بە راشکاوی دەڵێم کە پێویست بە هیچ دوودڵییەک ناکات سەبارەت بە داهاتووی کورد لە سووریا، کورد پێکهاتەیەکی رەسەنن وەک پێکهاتەکانی دیکەى سووریا و ئەو توانایانەی لەناو ئەم پێکهاتەیەدا هەن دیار و ناسراون و هەرگیز ناکرێت چاوپۆشی لەو توانایانە بکەین"

 

 

 

د. محەمەد حەسان: بەخێربێن، سڵاوتان لێبێت.

 

 

د. محەمەد حەسان: بەخێربێن، سڵاوتان لێبێت. بێگومان وەک دەزانن لووتکەی جیهانیی حکومەتەکان رووداوێکی زۆر گرنگە لەسەر ئاستی جیهان، ئامانجی کۆکردنەوەی بڕیاربەدەستان و شارەزایانی کاری حکومییە بۆ ئاڵوگۆڕی ئەزموونەکان و ئاگاداربوون لە ئەزموونە پێشەنگەکان لەم بوارەدا. ئێمەش وەک دەوڵەتێک کە لە جەنگ دەرچووین، پێویستە سوود لە هەموو ئەزموونە جیهانییەکان وەربگرین لەوەی پەیوەستە بە کاری حکومییەوە، بۆ ئەوەی لەگەڵ واقیعی سووریادا بیگونجێنین بەشێوەیەک تاوەکو رادەیەک رۆڵى هەبێت لە دروستکردنی گۆڕانکارییەکی چۆنایەتی لەم واقیعەدا.

 

 

د. محەمەد حەسان: سەرەتا سەبارەت بە رێککەوتنی هەسەدە لەگەڵ حکومەتی سووریا، من لە رووی  کارگێڕیەوە قسە دەکەم کە تاوەکو رادەیەک پەیوەندی بە ئێمەوە هەیە وەک وەزارەتی گەشەپێدانی کارگێڕی. ئێمە رێنمایی راشکاوانەمان لە سەرۆکایەتییەوە پێگەیشتووە سەبارەت بە تێکەڵکردنی سەرجەم کارمەندانی بەڕێوەبەریی خۆسەر لەناو دامەزراوە مەدەنییەکانی سەر بە حکومەتی سووریا، ئێمە لە کارکردنداین لەم چوارچێوەیەدا بە پشتیوانی خوا. ئێمە وەک دەوڵەتی سووریا کە لە جەنگ دەرچووین، پێویستییەکی زۆرمان بە هەموو تواناکانی سووریا هەیە بە هەموو پێکهاتە و ئینتیماکانەوە، تاوەکو ئەم واقیعەی سووریای پێ بونیات بنێینەوە کە ئێستا تێیدا دەژین. ئێمە سەیری هەر توانایەکی سووری دەکەین وەک دەستکەوتێکی راستەقینە و کرۆکییە، بۆ ئەوەی ببێتە فاکتەرێکی سەرەکی  بۆ هەنگاونان بەرەو دەوڵەتى سووریای نوێ.

 

 

د. محەمەد حەسان: بە راشکاوی دەڵێم پێویست بە هیچ دوودڵیەک ناکات سەبارەت بە داهاتووی کورد لە سووریا. کورد پێکهاتەیەکی رەسەنن وەک پێکهاتەکانی دیکەى سووریا و ئەو توانایانەی لەناو ئەم پێکهاتەیەدا هەن دیار و ناسراون و هەرگیز ناکرێت چاوپۆشی لەو توانایانە بکەین، کە هەن، بەڵکو بە پێچەوانەوە دەبێت هەموو وزەکان وەگەڕ بخەین بۆ ئەوەی ببنە بزوێنەری سەرەکی بۆ بونیاتنانی سووریای نوێ.

 

 

د. محەمەد حەسان: وەک دەزانن ئەو رێککەوتن و لێکتێگەیشتنانەی کە لە نێوان جەنابی سەرۆککۆمار بەڕێز ئەحمەد شەرع و جەنابی سەرۆک مەسعود بارزانیدا روویاندا، رۆڵێکی راستەقینەیان هەبوو لەو رێککەوتنەی دوایی کە لەگەڵ هەسەدە کرا. بۆیە پێمان وایە پەیوەندی لەگەڵ هەرێمی کوردستان زۆر قوڵ دەبێت و بە پشتیوانی خوا رۆڵێکی راستەقینەی دەبێت لە رۆژانی داهاتوودا.

 

 

د. محەمەد حەسەن: بە پشتیوانی خوا کەناڵی ناسراو هەن بۆ ئەم پەیوەندییە و بە ویستی خوای گەورە وەک دەزانن ئاسۆکان کراوەن لەبەردەم هەموواندا بۆ هاوکاریکردن لەگەڵ دەوڵەتی سووریا بۆ رزگارکردنی لەم واقیعە بە ئازارە.

 

 

د. محەمەد حەسان: پەیوەندییەکان باشن لەسەر هەموو ئاستە عەرەبییەکان