کۆمیسیاری باڵای نەتەوە یەکگرتووەکان بۆ کاروباری پەنابەران بڵاویکردەوە، لە سەرەتای ئەمساڵەوە 900 پەنابەری سووریایی لە عێراقەوە گەڕاونەتەوە وڵاتەکەیان؛ دەشڵێت، پڕۆسەکە بەردەوامە.

ماڵپەڕی داتای 'رووداو و شوێنی پێکدادانە چەکدارییەکان' (ACELD) کە نەتەوە یەکگرتووەکان و رێکخراوە نێودەوڵەتییەکانی دیکە پشت بە ئامارەکانی دەبەستن لە راپۆرتێکدا دەڵێت، پار لە جیهاندا دوو هەزار و 653 هێرش کراوەتە سەر بەرپرسانی حکومی، زۆرترینیان لە مەکسیک، هیندستان و میانمار بوون. هەروەها، 36 هێرشیان لە سووریا، 13یان لە عێراق و پێنجیان لە هەریەک لە وڵاتانی ئێران و تورکیا بوون.

سەرۆکایەتیی فەرەنسا دەڵێ، کەشتیی فڕۆکەهەڵگری (شارڵ دیگۆل) بەرەو باشووری دەریای سوور بەڕێوەیە، ئەمەش وەک ئامادەکارییەک بۆ ئەرکێکی ئەگەری بە مەبەستی گەڕاندنەوەی ئازادیی کەشتیوانی بۆ تەنگەی هورمز.

دۆناڵد ترەمپ، سەرۆکی ئەمریکا رایدەگەیێنێت، ئەو پێشبینییانەی دەیانگوت نرخی نەوت بەهۆی جەنگی ئێرانەوە دەگاتە 300 دۆلار "هەڵە بوون" و دەڵێت، دوای کۆتاییهاتنی جەنگ، نرخەکان بۆ ئاستێکی زۆر نزم دادەبەزێنن

بە گوێرەی سەرچاوەیەکی ئاگادار کە قسەی بۆ (سی ئێن ئێن) کردووە، سیستەمێکی بەرگریی ئاسمانیی ئیسرائیل کە لە ئیماڕات جێگیرکراوە رۆژی دووشەممە مووشەکێکی ئاراستەکراوی ئێرانی لە ئاسماندا تەقاندووەتەوە

دەسەڵاتدارانی نوێی سووریا زنجیرەیەک مەرجی نوێیان بۆ خۆپیشاندان لەسەر شەقامەکان راگەیاند؛ ئەمەش نیگەرانیی چالاکڤانانی مافی مرۆڤی لێکەوتووەتەوە و بە هەوڵێک بۆ سنووردارکردنی ئازادییەکان ناوی دەبەن

فەرماندەی فەرماندەیی ناوەندیی سوپای ئەمریکا (سێنتکۆم) رایگەیاند، لە 12 کاژێری رابردوودا پەیوەندییان بە دەیان کۆمپانیای کەشتیوانیی نێودەوڵەتییەوە کردووە تاوەکو گەشتەکانیان بە ناو تەنگەی هورمزدا دەستپێبکەنەوە؛ ئاماژەی بەوەش کرد، سوپای ئەمریکا بە سەلامەتی رێنماییان دەکات

سەرۆکوەزیرانی ئیتاڵیا رایدەگەیەنێت، وڵاتەکەی هەمیشە پابەندی بەڵێنەکانی بووە لە نێو هاوپەیمانیی ناتۆدا، تەنانەت کاتێک بەرژەوەندییەکانیشی لە مەترسیدا نەبووە؛ دەشڵێت، ئەو رەخنانەی ئاراستەی ئەورووپا دەکرێن لەبارەی کەمتەرخەمی لە پاراستنی ئاسایش، ناڕاستن

سەرۆکی ئەمریکا رایگەیاند، ئێران هێرشی کردووەتە سەر کەشتیی ئەو وڵاتانەی پەیوەندییان بە جەنگەوە نییە، لەوانەش کەشتییەکی کۆریای باشوور. دەشڵێت، پێویستە سیئۆل پەیوەندی بە ئەرکی پاراستنی ئازادی کەشتیوانییەوە بکات

حیزبوڵڵای لوبنانی داوای لە دەسەڵاتدارانی لوبنان کرد میشێل عیسا، باڵیۆزی ئەمریکا لە بەیروت وەک "کەسێکی نەخوازراو" بناسێنن؛ ئەمەش دوای ئەوەی باڵیۆز پێشنیازی کرد، ئەو کەسانەی سووکایەتییان بە سەرکردەیەکی ئایینی کریستیان کردوە، وڵاتەکە جێبهێڵن

#SUMMARY#