سوپای ئیسرائیل دوو بەرپرسی لە پۆستەکانیان دوورخستەوە

  

 

رۆژی یەکشەممە، 20ـی نیسانی 2025، سوپای ئیسرائیل بڵاویکردەوە، دوای لێکۆڵینەوەی سەرەتایی، فەرماندەی یەکەی گۆلان و جێگرەکەی لە پۆستەکانیان دوورخراونەتەوە، ئەوەش بەهۆی بەرپرسیارێتی لە کوشتنی ژمارەیەک کارمەندی تەندروستی. 

 

23ـی ئاداری ئەم ساڵ، سوپای ئیسرائیل هێرشی کردە سەر کاروانێکی ئۆتۆمبێلی فریاگوزاری و بەهاناوەچوونی لەناکاو و لە ئەنجامدا 15 کارمەندی تیمەکە کوژران.

 

بە گوێرەی راگەیێندراوەکەی ئەمڕۆی سوپای ئیسرائیل، لێکۆڵینەوەی کردووە و بۆی روون بووەتەوە کە شەش لە کوژراوەکان چەکداری حەماس بوون. 

 

به‌رامبه‌ر هێرشێکی چاوه‌ڕواننه‌کراو له‌ 7ـی ئۆکتۆبه‌ری 2023دا، که‌ نزیکه‌ی 1200 که‌س کوژران و 251ـی دیکه‌ به‌ بارمته‌ گیران، ئیسرائیل ئۆپەراسیۆنی له‌ناوبردنی حه‌ماسی لە هەمان مانگدا ده‌ستپێکرد.

 

به‌پێی وه‌زاره‌تی ته‌ندروستیی غه‌ززه‌ که‌ له‌لایه‌ن حه‌ماسه‌وه‌ به‌ڕێوه‌ده‌برێت، لەو کاتەوە لانیکه‌م 51,201 که‌س له‌ غه‌ززه‌ کوژراون.