تۆم باراک، نێردەی ئەمریکا بۆ سووریا دوای کۆبوونەوەی لەگەڵ مەزڵووم عەبدی و ئیلهام ئەحمەد رایگەیاند، "ویلایەتە یەکگرتووەکانی ئەمریکا پشتیوانی بەهێز و پابەندبوونی خۆی دووپاتکردەوە بۆ بەرەوپێشبردنی پرۆسەی یەکگرتنەوە (تێکەڵبوونەوە) کە لە رێککەوتننامەی 18ی کانوونی دووەمی نێوان هێزەکانی سووریای دیموکرات و حکومەتی سووریادا ئاماژەی پێکراوە".

سەرۆکی ئەمریکا لە داڤۆس بەشداری کۆربەندی ئابووری جیهانی کرد و زۆرترین سەرنجی لەسەر گرینلاند بوو، ئەو داوای دانوستاندنی دەستبەجێی لەبارەی دوورگەکەوە لە دانیمارک و ئەورووپا کرد، بەڵام رەتیکردەوە هێزی سەربازی بۆ ئەو مەبەستە بەکاربهێنێت.

وەزیری راگەیاندنی حکومەتی سووریا رایدەگەیێنێت، سەدەیەک لەمەوبەر باوانیان رێگەیان بە دامەزراندنی هەرێمێکی سەربەخۆ بەناوی "ویلایەتی جەزیرە" نەداوە؛ ئێستاش ئەوان هاوشێوەی باوانیان رێگە بە دروستبوونی هەرێمێکی لەو جۆرە نادەن.

لە پەیامێکی تونددا سەبارەت بە پەرەسەندنە ئەمنییەکانی سووریا، لیندزی گراهام، ئەندامی کۆنگرێسی ئەمریکا رەخنە لە هەوڵەکانی حکومەتی نوێی سووریا دەگرێت بۆ یەکخستنەوەی وڵات لە رێگەی سەربازییەوە و جەخت دەکاتەوە کە "ناتوانرێت سووریا بە بەکارهێنانی هێزی سەربازی یەکبخرێت، وەک ئەوەی ئەحمەد شەرەع، سەرۆکی حکومەتی سووریا هەوڵی بۆ دەدات."

ئەندامێکی سەرکردایەتیی پارتی ئەلوەحدە لە کۆبانێوە رەتیدەکاتەوە هیچ گوندێکی کوردیی سنوورەکە کەوتبێتە ژێر دەستی هێزەکانی حکومەتی دیمەشق و دەڵێت، ئەو هێزانە نزیکەی 45 کیلۆمەتر لە شارەکەوە دوورن، بەڵام خەڵک بەهۆی دوودڵییەوە لە گوندەکانەوە ئاوارەی سەنتەری کۆبانێ بوون.

باڵیۆزی پێشووتری ئەمریکا لە عێراق رایدەگەیێنێت، ئەو رێککەوتنەی لەنێوان هەسەدە و حکومەتی دیمەشق کراوە "رەنگدانەوەی ئەو واقعەیە کە لەسەر ئەرز هەیە"؛ تەنیا لایەنی باشیشی ئەوەیە کوشتن رادەگرێت. هاوکات داوا دەکات دەستوورێکی نوێ بۆ سووریا بنووسرێتەوە.

سوپای سووریا کوژرانی سێ سەربازی خۆی لە ئەنجامی هێرشی شەڕڤانان راگەیاند؛ لە بەرامبەردا هێزەکانی سووریای دیموکرات (هەسەدە) حکومەتی سووریا بە پێشێلکردنی ئاگربەست و هێرشکردنە سەر زیندانێکی داعش تۆمەتبار دەکات

پۆلیسی ئەفغانستان ڕایدەگەیێنێت، لە هۆتێلێکی شاری کابوڵ تەقینەوەیەک روویداوە و بووەتە هۆی ئاگرکەوتنەوە؛ گوتەبێژی وەزارەتی ناوخۆی ئەو وڵاتەش دەڵێت، تەقینەوەکە کوژراو و برینداری لێکەوتووەتەوە.

ناوەندی راگەیاندنی هێزەکانی سووریای دیموکرات - هەسەدە رایگەیاند، دەوروبەری زیندانی شەدادێ لە باشووری حەسەکە، کە نزیکەی هەزار چەکداری داعشی تێدایە، رووبەڕووی هێرشێکی هێزەکانی سەر بە حکومەتی سووریا بووەتەوە

چالاکڤانێکی کورد لە شاری کۆبانێی رۆژئاوای کوردستان بە رووداوی راگەیاند، هێزەکانی سووریا هێرشەکانیان بە ئاڕاستەی کۆبانێ چڕ کردوونەتەوە. کۆبانێ لە باکووری رۆژهەڵاتی حەلەبە، بەڵام هێرشەکان لە پارێزگای رەققەوەن

هاوسەرۆکی کاروباری ئاوارە و پەنابەران لە بەڕێوەبەرایەتیی خۆسەر بە رووداوی راگەیاند، سوپای عەرەبیی سووریا هێرشی کردووەتە سەر زیندانی داعش لە رەققە، لەنێو کەمپی هۆلیش خێزانەکانی داعش هەوڵی راکردنیان داوە

ناوەندی راگەیاندنی هێزەکانی سووریای دیموکرات (هەسەدە) رایگەیاند، سەرەڕای رێککەوتنی ئاگربەست، گرووپە چەکدارەکانی سەر بە حکومەتی سووریا هێرشەکانیان بۆسەر ناوچەکانی عەین عیسا، شەدادێ و رەققە بەردەوامە؛ هۆشدارییش لە "گرژییەکی مەترسیدار" لە دەوروبەری زیندانێکی چەکدارانی داعش دەدات

گوتەبێژی کۆشکی سەرۆکایەتیی رووسیا (کرێملین) رایگەیاند، داوای بەشێک لە وڵاتانی ئەورووپا بۆ دەستپێکردنەوەی دیالۆگ لەگەڵ مۆسکۆ بە هەنگاوێکی "ئەرێنی" دەبینن، ئەمەش دوای ئەوە دێت سەرکردەکانی فەرەنسا و ئیتاڵیا داوای دروستکردنەوەی پەیوەندییان لەگەڵ رووسیا کرد

گوتەبێژی کۆشکی سەرۆکایەتیی رووسیا (کرێملین) رایگەیاند، ڤلادیمیر پووتین پەیوەندیی بە سەرۆکوەزیرانی ئیسرائیل و سەرۆککۆماری ئێرانەوە کردووە و پێشنیازی نێوەندگیریی بۆ کەمکردنەوەی گرژییەکانی نێوانیان خستووەتەڕوو

سیناتۆرێکی دیاری ئەمریکا رایدەگەیێنێت، دیمەشق دەیەوێت بە رێککەوتن لەگەڵ ئەنقەرە هێرش بکاتە سەر کوردی رۆژئاوای کوردستان، هۆشداریش دەدات و دەڵێت: "کەس وا بیر نەکاتەوە رازی دەبین زیندانییەکانی داعش لەبری کورد، لەلایەن سوپای سووریا یان تورکیاوە پاسەوانی بکرێن".

نێردەی تایبەتی ئەمریکا بۆ کاروباری سووریا رایدەگەیێنێت، لە پەیوەندیی نزیکدان لەگەڵ لایەنەکانی سووریا بۆ ئەوەی گرژییەکان زیاتر نەبن و هەنگاوەکانی تێکەڵبوونی هێزەکانی سووریای دیموکرات (هەسەدە) بە سوپای سووریا خێراتر بکرێن. سیناتۆرێکی ئەمریکاش هۆشداری لە رێککەوتنی حکومەتی نوێی سووریا و تورکیا دژ بە کورد دەدات.

گوتەبێژی وەزارەتی دەرەوەی رووسیا بە رووداوی راگەیاند، وڵاتەکەی نیگەرانە لە تێکچوونی دۆخی ئەمنیی حەلەب و دەوروبەری. دەشڵێت، ئەوەی لە ئەشرەفییە و شێخ مەقسوود روویدا بە هیچ شێوەیەک بەلای رووسیاوە قبوڵکراو نییە.

دوازدە سیناتۆری ئەمریکی پڕۆژەبڕیارێکیان پێشکێشی کۆنگرێس کرد و تێیدا ناوی عێراق، ئێران، تورکیا و سووریا لە لیستی ئەو وڵاتانەدا هاتووە کە حکومەتەکانیان بە ئاستی جیاواز ئازادیی ئایینییان پێشێل کردووە. پڕۆژەکە داوا دەکات واشنتن بە هەموو ئامرازێک رووبەڕووی ئەو حکومەتانە ببێتەوە.

وڵاتانی کۆمەڵەی حەوت (G7) لە راگەیێندراوێکی هاوبەشدا هۆشداری دەدەنە تاران و دەڵێن، بە وردی چاودێریی دۆخەکە دەکەن؛ جەختیش دەکەنەوە ئەگەر سەرکوتکارییەکان دژی خۆپێشاندەران بەردەوام بن، سزای نوێ و قورس بەسەر ئێراندا دەسەپێنن.

سەرۆکایەتیی سۆماڵ کە سەرۆکایەتی ئەم خولەی ئەنجوومەنی ئاسایشی نەتەوە یەکگرتووەکان دەکات بڵاویکردەوە، رۆژی پێنجشەممە ئەنجوومەنی ئاسایشی نەتەوە یەکگرتووەکان لەبارەی ئێران کۆدەبێتەوە.

دوای هەڕەشەکانی سەرۆکی ئەمریکا بۆ هێرشکردنە سەر ئێران، دۆناڵد ترەمپ رایگەیاند پێیان راگەیێندراوە کوشتار لەو وڵاتە وەستاوە؛ وەزیری دەرەوەی ئێرانیش دەڵێت، هیچ پلانێکیان بۆ لەسێدارەدانی خۆپێشاندەران نییە.

نێردەی ئەمریکا بۆ کاروباری عێراق رایگەیاند، لەگەڵ بەرپرسانی گەنجینەی ئەمریکا تاوتوێی دۆخی دارایی عێراقیان کردووە و رێککەوتوون لەسەر پێداچوونەوە بە مامەڵە داراییە گوماناوییەکان و سزادانی ئەو تۆڕانەی دەبنە هۆی لاوازکردنی سیستمی دارایی وڵات.

رێکخراوی لێبووردنی نێودەوڵەتی رایدەگەیێنێت، هێزە ئەمنییەکانی ئێران بە بەکارهێنانی چەکی جەنگی، کۆمەڵکوژییەکی "بێ وێنە" دژی خۆپێشاندەران دەکەن و زۆربەیان لە سەربان و مزگەوتەکانەوە تەقە لە خەڵک دەکەن.

خۆپێشاندان لە ئێران بەردەوامە، رۆژ بە رۆژ ئەگەری هێرشی ئەمریکا بۆ سەر ئەو وڵاتە زیاتر دەبێت. تاوەکو ئێستا 19 وڵات هۆشدارییان بە هاووڵاتییانیان داوە، گەشت بۆ ئێران نەکەن و بە زووترین کات ئەو وڵاتە جێبهێڵن.

راوێژکاری پێشووی وەزارەتی دەرەوەی ئەمریکا بۆ کاروباری عێراق و سووریا لە هەڤپەیڤینێکدا لەگەڵ رووداو رایدەگەیێنێت، ئەحمەد شەرع ناتوانێت بە زەبری هێز سووریا یەکبخاتەوە و نموونەی شکستەکەی لە سوەیدا بە بەڵگە دەهێنێتەوە. هاوکات هۆشداری دەدات کە سیاسەتی "دابەشکردن" مەترسیی بڵاوبوونەوەی گوتاری رق و کینە زیاتر دەکات.

دۆناڵد ترەمپ سەرۆکی ئەمریکا لەبارەی ئێران دەڵێت، "ئاگادار کراومەتەوە کوشتنی خۆپێشاندەران وەستاوە و پلانی لەسێدارەدان نییە، بەڵام لێکۆڵینەوە دەکەین.

وەزیری دەرەوەی ئیسرائیل لە پەیوەندییەکی تەلەفۆنیدا داوا لە هاوتا فەرەنسییەکەی دەکات پاریس پاڵپشتی لە خستنە لیستی تیرۆری سوپای پاسداران بکات و دەڵێت: "ئەمە پەیامێکی روون دەبێت بۆ خۆپێشاندەرانی ئێران کە بەتەنیا نین."

ژمارەیەک بەرپرسی ئەورووپی رایانگەیاندووە، لە 24 کاژێری داهاتوودا ئەمریکا هێرشدەکاتە سەر ئێران و میدیای ئەمریکاش بڵاویکردووەتەوە، پێدەچێت هێرشەکە سنووردار بێت بۆ سەر ژمارەیەک ئامانجی دیاریکراو.

وەزارەتی ناوخۆی فەرەنسا بڕیاری دا رێگری لە چوونی 10 چالاکڤانی راستڕۆی تووندڕۆی بەریتانی بۆ وڵاتەکەی بکات، کە ویستوویانە لە کەناراوەکانی فەرەنساوە دژی پەڕینەوەی کۆچبەران بۆ بەریتانیا چالاکی بکەن.

وەزارەتی دەرەوەی سوێد باڵیۆزی ئێرانی لە وڵاتەکەی بانگهێشت کرد و ناڕەزایەتیی تووندی خۆی لەبارەی بەکارهێنانی هێز دژی خۆپێشاندەران و سنووردارکردنی ئینتەرنێت پێگەیاند.

دکتۆر جین دۆگلاس، پرۆفیسۆری کیمیا کە پێشتر لە زانکۆی ئەمریکی لە سلێمانی (AUIS) وانەی گوتووەتەوە، ئێستا وەک بەربژێری کۆمارییەکان لە ویلایەتی کارۆلینای باکوور هەوڵی گەیشتن بە کۆنگرێسی ئەمریکا دەدات. دۆگلاس دەڵێت، ئەزموونی کارکردنی لە هەرێمی کوردستان "بەرەکەتێکی گەورە" بووە و پێشنیازی "ویلایەتە یەکگرتووەکانی عێراق" دەکات

باڵیۆزی ئۆکراینا لە عێراق رەتیدەکاتەوە وڵاتەکەی هیچ جۆرە درۆنێکی دابێتە گرووپە چەکدارەکانی سووریا یان حکومەتی دیمەشق و دەڵێت: "هەموو توانای سەربازیمان بۆ بەرگریکردن لە خاکی خۆمان تەرخانکردووە و توانای هەناردەکردنمان نییە."

دادگەی تاوانەکانی ستافۆرد لە بەریتانیا، سزای حەوت ساڵ زیندانیکردنی بەسەر گەنجێکی خەڵکی باکووری کوردستاندا سەپاند، کە بە تۆمەتی دەستدرێژیی سێکسی بۆ سەر کچێکی تەمەن 18 ساڵان دەستگیرکرابوو. قوربانییەکە دەڵێت، ئەو رووداوە "بەتەواوی تێکی شکاندووە."

سەرۆکی پەرلەمانی ئەورووپا لە کاردانەوەی "سەرکوتکردن و کوشتن"ـی خۆپێشاندەران، بڕیاریدا سەردانی دیپلۆماتکار و بەرپرسانی ئێران بۆ تەواوی بنکە و بارەگاکانی پەرلەمانەکە قەدەخە بکات.

هێزەکانی سووریای دیموکرات (هەسەدە) وەڵامی وەزارەتی بەرگریی سووریا دەداتەوە و رەتیدەکاتەوە هێزیان لە ناوچەکانی مەسکەنە و دێر حافر کۆکردبێتەوە. هەسەدە دەڵێت، ئەو جووڵەی هەیە هی گرووپەکانی سەر بە دیمەشقە.

گوتەبێژی کۆمیسیۆنی یەکێتیی ئەورووپا رایگەیاند، هێشتا مەرجەکان بۆ گفتوگۆکردن لەگەڵ ڤلادیمیر پووتین لەبارەی جەنگی ئۆکرانیا بەدینەهاتوون؛ ئەمەش وەک وەڵامێک بۆ سەرکردەکانی فەرەنسا و ئیتاڵیا کە داوای دەستپێکردنەوەی پەیوەندییەکان دەکەن.

وەزارەتی دەرەوەی کەنەدا پەیامێکی تووند ئاراستەی تاران دەکات و دەڵێت، "سەرکۆنەی کوشتنی خۆپێشاندەران دەکەین" و داوا دەکات بەخێرایی "سەرکوتکردنی تۆقێنەرانە" رابگیرێت.

وەزارەتی دەرەوەی سویسرا پەیامێکی لەبارەی دۆخی ئێران بڵاوکردەوە و رایگەیاند، بە "نیگەرانییەکی زۆرەوە" بەدواداچوون بۆ کوژران و دەستگیرکردنی خۆپێشاندەران دەکەن و داوا لە تاران دەکەن کۆتایی بە تووندوتیژییەکان بهێنێت.

سیناتۆرێکی دیاری کۆمارییەکان هۆشداری دەدات لەوەی بۆردوومانکردنی ئێران لەلایەن ئەمریکاوە، دەبێتە هۆی ئەوەی خەڵک لە دەوری رێبەری کۆماری ئیسلامی کۆببنەوە و وەک "رزگارکەر" سەیری بکەن.

گوتەبێژی سکرتێری گشتیی نەتەوە یەکگرتووەکان رایگەیاند، شۆک بوون بەو راپۆرتانەی کە باس لە تووندوتیژی لە دژی خۆپێشاندەران لە ئێران دەکەن. دەشڵێت، داوا لە بەرپرسانی ئێران دەکەن رێگری لە بەکارهێنانی هێز بکەن.

پەیمانگەی نۆبڵ لە راگەیێندراوێکدا بڵاویکردەوە، براوەی نۆبڵ ناتوانێت خەڵاتەکەی بداتە کەسی دیکە و هاوبەشی پێ بکرێت یان رەتبکرێتەوە دوای وەرگرتنی. ئەمە دوای ئەوە هات کە براوەی خەڵاتەکە لە ساڵی 2025دا رایگەیاند، خەڵاتەکەی دەداتە سەرۆکی ئەمریکا.

سەرۆکوەزیرانی ئیسرائیل رایگەیاند، هیواخوازن بەم نزیکانە حکومەتی ئێران بڕووخێت و دەسەڵاتێکی نوێ لەو وڵاتەدا هەبێت. دەشڵێت، ئەو کات دەتوانن لەگەڵ ئەو وڵاتە ببنەوە هاوبەشی یەکدی.

موراد ئیسماعیل، پەرلەمانتاری ئێزدی لە بەغدا، هۆشداریی تووند لەبارەی بارودۆخی هاووڵاتییانی سڤیل لە حەلەب دەدات و رایدەگەیێنێت، کەمینە نەتەوەیی و ئایینییەکان لەژێر مەترسیی راستەقینەی "پاکتاوی نەتەوەییدان".

ئەنوەر حەنوونی، گوتەبێژی یەکێتیی ئەورووپا بۆ کاروباری سیاسەتی دەرەوە رایگەیاند، داوای کۆتایهێنان بە "دوژمنکارییەکان" لە ناوەوە و دەوروبەری شاری حەلەب دەکەن و جەخت لەسەر پێویستیی پاراستنی هاووڵاتییانی سڤیل و گەیاندنی هاوکارییە مرۆییەکانیش دەکەنەوە.

سەرۆکی کۆمیسیۆنی ئەورووپا رایگەیاند، ئاگاداری ئەو توندوتیژیانەن لە دژی خۆپێشاندەران لە ئێران دەکرێن. دەشڵێت، ئەو توندوتیژیانە شەرمەزار دەکەن و داوای ئازادکردنی ئەو کەسانەش دەکەن بەو هۆیەوە دەستگیرکراون.

سەرۆکی پەرلەمانی ئەورووپا رایگەیاند، ئاگاداری خۆپێشاندانی هاووڵاتییانی ئێرانن. دەشڵێت، بۆ رووبەڕووبوونەوەی ئەوانەی هێرشدەکەنە سەر خۆپێشاندەران "پێویستە سوپای پاسداران و هەر هێرشکارێکی دیکە بخەینە لیستی تیرۆرەوە کە ئازاریان پێدەگەیێنێت".

گوتەبێژی پارتی چەپی ئەڵمانیا بۆ کاروباری سیاسەتی دەرەوە نیگەرانیی خۆی لە بێدەنگیی حکومەتی وڵاتەکەی لە بەرامبەر رووداوەکانی حەلەب پێشاندا و رایگەیاند، "کوردەکان لەوێ کۆمەڵکوژ دەکرێن لەبەر ئەوەی کوردن".

گوتەبێژی یەکێتیی ئەورووپا لە کۆنفرانسێکی رۆژنامەڤانیدا رایگەیاند، خەڵکی ئێران خۆپێشاندان بۆ مافەکانی خۆیان دەکەن و پێویستە بەرپرسانی تارانیش رەچاوی ئەو مافە شەرعییەیان بکەن.

نوێنەری بەریتانیا بۆ کاروباری سووریا دەڵێت، پێشوازی لە ئاگربەستی کاتی لە حەلەب دەکەن و نایانەوێت چی دیکە ببینن کە هاووڵاتییانی سڤیل ببنە قوربانی.

وەزارەتی دەرەوەی بەلجیکا لەبارەی شەڕی سوپای عەرەبی سووریا و ئاسایشی ناوخۆ لە گەڕەکەکانی ئەشرەفییە و شێخ مەقسوود بە رووداوی راگەیاند، نیگەرانی دۆخی ئەو دوو گەڕەکەن. دەشڵێت، "ئەم گرژییانە هەڕەشە لە سەقامگیریی ناوچەکە دەکەن و دەبنە هۆی دروستبوونی بۆشایی ئەمنی کە تەنیا لە بەرژەوەندی گروپی داعش دایە".

نێردەی تایبەتی ئەمریکا بۆ سووریا رایگەیاند، پێشوازی لەو ئاگربەستە کاتییە دەکەن کە لەلایەن حکومەتی سووریاوە راگەیێندراوە و کار بۆ درێژکردنەوەی دەکەن.

دادگایەکی بەلجیکا سزای 11 ساڵ زیندانی و پێبژاردنی 400 هەزار یۆرۆی بەسەر قاچاخچییەکی تورکدا سەپاند، کە دابینکەری سەرەکیی بەلەم بووە بۆ پەڕینەوەی کۆچبەران بۆ بەریتانیا. ئەو قاچاخچییە لە رێگەی لێکۆڵینەوە لە مۆبایلی قاچاخچییەکی کوردەوە ئاشکرا بووە

بەرپرسی ناوەندی راگەیاندنی هێزەکانی سووریای دیموکرات (هەسەدە) بڵاویکردەوە، گرووپە چەکدارەکانی نزیک لە حکومەتی سووریا بە چەکی قەناس تەقە لە خەڵک دەکەن، ناوە ناوەش تۆپبارانی گەڕەکەکانی ئەشرەفییەوە و شێخ مەقسوود دەکەن

بەرپرسی ناوەندی راگەیاندنی هێزەکانی سووریای دیموکرات (هەسەدە) بڵاویکردەوە، گرووپە چەکدارەکانی نزیک لە حکومەتی دیمەشق باڵەخانەی نیشتەجێبوون لە حەلەب دەگۆڕن و دەیکەنە بنکەی سەربازی. دەشڵێت، ئەوان لەوێوە ناوچەکانی گەڕەکەکانی شێخ مەقسوود و ئەشرەفییە تۆپباران دەکەن

پارێزگای حەلەب رایدەگەیێنێت، "لەسەر داوای دانیشتووان"ی شێخ مەقسوود و ئەشرەفییە، دوو رێڕۆی بۆ دەرچوونی خەڵک کردووەتەوە و هەسەدەش بە "بەکارهێنانی خەڵک وەکو قەڵخانی مرۆیی" تۆمەتبار دەکات

دەستەی ئۆپەراسیۆنەکانی سوپای عەرەبیی سووریا بڵاویکردەوە، لە کاژێر 01:30ی دوانیوەڕۆی ئەمڕۆوە قەدەخەی هاتووچۆ دەبێت. داواش لە خەڵک دەکات لە بنکە و بارەگاکانی هەسەدە دووربکەونەوە

رێکخەری کاروباری مرۆیی نەتەوە یەکگرتووەکان لە عێراق دۆسیەی کوردانی ئێزدی بە "هەستیار و ئاڵۆز" ناودەبات، داوا لە بەغدا دەکات ئاسانکاری بۆ گەڕانەوەیان بکات. هاوکات جەخت دەکاتەوە، بە کۆتاییهاتنی ئەرکی یونامی، نەتەوە یەکگرتووەکان عێراق جێناهێڵێت، بەڵکو شێوازی کارکردنی دەگۆڕێت

جەدعون سار دەڵێت، "بێدەنگیی کۆمەڵگەی نێودەوڵەتی دەبێتە هۆی هەڵکشان و زیاتربوونی تووندوتیژییەکان لەلایەن رژێمی سووریاوە."

سەرکردەیەکی ئەنجوومەنی راگوزەری باشووری یەمەن بە رووداوی راگەیاند، هەوڵەکانیان چڕکردووەتەوە بۆ بەدەستهێنانی پاڵپشتیی نێودەوڵەتی بۆ سەربەخۆبوونی باشووری یەمەن. جەختیش دەکاتەوە کە بەهیچ شێوەیەک گفتوگۆ لەگەڵ حووسییەکان ناکەن.

دوای چەند مانگێک لە وەستانی گفتوگۆکان، شاندێکی باڵای حکومەتی سووریا بە سەرۆکایەتیی وەزیری دەرەوەی ئەو وڵاتە، خولێکی نوێی دانوستاندنی لەگەڵ بەرپرسانی ئیسرائیل دەستپێکرد.

دوای چەند کاژێرێک لە سوێندخواردنی سەرۆکی کاتیی ڤەنزوێلا، بە ژمارەیەک درۆن هێرش کرایە سەر کۆشکی سەرۆکایەتیی ئەو وڵاتە و هێزە ئەمنییەکانیش بە تەقە وەڵامیان دانەوە. کۆشکی سپیش بێئاگایی خۆی لە هێرشەکە نیشان دا.

سەرۆکی ئەمریکا دوای دەستوەردان لە ڤەنزوێلا، چاوی بڕیوەتە گرینلاند و دەڵێت، "بۆ ئاسایشی نیشتمانی پێویستمانە". سەرۆکوەزیرانی ئەو هەرێمە ئۆتۆنۆمییەی دانیمارکیش بە تووندی وەڵامی دەداتەوە و دەڵێت: "چیدی گوشارمان ناوێت."

سەرۆکوەزیرانی ئیسرائیل رایدەگەیێنێت، رێگە بە تاران نادەن بەرنامە ئەتۆمی و مووشەکییەکەی نوێ بکاتەوە و هۆشداریش دەدات "ئەگەر هێرشمان بکرێتە سەر، دەرەنجامەکانی بۆ ئێران زۆر سەخت دەبن." هاوکات پشتیوانیی خۆی بۆ خۆپێشاندەرانی ئێران دەردەبڕێت.

دوای ئەوەی دۆناڵد ترەمپ هێرشی تووندی کردە سەر و هۆشداری پێدا، سەرۆکی کۆڵۆمبیا رایگەیاند، هەرچەندە سوێندی خواردووە چەک دانێت، بەڵام بۆ رووبەڕووبوونەوەی هەر هەڕەشەیەک لەسەر خاکی وڵاتەکەی، ئامادەیە جارێکی دیکە چەک هەڵبگرێتەوە. دەشڵێت: "دەزانم شەڕی گەریلایی چۆنە."

بەهۆی راگرتنی گەشتە ئاسمانییەکان لە ئەنجامی پێکدادانی گرووپە چەکدارەکانەوە، زیاتر لە 400 گەشتیاری بیانی لە دوورگەی سوقوترا لە یەمەن گیریان خواردووە، کە بەشێکیان خەڵکی رووسیان. بەرپرسانی دوورگەکەش داوا دەکەن فڕۆکەخانە تێکەڵی ململانێکان نەکرێت.

وەزیری دیاسپۆرای ئیسرائیل دەڵێت، تورکیا دژایەتی تووندی وڵاتەکەی دەکات، هەربۆیە پێویستە پەیوەندییەکانیان لەگەڵی بپچڕێنن. ئەم گوتەیە لە کاتێکدایە، بەرپرسانی باڵای تورکیا رەخنەی تووند لە حکومەتی ئیسرائیل دەگرن لە بەرامبەر مامەڵەکردنی لەگەڵ زۆر پرس، وەک دۆخی غەززە و بۆردوومانەکانی لە سووریا

وەزیری دەرەوەی ئەمریکا رایگەیاند، مەرج نییە دۆخی ڤەنزوێلا دوای دەستگیرکردنی سەرۆکی ئەو وڵاتە وەکو لیبیا، عێراق یان ئەفغانستانی لێبێت. ئەو دەڵێت، حکومەتی کاراکاس خۆیان لە ئێران و حیزبوڵـڵا نزیککردبووەوە و ناچاربوون هەنگاوێک بنێن.

دۆناڵد ترەمپ، سەرۆکی ویلایەتە یەکگرتووەکانی ئەمریکا، هەڕەشەی تووندی لە دێلسی رۆدریگێز، سەرۆکی کاتیی ڤەنزوێلا کرد و رایگەیاند، ئەگەر هاوکاریی واشنتن نەکات، "باجێکی زۆر گەورە" دەدات. ئەمەش دوای ئەوە دێت کە هێزەکانی ئەمریکا لە ئۆپەراسیۆنێکدا نیکۆلاس مادورۆیان دەستگیرکرد و رەوانەی زیندانیان کرد.

وەزیری دەرەوەی ئەمریکا بە میدیای وڵاتەکەی راگەیاند، کار لەگەڵ سەرکردەکانی ئێستای ڤەنزوێلا دەکەن بۆ ئەوەی بڕیاری دروست بدەن. دەشڵێت، "ئەگەر بڕیاری دروست نەدەن، چەندین ئامرازی گوشارمان لەبەردەستن لە دژیان".

ئیلۆن مەسک، بەرپرسی پێشووی فەرمانگەی کارامەیی حکومەتی ئەمریکا و دەوڵەمەندترین کەسی جیهان لە ئێکس بڵاویکردەوە، پاڵپشتی مارکۆ روبیۆ، وەزیری دەرەوەی ئەمریکا دەکات بۆ ئەوەی ببێتە شای ئێران.

ئەمڕۆ شاندی حکومەتی سووریا و هەسەدە لە دیمەشق کۆبوونەوە. بە گوێرەی میدیای فەرمی سووریا، هەردوولا لەسەر بەردەوامیی کۆبوونەوەکان رێککەوتن.

دۆناڵد ترەمپ، سەرۆکی ئەمریکا دەڵێت، "ئەگەر ئێران تەقە بکات و بە تووندوتیژی خۆپیشاندەرانی ئاشتیخواز بکوژێت، کە ئەمە نەریتی ئەوانە، ویلایەتە یەکگرتووەکانی ئەمریکا بە هانایانەوە دێت".

گوتەبێژی وەزارەتی بەرگریی چین رایگەیاند، راهێنانە سەربازییەکەیان لە نزیک سنوورەکانی تایوان بۆ رێگرییە لە هەوڵی جوداخوازانی ناوچەکە بۆ جیابوونەوە لە چین و دابەشکردنی وڵاتەکەیان. ئەو وەڵامی رەخنەی وەڵاتانی رۆژئاواش دەداتەوە کە راهێنانەکەیان بە دروستکردنی مەترسی ئەمنی لەسەر رۆژهەڵاتی ئاسیا داناوە و دەڵێت، گەورەترین مەترسی ویستی جوداخوازییە لە تایوان و پاڵپشتییەکانی وڵاتانی رۆژئاوایە بۆ ئەو پرسە.

بەرپرسی کاروباری یونامی بڵاویکردەوە، کۆتاییان بە ئەرکەکانیان لە عێراق هێنا. دەشڵێت، وەکو جێگری نێردەی سکرتێری گشتیی نەتەوە یەکگرتووەکان بۆ کاروباری سووریا دەستبەکاردەبێت.

وەزارەتی ناوخۆی سووریا دەڵێ، ئەو خۆکوژەی کە ئەندامێکی هێزە ئەمنییەکانی لە حەلەب لە شەوی سەری ساڵدا کوشت، سەر بە رێکخراوی داعش بوو و پلانی هێرشکردنە سەر ژمارەیەک کەنیسە و گردبوونەوەی لە ژمارەیەک پارێزگای دیکە داڕشتبوو.

پۆلیسی سویسرا دەڵێت، بەرەبەیانی ئەمڕۆ تەقینەوەیەک لە ناوچەیەکی گەشتیاری کانتۆنی ڤالی روویدا و لە ئەنجامدا نزیکەی 40 کەس گیانیان لەدەستدا. پۆلیس ئاماژەی بەوەش کرد، تاوەکو ئێستا هۆکاری تەقینەوەکە روون نییە و لێکۆڵینەوە بەردەوامە.

ماڵپەڕی فاینانس چارتسی ئەمریکی کە تایبەتە بە داتای کۆمپانیا جیهانییەکان، بڵاویکردەوە، ئەم ساڵ کۆمپانیای ئەلفابێتی ئەمریکی 125 ملیار دۆلاری دەستکەوتووە، ئەمەش زۆرترین داهاتە کۆمپانیایەک لەم ساڵدا دەستیکەوتبێت.

رۆژی سێشەممە میدیای فەرمیی کۆریای باکوور بڵاویکردەوە، کیم جۆنگ ئون، رێبەری وڵاتەکە سەردانی کارگەیەکی بەرهەمهێنانی مووشەکهاوێژی نوێی کردووە و ستایشی توانای ئەو چەکانەی کردووە لە "لەنێوبردنی دووژمن"دا.

بە گوێرەی راپۆرتێک کە ناوەندی ئەنجوومەنی پەیوەندییەکانی دەرەوەی ئەمریکا بڵاویکردووەتەوە، ئەم ساڵ حکومەتی وڵاتەکەیان 3.9 ملیار دۆلاری لە کڕینی شیرینیدا خەرجکردووە بەڵام تەنیا بە بەهای 3.4 ملیار دۆلار هاوکاری وڵاتانی کردووە.

رۆژی سێشەممە میدیای فەرمی سعودیە بڵاویکردەوە، هاوپەیمانیی نێودەوڵەتی بە سەرۆکایەتیی سعودیە بۆ پرسی یەمەن، لەو وڵاتە بڕێکی زۆر چەک و ئۆتۆمبێلی جەنگیی کردووەتە ئامانج کە بە کەشتیی ئیماراتی گەیێندرابوون.

ئەنجوومەنی نیشتمانیی کورد لە سووریا (ئەنەکەسە) لە راگەیێندراوێکدا هەڵوێستی خۆی لەبارەی دوایین پەرەسەندنەکانی سووریا خەستەڕوو. ئەنجوومەنەکە ئاماژە بەوە دەکات کە سووریا لە قۆناخێکی هەستیاردا تێدەپەڕێت و گەلی سووریا بە هەموو پێکهاتەکانییەوە چاوەڕوانی دەوڵەتێکی دیموکرات، فرەخواز و دادپەروەرن.

دۆناڵد ترەمپ رایگەیاند، بیر لە فرۆشتنی فڕۆکەی جەنگیی پێشکەوتووی جۆری ئێف-35 بە تورکیا دەکاتەوە. ئەمەش لە کاتێکدایە بنیامین نەتەنیاهوو، سەرۆکوەزیرانی ئیسرائیل بە تووندی دژی ئەو هەنگاوەیە.

سەرۆکی ئەمریکا لە هاوینەهەواری مارەلاگۆ لە ویلایەتی فلۆریدا پێشوازی لە سەرۆکوەزیرانی ئیسرائیل کرد. ترەمپ رایگەیاند، پێویستە حەماس چەک دابنێت، ئەگەرنا "باجێکی قورس" دەدات. هەروەها هۆشداری دایە ئێران کە هەر هەوڵێکی بننیاتنانەوەی ناوەندە ئەتۆمییەکانی، تێکدەشکێنن.

سەرۆکی ئەمریکا لە شوێنی مانەوەی لە ویلایەتی فلۆریدا پێشوازی لە سەرۆکوەزیرانی ئیسرائیل کرد. دۆناڵد ترەمپ گوتی، پێویستە حەماس چەکی لە دەست نەبێت. سەرۆکی ئەمریکا رەخنەی لە هێرشی سەر شوێنی مانەوەی سەرۆکی رووسیاش گرت کە مۆسکۆ دەڵێ، سوپای ئۆکراینا ئەنجامی داوە.

فەرماندەی یەکەی سەربازیی دانیپەری رووسیا دەڵێ، سەرۆکی وڵاتەکەی فەرمانی پێکردوون تەواوی هەرێمی زاپۆریژیا لە باشووری ئۆکراینا کۆنترۆڵ بکەن. ئێستا رووسیا نزیکەی 75٪ی هەرێمەکەی کۆنترۆڵکردووە.

لە رێورەسمێکدا لە دیمەشق و بە ئامادەبوونی ئەحمەد شەرع، سەرۆکی سووریا، بانکی ناوەندیی ئەو وڵاتە بەشێکی دراوە نوێیەکانی وڵاتەکەی نمایشکرد کە سیمبوولەکانیان وەک پەیامێک بۆ "یەکگرتن، ناسنامە و متمانە بە داهاتوو" لێکدەدرێنەوە.

بڕیارە ئەمڕۆ سەرۆکوەزیرانی ئیسرائیل و سەرۆکی ئەمریکا کۆببنەوە و یەکێک لەو پرسانەی گفتوگۆی لەبارەوە دەکەن قۆناخی دووەمی ئاگربەستی غەززە و پرسی چەکدانانی حەماسە، بەڵام چەند کاژێرێک پێش کۆبوونەوەکە بزووتنەوەکە رەتیکردەوە چەک دابنێ.

هێزەکانی سووریای دیموکرات (هەسەدە) دەڵێ، هێزەکانی سەر بە حکومەتی سووریا هێرشیانکردوەتە سەر هێزەکانیان لە نزیک بەنداوی تشرین و لە ئەنجامدا سێ شەڤان بریندار بوون.

بزووتنەوەی حەماس لە راگەیێندراوێکدا کوژرانی ئەبو عوبەیدە، گوتەبێژی پێشووی باڵی سەربازی بزووتنەوەکەی پشتڕاستکردەوە.

سەرۆکی ئەمریکا رایگەیاند، پێش کۆبوونەوەی ئەمشەوی لەگەڵ هاوتا ئۆکراینییەکەی قسەی لەگەڵ سەرۆکی رووسیا کرد لەبارەی جەنگی ئۆکرایناوە.

سەرچاوە خۆجێییەکانی سووریا دەڵێن، ئەمڕۆ عەلەوییەکان لە ژمارەیەک پارێزگای سووریا خۆپێشاندانیان کرد و لە ئەنجامی ئەو گرژییانە کە دروستبوو 2 کەس کوژران.

لە شاری کیل لە ئەڵمانیا، لە کاتێکدا تەم و مژی زستان ئاسمانی داپۆشیوە، لە ناوەندێکی فێرکردن بەناوی قوتابخانەی "نیشتمان"، گەرموگوڕییەکی جیاواز هەستی پێ دەکرێت. لێرە، دووری لە نیشتمان نەبووەتە بەربەست، بەڵکو بووەتە هاندەر بۆ ئەوەی ئاڵای کوردستان بە شانازییەوە بشەکێندرێتەوە.

بەرپرسە ئەمنییەکانی نەیجیریا بڵاویانکردەوە، رۆژی چوارشەممە تەقینەوەیەک لە مزگەوتێکی شاری مایدوگوری لە باکووری رۆژهەڵاتی نەیجیریا روویدا و بەهۆیەوە لانیکەم حەوت نوێژخوێن کوژران.

دوای ئەو شەپۆلە باران و لافاوەی سەرەتای ئەم مانگە سنووری چەمچەماڵ و شوێنەکانی دیکەی گرتەوە، یەکێتیی ئەورووپا بڕی 100 هەزار یۆرۆی وەک هاوکاریی مرۆیی بەپەلە بۆ یارمەتیدانی زیانلێکەوتووانی ئەو ناوچانە تەرخان کرد.

رۆبێرت فیکۆ، سەرۆکوەزیرانی سلۆڤاکیا بەشێوازێکی جیاواز و بە "سکەیت" ئەو تۆنێلەی کردەوە کە ماوەی سێ دەیە بوو پلانی بۆ دانرابوو؛ تۆنێلەکە باکووری وڵاتەکە دەگرێتەوە و بە "ئەڵقەی ونبوو"ـی رێگەی سەرەکیی ئەو وڵاتە دادەنرا.

وەزارەتی ئاسایشی نیشتمانیی ئەمریکا بڕیاریدا پاداشتی ئەو کۆچبەرانەی بەویستی خۆیان وڵاتەکە جێدەهێڵن لە 1000 دۆلارەوە بۆ 3000 دۆلار زیاد بکات و وەزیری ئاسایشی نیشتمانیش دەڵێت: "ئەوەی نەڕوات دەستگیر دەکرێت و هەرگیز ناتوانێت بگەڕێتەوە."

دوای ئەوەی هاووڵاتییەکی خەڵکی سەقز کە هەڵگری رەگەزنامەی نەرویجییە لە ئێران دەستگیرکرا، وەزارەتی دەرەوەی نەرویج داوا لە هاووڵاتییانی دەکات سەردانی ئێران نەکەن، چونکە تاران دان بە دوو رەگەزنامەیدا نانێت.

حکومەتی نێجیریا رایدەگەیێنێت، ئەو گرژییە دیپلۆماسییانەی بەهۆی "تووندوتیژیی ئایینی" و هەڕەشەکانی دۆناڵد ترەمپەوە لەگەڵ ئەمریکا دروست ببوون، تاوەکو رادەیەکی زۆر چارەسەر کراون.

گوتەبێژی وەزارەتی دەرەوەی رووسیا بە رووداوی راگەیاند، کۆمیسیاری باڵای نەتەوە یەکگرتووەکان بۆ کاروباری پەنابەران رۆڵێکی کاریگەر لە چارەسەرکردنی کێشەکان لە بواری کۆچدا دەگێڕێت و چاوەڕێ دەکەن لەژێر سەرکردایەتی کۆمیسیاری نوێدا کارەکانی کۆمیسیۆنەکە کاریگەر بن.

سەرۆکی مۆزەمبیق سەردانی شاری رۆمای پایتەختی ئیتاڵیای کرد و لەوێ لەگەڵ سەرۆکوەزیرانی وڵاتەکە کۆبووەوە، بەڵام وێنە و ڤیدیۆی کۆبوونەوەکە لە سۆشیالمیدیا بوونە ترێند.

وەزارەتی کۆچ و گەڕاندنەوەی ئەفغانستان دەڵێ، 228 کەسیان لە عێراق و پاکستانەوە گەڕاندوەتەوە

ماریا زاخارۆڤا، گوتەبێژی وەزارەتی دەرەوەی رووسیا، لە لێدوانێکدا بۆ تۆڕی میدیایی رووداو، ستایشی پڕۆژەکانی وڵاتەکەی لە عێراق و هەرێمی کوردستان کرد و بە "بەرهەمدار" ناوی بردن. زاخارۆڤا لەبارەی رۆژئاوای کوردستانیشەوە دەڵێ، دەبێت ئەو ناوچەیە بگەڕێتەوە بۆ چوارچێوەی یاسایی سووریا و مامەڵەی بازرگانیش تەنیا لە رێگەی حکومەتی دیمەشقەوە دەکرێ

بەهۆی "پێدانی زانیاریی هەڵە" لەبارەی تەمەنییەوە لەکاتی گەیشتنی بە نەرویج، فەرمانگەی کۆچبەرانی ئەو وڵاتە بڕیاری دیپۆرتکردنەوەی بۆ کوردێک دەرکردووە کە 22 ساڵە لەو وڵاتە دەژیت.

جێگری وەزیری ئاسایشی ناوخۆی ئەمریکا رایگەیاند، وەزارەتەکە کۆمەڵێک فڕۆکەی جۆری بۆینگ دەکڕێت بۆ دیپۆرتکردنەوەی کۆچبەران.

بەڕێوەبەرانی کەرتی وزە لە کۆنفرانسێکی نێودەوڵەتیدا لە دوبەی رایانگەیاند، بۆ ئەوەی رۆژهەڵاتی نێوەڕاست ببێتە دووەم گەورەترین بەرهەمهێنەری گازی سرووشتی لە جیهان، کەرتی وزەی ناوچەکە لە چوار ساڵی داهاتوودا پێویستی بە 200 ملیار دۆلار وەبەرهێنانە.

جۆی ویڵسن، ئەندامی ئەنجوومەنی نوێنەرانی ئەمریکا رایدەگەیێنێت، کاتی ئەوە هاتووە عێراق لەژێر هەژموونی ئێران رزگار بکرێت. هۆشداریش دەدات کە چیدی کۆنگرێس "چەکی سپی" بۆ حکومەتی عێراق واژۆ ناکات و کۆمەڵێک مەرجی نوێ بۆ بەردەوامبوونی هاوکارییەکان دەخاتەڕوو، کە یەکێکیان پاراستنی هەرێمی کوردستانە.

کاڕڵ بەشبی، گەشتیار و گەڕیدەیەکی خەڵکی بەریتانیایە. ساڵی 1998 بە پێ دەستی بە گەشتێک کرد لە چیلییەوە بۆ بەریتانیا. بە گوتەی خۆی، ئێستا لە هەنگاریایە و دەیەوێت بەپێ بچێتەوە وڵاتەکەی.

سەرچاوەیەکی دیپلۆماسی ئەورووپی بە تۆڕی میدیایی رووداوی راگەیاند، ئێران پابەندنەبووە بە مەرجەکانی ئاژانسی نێودەوڵەتیی وزەی ئەتۆم و ئەگەر بەردەوام بێت لە پێشێلکردنی پابەندبوونەکانیان، سزای زیاتری بەسەردا دەسەپێنن.

سەرۆکی ئەمریکا بە نیازە بڕیارێکی سەرۆکایەتیی دەربکات بۆ ئەوەی لە هەموو ئەمریکا بۆ پرسی پەیوەندیدار بە ژیریی دەستکرد و کۆمپانیاکانی ئەو بوارە کاری پێبکریت. دەشڵێت، ئەمە بۆ یەکخستنی یاسای بەکارهێنان و وەبەرهێنانی ژیریی دەستکردە نەک هەر ویلایەتە و یاسای تایبەت بە خۆی هەبێت.

کۆمیسیۆنی یەکێتیی ئەورووپا دەڵێ، کۆمپانیای ئێکسی بە پێی یاسای خزمەتگوزارییە دیجیتاڵییەکان بە 120 ملیۆن یۆرۆ سزاداوە

ماسایۆشی سەن، وەبەرهێنەری بواری ژیریی دەستکرد و بەڕێوەبەری جێبەجێکاری سۆفتبانک رایگەیاند، ئەگەر ژیریی دەستکرد بەردەوام بێت لە پێشکەوتن، پێش مرۆڤ دەکەوێت و دەتوانێت خەڵاتی نۆبڵ بۆ ئەدەب بباتەوە

پڕۆگرامی "خەڵات بۆ دادپەروەری" ئەمریکا بڵاویکردەوە، 10 ملیۆن دۆلاریان وەکو خەڵات بۆ دەستکەوتنی زانیاری لەبارەی دوو هاککەری ئێرانی تەرخانکردووە، کە هێرشی سایبەرییان کردبووە سەر ژمارەیەک ژێرخانی گرنگی وڵاتەکەیان.

گوتەبێژی حکومەتی ئیسرائیل رایگەیاند، یەکەمین کۆبوونەوەی فەرمی لەنێوان بەرپرسانی حکومی وڵاتەکەیان و لوبنان بەرێوەچوو بۆ هاوئاهەنگی زیاتری نێوانیان. ئەمریکاش کۆبوونەوەکە بە هەنگاوێکی گرنگ وەسف دەکات.

ئاژانسی کۆچی فیلاند بە تۆڕی میدیایی رووداوی راگەیاند، ئەم ساڵ هەزار و 13 هاووڵاتیی عێراقی و سووریایی داوای مافی پەنابەری و مانەوەیان لە فینلاند کردووە، پار ژمارەکە هەزار و 391 کەس بوو. دەشڵێت، ئەم ساڵ داوای 221 هاووڵاتیی عێراقی و 51 داوای هاووڵاتیی سووریاییان رەتکردووەتەوە.

سەرۆکی ئەمریکا دەڵێت، "ویلایەتە یەکگرتووەکان زۆر رازییە لەو ئەنجامانەی لە رێگەی کارکردنی سەخت و پێداگرییەوە لە سووریا بەدەستهاتوون. ئێمە هەموو شتێک دەکەین لە چوارچێوەی توانای خۆماندا بۆ دڵنیابوونەوە لەوەی حکومەتی سووریا بەردەوام بێت لە ئەنجامدانی ئەوەی مەبەست بوو، کە شتێکی جەوهەرییە، بە مەبەستی بنیاتنانی وڵاتێکی راستەقینە و ئاوەدان".

میدیای بەریتانیا بڵاویکردەوە، لە دادگەیەکی شاری لەندەن هاونیشتمانییەکی سنووری ئیدارەی راپەڕین لە هەرێمی کوردستان، بە تاوانی "بە کۆیلەکردن" بە 8 ساڵ و شەش مانگ زیندانی سزادرا.

ئەندرۆ دروری، هاووڵاتییەکی بەریتانییە و بانگەشەی ئەوە دەکات کە لە کاتی گەڕانی بەنێو چەند وڵاتێکی پڕ لە ململانێدا لە دوو دەیەی رابردوودا، داوای لێکراوە هەر بۆ خۆشی تەقە لە خەڵکی سڤیلی بێتاوان بکات و بیانکوژێت. ئەو دەڵێت، لە بەرامبەر ئەوەدا بەڵێنی پارەی لەلایەن کەسانی دەوڵەمەندەوە پێدراوە.

تاوەکو ئێستا گیانلەدەستدانی 128 کەس پشتڕاستکراوەتەوە، بەڵام بە گوێرەی لێکۆڵینەوەکان نزیکەی 270 کەسیش بێسەروشوێنن.

جێگری هاوسەرۆک و هاوگوتەبێژی کۆمیسیۆنی کاروباری دەرەوەی دەم پارتی بە رووداوی راگەیاند، دوای پەیامەکەی عەبدوڵڵا ئۆجەلان، رێبەری زیندانیکراوی پەکەکە تورکیا پێی ناوەتە قۆناخێکی نوێوە. دەشڵێت، پەیوەندییەکانیان لەگەڵ پارتی و یەکێتی لە ساڵی 2025دا باشتر بووە و ئەو دوو حیزبە ئەوانیان بە تەنیا نەهێشتووەتەوە.

گوتەبێژی کۆشکی سەرۆکایەتیی رووسیا رایگەیاند، گفتوگۆکانی کۆتاییهێنان بە جەنگی ئۆکراینا چوونەتە قۆناخێکی جدییەوە و هەوڵەکان بەردەوامن، ئەمە لە کاتێکدایە بڕیارە بۆ هەمان مەبەست هەفتەی داهاتوو نێردەی تایبەتی ئەمریکا سەردانی وڵاتەکە بکات.

وەزیری دادی ئێرلەندا رایگەیاند، وڵاتەکەی پلانی هەیە لە رێگەی یاسای نوێ و گشتگیری کۆچ و پەنابەرییەوە، گەشەی بەرزی دانیشتووانەکەی سنووردار بکات.

سوپای ئیسرائیل بڵاویکردەوە، لە بۆردوومانێکدا بۆ سەر باشووری لوبنان فەرماندەی گشتیی حیزبوڵـڵا کوژراوە.

سەرۆکوەزیرانی ئیسرائیل پێداگریی وڵاتەکەی لەسەر "هەموو کارێکی پێویست" بۆ رێگریکردن لە خۆڕێکخستنەوەی حیزبوڵڵا لە لوبنان و حەماس لە غەززە پیشاندا و هەڕەشەی بەردەوامیی هێرشەکانی بۆ سەر ئەو دوو گرووپە چەکدارە کرد.

سەرۆکوەزیرانی ئیسرائیل پێداگریی وڵاتەکەی لەسەر "هەموو کارێکی پێویست" بۆ رێگریکردن لە خۆڕێکخستنەوەی حیزبوڵڵا لە لوبنان و حەماس لە غەززە پیشاندا و هەڕەشەی بەردەوامیی هێرشەکانی بۆ سەر ئەو دوو گرووپە چەکدارە کرد.

یەخیێل لایتەر، باڵیۆزی ئیسرائیل لە ئەمریکا، لە راگەیێندراوێکدا ئاشکرای کرد، هاوشانی ژمارەیەک لە بەرپرسە باڵاکانی وڵاتەکەی، سەردانی هێزەکانیان لە باشووری رۆژئاوای سووریای کردووە.

ئەبی حەمادە، کۆنگرێسمانی ئەمریکی و فەرماندەی گشتیی هێزەکانی سووریای دیموکرات (هەسەدە) لە پەیوەندییەکی ڤیدیۆییدا قسەیان کرد. تێیدا فەرماندە کوردەکە سوپاسی ئەمریکای کرد بۆ هەڵگرتنی سزاکان لەسەر سووریا و کۆنگرێسمانەکەش دەستخۆشی لەو کرد بۆ "پەیڕەوکردنی دیپلۆماسیەتێکی سەرکەوتووانە لەگەڵ بەرپرسانی دیمەشق و ئەنقەرە."

گوتەبێژی وەزارەتی دەرەوەی رووسیا بە رووداوی راگەیاند، نزیکەی 50 هەزار کورد لە وڵاتەکەیاندا دەژین و پەیوەندییەکی بەهێزیشیان لەگەڵ سەرکردە کوردەکانی عێراقدا هەیە.

گوتەبێژی وەزارەتی دەرەوەی رووسیا رایگەیاند، دەیانەوێت پرسی ئەتۆمی ئێران بە رێگەی دیپلۆماسی چارەسەربکرێت، بەڵام پێش ئەوە پێویستە گەرەنتی بە ئێران بدرێت، جارێکی دیکە هێرشی ناکرێتەوە سەر.

پۆلیسی پاراستنی سنووری سوێد رایگەیاند، لە پارەوە تاوەکو ئێستا زیاتر لە 11 هەزار کەسیان دیپۆرتکردوونەتەوە، کە 8 هەزار و 938یان بەزۆر بووە. دەشڵێت، لەم دوو ساڵەدا 742 هاووڵاتیی عێراق و هاونیشتمانیی هەرێمی کوردستانیان دیپۆرتکردوونەتەوە.

دادگەی وردبینی یەکێتیی ئەورووپا بڵاویکردەوە، لە دەیەی رابردوو ملیاران یۆرۆیان وەکو هاوکاری بۆ بەرەنگاربوونەوەی برسیێتی لە کیشوەری ئەفریقا تەرخانکردووە، بەڵام زۆرجار ئەو هاوکارییانە ئامانجی خۆیان نەپێکاوە.

لە کۆڕبەندی مێپس لە دهۆک پانێڵێک بە بەشداری چوار میوان لەسەر "عێراق و پەیوەندییەکانی لەگەڵ وڵاتانی رۆژئاوا" بەڕێوەچوو. یاریدەدەری وەزیری پێشووتری دەرەوەی ئەمریکا رایگەیاند، سەرنجی ئێستای ئەمریکا لەسەر نیوەی رۆژئاوای زەوییە نەوەک رۆژهەڵاتی نێوەڕاست. وەزیری پێشووتری گەنجینەی بەریتانیاش رایگەیاند، ئەورووپا و بەریتانیا ناتوانن بۆشایی نەبوونی سەرنجی ئەمریکا لەسەر ناوچەکە پڕبکەنەوە، چونکە خۆیان بەدەست چەندین قەیرانەوە دەناڵێنن.

ئەمریکا، بەریتانیا، فەرەنسا و ئەڵمانیا لە پرۆژەیەکیان کە پێشکێشی ئاژانسی نێودەوڵەتی وزەی ئەتۆمیان کردووە دەڵێن، پێویستە ئێران "هاوئاهەنگی تەواوەتی" لەگەڵ ئاژانسەکە بکات. ئەمە لە کاتێکدایە زیاتر لە شەش مانگە هاوئاهەنگییەکانی تاران و ئاژانسەکە راگیراون.

سەرۆکی ئەمریکا رایگەیاند، لەگەڵ سەرۆکی ڤەنزوێلادا قسە لەبارەی گرژییەکانی نێوانیان دەکات. دەشڵێت، "ئاساییە" ئەگەر هێرشبکەنە سەر گرووپی قاچاخچی بە مادە هۆشبەرەکان لە خاکی مەکسیک.

لیژنەی لێکۆڵینەوە لە شەڕەکەی سوەیدا ئەنجامی بەرایی بەدواداچوونی خۆی بۆ رووداوەکانی ئەو پارێزگا زۆرینە دروزنشینەی سووریا خستەڕوو؛ هەروەها باسی هەنگاوەکانی داهاتووی کاری لیژنەکەی کرد.

مانگی سووری لیبیا دەڵێ، لە کەناراوەکانی وڵاتەکە 2 بەلەم بە 95 کۆچبەرەوە ژێرئاوکەوتوون و لە ئەنجامدا 4 کۆچبەر گیانیان لەدەستداوە.

پەرلەمانی گرینلاند پڕۆژەیاسایەکی پەسند کرد کە کڕینی موڵک لەلایەن ئەو کەسانەی هەڵگری وڵاتینامەی دانیمارکی نین، قەدەخە دەکات. ئەمە هەوڵێکە بۆ رێگریکردن لە زیادبوونی خواستی کڕینی موڵک لەلایەن ئەمریکییەکانەوە لەو دوورگەیەی سەر بە دانیمارک

وەزیری جەنگی ئەمریکا دەستپێکردنی ئۆپەراسیۆنێکی سەربازی نوێی بە ناوی (رمی باشوور) راگەیاند، کە ئامانج لێی رووبەڕووبوونەوەی "تیرۆریستان و بازرگانانی مادە هۆشبەرەکانە" لە باشووری وڵاتەکەی کە ئەمریکای نێوەڕاست و لاتین دەگرێتەوە. ئەم راگەیاندنە لە کاتێکدایە، گرژییەکان لە ناوچەکەدا زیادیان کردووە، بەتایبەتی لەگەڵ ڤەنزوێلا

بەشێکیان بە پێخاوسی، نەبوونی تیانوس و بەرگی پێویستەوە دەچنە قوتابخانە. چەندین کێشە بەرۆکی قوتابخانەی ریبات غەربی لە باشووری یەمەن و قوتابخانەکانی دیکەی وڵاتەکەی گرتووە.

قوتابییەکی دیکەش دەڵێت، "ناتوانم قسە لەگەڵ باوکم بکەم. شتەکان لەوێ زۆر خراپن. رۆژانە درۆن و شت بەسەر ماڵەکانماندا دەڕۆن و نازانین سبەی چی روودەدات."

فریدەم هاوس، ناوەندێکی ئەمریکییە و تایبەتە بە ئازادی هاووڵاتییان لە وڵاتانی جیهاندا لە نوێترین راپۆرتیدا بڵاویکردەوە، ئازادی بەکارهێنانی ئینتەرنێت لە ئەمریکا و ئەڵمانیا کەمیکردووە، ئەمە لە کاتێکدا کە وڵاتانی رۆژئاوا رۆژ بە رۆژ سنوور و مەرجی زیاتر بۆ بەکارهێنانی ئینتەرنێت دادەنێن.

پارتی دیموکراتی کوردستان لە هەڵبژاردنی پەرلەمانی عێراقدا لەسەر ئاستی هەرێمی کوردستان یەکەمە و دواتر یەکێتیی نیشتمانیی کوردستان، یەکگرتوو، رەوتی هەڵوێست، نەوەی نوێ و کۆمەڵ دێن. پارتی لە چوار بازنە و یەکێتیش لە دوو بازنە زۆرترین دەنگیان بردوەتەوە.

سەرچاوەیەکی نزیک لە سەرۆکوەزیرانی عێراق دەڵێ، لە هەڵبژاردنە پەرلەمانییەکەدا هاوپەیمانیی ئاوەدانکردنەوە و گەشەپێدان نزیکەی 50 کورسی پەرلەمانی بردووەتەوە و بەو جۆرەش براوەی یەکەمی هەڵبژاردنەکەیە

نوێترین توێژینەوەی بڵاوکراوە لە رۆژنامەی زانستی بەریتانیدا رەتیدەکاتەوە، کە پەیوەندی لەنێوان وەرگرتنی پاراسیتامۆل لەلایەن ژنانی دووگیان و تووشبوونی کۆرپەلە بە نەخۆشی ئۆتیزم هەبێت. پێشتر چەند جارێک سەرۆکی ئەمریکا ئەو دەنگۆیەی بڵاوکردبووەوە.

سەرۆکی سووریا و تیمەکەی لە واشنتن دی سی پایتەختی ئەمریکان و بڕیارە سبەی کاژێر 3ی بەرەبەیان بە کاتی هەولێر لەگەڵ سەرۆکی ئەمریکا و شاندەکەی کۆببنەوە.

ماریا زاخارۆڤا، گوتەبێژی وەزارەتی دەرەوەی رووسیا لە وەڵامی پرسیاری رووداودا هەڵوێستی حکومەتی وڵاتەکەی لەبارەی سێ پرسی گرنگی ناوچەکە خستەڕوو

پەرلەمانی ئوسترالیا کۆبووەوە و یەکێک لەو پرسانەی گفتوگۆیان لەسەر کرا ئەوە بوو سوپای پاسداران بخەنە نێو لیستی تیرۆرەوە. لەو دانیشتنەدا پەرلەمان بڕیاری دا رێگە بە حکومەتی وڵاتەکەیان بدەن سوپای پاسداران بخاتە لیستی تیرۆرەوە. بە گوتەی خۆیان، ئەمە بەهۆی هەبوونی پەیوەندی سوپاکە بە ژمارەیەک هێرش لەسەر خاکی ئوسترالیا.

ویلایەتە یەکگرتووەکانی ئەمریکا پرۆژە بڕیارێکی ئەنجوومەنی ئاسایشی نەتەوە یەکگرتووەکانی پێشکەش بە ژمارەیەک وڵات کرد بە ئامانجی بەهێزکردنی پلانی ئاشتی دۆناڵد ترەمپ، سەرۆکی ئەمریکا بۆ غەززە، لەوانەش رەزامەندیدان لەسەر هێزێکی ئاسایشی نێودەوڵەتی.

وەزیری دیاسپۆرا و رووبەڕووبوونەوەی دژەجوو لە حکومەتی ئیسرائیل داوا دەکات جووەکان شاری نیویۆرک جێبهێڵن، ئەمەش دوای ئەوەی زۆهران مامدانیی دیموکرات بووە سەرۆکشارەوانیی شارەکە. ئەو وەزیرە دەڵێت، مامدانی "پاڵپشتیکاری حەماسە".

نەخشەرێگای کۆپ 30، کە بریارە 10 بۆ 21ی ئەم مانگە لە بەرازیل بەرێوەبچێت بڵاوکرایەوە و تێیدا هاتووە، جیهان هەموو ئامرازەکانی لەبەردەستدایە بۆ دابینکردنی 1.3 تریلیۆن دۆلار بۆ وڵاتانی کەمدەرامەت و هەژار بۆ کەشوهەوا. دەکرێت تەرخانکردنەکە بە سووککردنی قەرز یان هەر رێگەیەکی دیکە بێت.

فەرماندەی ناوەندیی هێزەکانی ئەمریکا بڵاویکردەوە، هاوپەیمانیی نێودەوڵەتی بە سەرۆکایەتیی ئەمریکا رێگەپێدانی فەرمی بە هێزی ئاسمانیی عێراق دا، کە بە بەکارهێنانی فرۆکەی ئێف16 و ئەی سی-208 ئێس بۆردوومانەکانیان بکەن.

سەرۆکی رووسیا فەرمانی بە وەزارەت و بەرپرسە پەیوەندیدارەکانی وڵاتەکەی کردووە ژمارەیەک پلانی بۆ ئامادە بکەن بۆ ئەوەی دەست بە تاقیکردنەوەی ئەتۆمی بکەنەوە. ئەمە لە کاتێکدایە هەفتەی رابردوو سەرۆکی ئەمریکا هەمان هەڕەشەی کرد.

دیک چەینی، جێگری سەرۆکی پێشووتری ئەمریکا لە تەمەنی 84 ساڵی کۆچی دواییکرد. بەگوێرەی ئەمریکا، مردنەکەی بەهۆی نەخۆشی دڵ و سییەکانەوە بووە.

راوێژکاری ئەڵمانیا رایگەیاند، پێویستە سووریاییەکانی وڵاتەکەی بگەڕێنەوە، چونکە شەڕی ناوخۆ لە وڵاتەکەیان نەماوە. دەشڵێت، ئەگەرنا بە زۆر دیپۆرتیان دەکەنەوە.

چەندین وڵات لەنێویاندا ئەمریکا رۆژی دووشەممە داوای قەدەخەکردنی پڕکردنەوەی ددانیان بە جیوە تاوەکو ساڵی 2030 کرد.

وەزیری وزەی قەتەر رایگەیاند، هۆشدارییان بە وڵاتانی کەنداو داوە، کە هەناردەی گازی سروشتییان بۆ ئەورووپا رابگرن، ئەمە بەهۆی پلانی یەکێتییەکە بۆ پەسندکردنی پرۆژەیاسایەک تایبەت بە ناچارکردنی کۆمپانیاکان بە پاراستنی ژینگە و مافەکانی مرۆڤ.

هۆڵێکی لەشجوانی لە هەرێمی شاندۆنگی چین بڵاویکردەوە، دەستیان بە ناونووسکردنی خەڵک کردووە بۆ بەشداریکردن لە پێشبڕکێیەک بۆ ئەوەی هەر کەسێک توانی لە 90 رۆژدا 50 کیلۆگرام لە کێشی دابەزێنێت، ئۆتۆمبێلێکی بە دیاری پێشکەش دەکرێت.

بەرپرسانی پۆلیسی ئەڵمانیا رایانگەیاند، لە شاری بەرلین هاووڵاتییەکی تەمەن 22 ساڵی سووریاییان دەستگیرکرد بە تۆمەتی پلاندانان بۆ هێرشێکی جیهادی.

هەشت ئەندامی ئۆپێک پڵەس رێککەوتن کە مانگی داهاتوو بەرهەمی رۆژانەیان 137 هەزار بەرمیل نەوت زیاد بکەن. ئەو وڵاتانە هەوڵ دەدەن پشکی زیاتریان لە بازاڕی نەوت هەبێت.

بەرپرسێکی بەریتانیا دەڵێ، دوو کەسیان پەیوەندیدار بە هێرشەکەی شەوی رابردوو دەستگیرکردووە؛ ئاماژە بەوەش دەکات، هیچ ئاماژەیەک نییە پشانیبدات هێرشەکە "تیرۆریستی" بووە.

لە بەشێک لە شەقامەکانی شاری نیویۆرک لە رۆژی پێنجشەممەوە لافاو دروستبووە و بە هۆیەوە دوو کەس گیانیان لە دەستداوە

جەنەراڵ محەممەد حەمدان دەگەلۆ، فەرماندەی هێزەکانی بەرپەرچدانەوەی خێرا دەڵێت، "پێشێلکاری لە فاشر روویداوە. لێرەوە رایدەگەیێنم کە لیژنەی لێکۆڵینەوەمان پێکهێناوە و ئەمەش تەنیا قسە نابێت. لیژنەکەمان گەیشتووەتە ئەلفەشیر".

نێردەکەی ترەمپ بۆ عێراق، لە راگەیێندراوێکی فەرمی دا، جەختی لە پشتیوانییەکانی واشنتنی بۆ عێراق کردەوە و رایگەیاند: پێویستە گرووپە چەکدارەکان بخرێنە ژێر کۆنترۆڵی حکومەت لە پێناو داهاتوویەکی باشتر دا.

لە کۆریای باشوور سەرۆکی ئەمریکا و چین کۆبوونەوە. گفتوگۆیان لەسەر ژمارەیەک پرس لەوانە بازرگانی نێوانیان، پێناسی گومرگی، فێنتانیل و چەند پرسێکی دیکە کرد. هەردوولا ئاماژەیان بە هەنگاونان بە ئاراستەی رێککەوتن و باشتربوونی پەیوەندییەکانیان کرد، ئەمە بەبێ رێککەوتنی کۆتایی لەسەر پرسەکان.

ئەنجامی بەرایی هەڵبژاردنی پەرلەمانی هۆڵەندا بڵاویکرایەوە و (پارتی دیموکراتی 66) زۆرترین کورسی بە دەستهێنا، کە 27 کورسییە. لە دوای ئەو پارتی ئازادی دێت کە 25 کورسی بردەوە.

بەڕێوەبەری گشتیی ئاژانسی نێودەوڵەتیی وزەی ئەتۆم رایگەیاند، ئەو بڕە یۆرانیۆمەی ئێران هەیەتی بەشی دروستکردنی 10 چەکی ئەتۆمی دەکات. دەشڵێت، هێشتا ناتوانن بنکەکانی ئێران و ئەو یۆرانیۆمەی هەیانە بپشکنن، هەرچەندە ژمارەیەک پشکنەریان لەو وڵاتەن.

فەرماندەیی سوپای ئەمریکا لە ئەفریقا و ئەورووپا بڵاویکردەوە، کشاندنەوەی بەشێکی هێزەکانیان لە ئەورووپا نیشانەی لاوازبوونی پابەندبوونیان نییە بە هاوپەیمانیەتی ناتۆ، بەڵکو بەهۆی بەهێزبوونی توانای سەربازیی وڵاتانی کیشوەرەکەوەیە.

بانکی ناوەندیی ئەمریکا بڵاویکردەوە، رێژەی سوودی بانکی لەنێوان 4٪ بۆ 4.25٪ەوە کردە 3.75٪ بۆ 4٪، واتا 0.25٪ سوودی بانکی کەمکردەوە. بانکی ناوەندیی ئەمریکا دەشڵێت، هێشتا مەترسی لەسەر بازاڕی کاریان ماوە.

رووسیا گەورەترین هەناردەکاری نەوتە بۆ هیندستان، بەڵام واشنتن گوشار لە نیودەولهی دەکات هاوردەکردنی نەوت لە رووسیاوە رابگرێت، بۆیە هیندستان بیر لە سەرچاوەی جێگرەوە دەکاتەوە، کە یەکێکیان نەوتی بەسرەیە.

ئاڵا شاڵی، نێردراوی رووداو لە هۆڵەندا رووماڵی هەڵبژاردنەکە دەکات. لە بنکەیەکی دەنگدان لە ئەمستردام رایگەیاند، لە کاژێر 07:30 خولەکی بەیانییەوە بنکەکانی دەنگدان کراونەتەوە. بەهۆی ئەوەی کە رۆژی کارکردنە، بنکەکانی دەنگدان چۆڵترن. بنکەکانیش تاوەکو کاژێر 12:00ـی شەو کراوە دەبن.

حکومەتی پۆرتوگال پلانی هەیە پێدانی وڵاتینامە بە هاووڵاتییانی بیانی قورستر بکات. پڕۆژە بڕیارێک بۆ ئەو مەبەستە لە پەرلەمانی وڵاتەکە خوێندنەوەی یەکەمی بۆ کراوە و پارتی (چیگا)ی راستڕۆی تووندڕۆی دژەکۆچبەریش پشتیوانیی دەکات

لە سەرەتای مانگی رابردووەوە ئەمریکا ژمارەیەک هێرشی کردووەتە سەر ئەو بەلەمانەی بە گوتەی بەرپرسانی واشنتن، مادەی هۆشبەر بۆ وڵاتەکەیان دەگوازنەوە. رۆژ بە رۆژیش ئەمریکا هێزی زیاتر لە کەناراوەکانی ئەو وڵاتەی ئەمریکای لاتین نزیکدەکاتەوە.

نووسینگەی سەرۆکوەزیرانی عێراق دەڵێ، محەممەد شیاع سوودانی بڕیاریدا، 1ی مانگی داهاتوو گەشت لە فڕۆکەخانەی موسڵەوە بۆ پارێزگاکانی دیکەی عێراق دەستپێبکرێ؛ ئاماژە بەوەش دەکات، وەزارەتی گواستنەوە و پارێزگاری موسڵ کار لەسەر دەستپێکردنی گەشتە نێودەوڵەتییەکان لە فرۆکەخانەکەوە دەکەن.

فەرماندەیەکی هێزەکانی پاراستنی گەل (هەپەگە) دەڵێ، ئازادکردنی عەبدوڵـڵا ئۆجەلان، رێبەری زیندانیکراوی پارتی کرێکارانی کوردستان (پەکەکە) بۆ سەرکەوتنی پرۆسەی چارەسەری لە تورکیا گرنگە؛ ئاماژە بەوەش دەکات، بڕیاری کشاندنەوەی گەریلاکانیان لە باکووری کوردستان و تورکیا بە نیازێکی "باش" بووە بە مەبەستی سەرخستنی پرۆسەکە.

وەزیری دەرەوەی ئەمریکا رایگەیاند، دەیانەوێت داهاتووی غەززە بەبێ حەماس بێت، وڵاتانی عەرەبی و ئیسلامییش بەو داوایە رازی بوون. دەشڵێت، هێشتا "تیرۆرست" لە غەززە ماون

بەرپرسانی مۆسکۆ رایانگەیاند، ئۆکراینا بە درۆن هێرشی کردە سەر دەوروبەری شارەکەیان، یەکێک لە درۆنەکان بەر باڵەخانەیەکی نیشتەجێبوون کەوت و پێنج کەس بریندار بوون. لە هەرێمی خێرسۆنی ئۆکرایناش دوو کەس بەهۆی هێرشی درۆنیی رووسیاوە کوژران

بەرپرسانی لیتوانیا هێزی ئاسمانی رووسیا تۆمەتبار دەکەن بەوەی بۆ 18 چرکە ئاسمانی وڵاتەکەیانی بەزاندووە و بەو هۆیەوە هەڵسوڕێنەری کاروباری سیاسی باڵیۆزخانەی رووسیایان لە وڵاتەکەیان بانگهێشت کرد. وەزارەتی بەرگریی رووسیاش تۆمەتەکەی لیتوانیای رەتکردەوە.

دزییەکەی لۆڤەر پرسیاری جیدی لەسەر لاوازیی ئاسایشی مۆزەخانەکان دروستکردووە. لۆرانس دی کار، بەڕێوەبەری لۆڤەر لە نێوەڕاستی ئەم هەفتەیە لە بەردەم سیناتۆرەکانی فەرەنسادا دانی بەوەدانا، کە سیستمی کامێرای چاودێری لە دەوروبەری لۆڤەر "لاواز و بەسەرچوو" بووە.

سەرۆکی ئەمریکا رایگەیاند، زۆرینەی کێشەکانی رۆژهەڵاتی نێوەراست دوای پرۆسەی ئازادکردنی عێراق دروست بوون. دەشڵێت، ئێران ئێستا چیدیکە نەک تەنیا هەڕەشە نییە، بەڵکو هەموو هەوڵێک بۆ مانەوە دەدات.

سەرۆکی فەرەنسا وەڵامی چەند پرسیارێکی رووداوی دایەوە و لەبارەی دۆخی عێراقەوە رایگەیاند کە پاڵپشتیکارێکی بەهێزی عێراقن و سەقامگیرییەکەی بۆ ئاسایشی "ناوچەکە زۆر گرنگە." گوتیشی: "لە پلانم دایە ئەم ساڵ سەردانی عێراق بکەم."

وەزارەتی ناوخۆی بەریتانیا رۆژی پێنجشەممە، 23ی تشرینی یەکەمی 2025 بڵاویکردەوە، ئەم ساڵ 36 هەزار و 954 کۆچبەر چوونەتە وڵاتەکەیان، کە زیاترە لە ژمارەی ئەو کۆچبەرانەی لە تەواوی 2024دا چووبوون.

گوتەبێژی نووسینگەی داواکاری گشتیی تونس رایگەیاند، بەهۆی ژێرئاوکەوتنی بەلەمێک 40 کۆچبەر کە خەڵکی وڵاتانی ئەفریقا بوون گیانیان لەدەستدا و 30 کۆچبەری دیکەی نێو بەلەمەکەش رزگارکران. گەڕان بەدوای بێسەروشووێنبووانیشدا بەردەوامە.

کۆمەڵەی رۆژنامەڤانانی بیانی کە نوێنەرایەتی بەشێکی میدیا نێودەوڵەتییەکان لە ئیسرائیل و فەلەستین دەکات، داوای لە دادگەی باڵای ئیسرائیل کرد رێگە بە چوونی دەستبەجێی رۆژنامەڤانان بۆ کەرتی غەززە بدات.

پارتی جێگرەوە بۆ ئەڵمانیای راستڕۆی تووندڕۆی دژەکۆچبەر داوایەکی پێشکێشی حکومەتی ئەڵمانیا کردووە سەرۆکی ئەمریکا وەکو هاووڵاتییەکی فەخری ناوچەیەکی باشووری رۆژهەڵاتی ئەڵمانیا بناسێنرێت.

بڕیارە 29ی ئەم مانگە هەڵبژاردنی پەرلەمانی هۆڵەندا بەڕێوەبچێ و 27 لیست رکابەری لەسەر 150 کورسیی پەرلەمانەکە دەکەن، تەنیا یەک کوردیش بۆ هەڵبژاردنەکە بەربژێرە.

بەرپرسی پەیوەندییە گشتییەکانی پۆلیس بۆ رووبەڕووبوونەوەی تاوان لە وەزارەتی ناوخۆی سلۆڤینیا دەڵێ، ئەم ساڵ 33 هەزار و 740 تاوانی جۆراوجۆر لە وڵاتەکەی کراون کە ئەوەش 4.67٪ لە هەمان ماوەی پار زیاترە؛ ئاماژە بەوەش دەکات، هیچ تۆمەتبارێکی عێراقی لە وڵاتەکەی نییە.

رۆژێک دوای دزییەکەی مۆزەخانەی لۆڤەر لە فەرەنسا، وەزارەتی کولتووری ئیتاڵیا رایگەیاند، سیستەمی پاڵپشتیکراو بە ژیریی دەستکرد بۆ پاراستن و چاودێریکردنی مۆزەخانەکانیان دادەنێن.

پارتی لیبڕاڵ دیموکراتی فەرمانڕەوای ژاپۆن و پارتی داهێنانی ژاپۆن کە یەکێکە لە دیارترین پارتی ئۆپۆزیسیۆنی وڵاتەکەیە هاوپەیمانێتییەکیان پێکهێنا بۆ دروستکردنی حکومەتی ژاپۆن. میدیای ژاپۆنیش بڵاویکردەوە، ئەم هاوپەیمانێتییە نزیکە ببێتە هۆی هەڵبژاردنی یەکەم سەرۆکوەزیرانی ژن لە مێژووی وڵاتەکەیاندا.

وەزیری بەرگریی ئیسرائیل رایگەیاند، فەرمانی بە سەربازانی وڵاتەکەی لە غەززە کردووە هەر چەکدارێکی حەماسیان لە دەرەوەی هێڵی زەردی غەززە بینی، تەقەی لێبکەن. دەشڵێت، سەلامەتی سەربازانیان لە پێشینەی ئامانجەکانیانە.

سەرۆکی ئەمریکا بڵاویکردەوە، مارک ساڤایای وەکو نێردەی تایبەتی ئەمریکا بۆ عێراق دیاریکردووە. دەشڵێت، ئەو تێگەیشتنێکی باشی لە پەیوەندییەکانی واشنتن و بەغدادا هەیە.

وەزیری بەرگریی ئیسرائیل رایگەیاند، ئەگەر حەماس هێرش بکاتە سەر هێزەکانیان لە غەززە، ئەوا بزووتنەوەکە باجێکی قورس دەدات. دەشڵێت، بە خۆشی لە پەیامەکە تێنەگەن، بە رێگەیەکی قورس پێیان دەڵێن.

دوێنێ لە ئەمریکا نزیکەی 7 ملیۆن کەس خۆپێشاندانیان دژی سەرۆکی ئەمریکا و سیاسەتەکانی ئیدارەکەی دەستپێکرد. سەرۆکی ئەمریکا ڤیدیۆیەکی بڵاوکردەوە تێیدا بە فڕۆکە پاشماوە و شلەمەنی بەسەر خۆپێشاندەراندا دەڕێژێت، ئەمەش ناڕەزایەتی گەورەی لێکەوتەوە.

بەرپرسێکی حکومەتی تورکیا رایگەیاند، تیمێکی بەهاناوەچوون و دۆزینەوەی تەرمی بێسەروشووێنبوانیان لە کەرتی غەززە، گەیشتوونەتە قەتەر و چاوەڕێی گڵۆپی سەوزی حکومەتی ئیسرائیلن بۆ چوونە نێو کەرتەکە

بەلەمەکە درەنگی شەوی رابردوو لە نزیک کەناراوەکانی دوورگەی خیۆس بە 29 کۆچبەرەوە ژێرئاوکەوتووە، لە ئەنجامدا دوو کۆچبەر گیانیان لەدەستداوە، کە هەردووکیان ژنن.

جێگری سەرۆکوەزیرانی رووسیا رایگەیاند، کۆمیسیۆنێک بۆ پەرەپێدانی پەیوەندییە بازرگانییەکانیان لەگەڵ سووریا دروست دەکەن. دەشڵێت، ئامادەن بەشداری لە هەوڵەکان بۆ ئاوەدانکردنەوەی ئەو وڵاتەدا بکەن.

کەسوکاری بارمتە ئازادکراوەکان داوا لە حکومەتی ئیسرائیل دەکەن جێبەجێکردنی قۆناخەکانی دیکەی ئاگربەست لەگەڵ حەماس دوابخات تاوەکو ئەو بزووتنەوەیە تەرمی تەواوی بارمتەکان رادەست دەکاتەوە.

بەڕێوەبەری پێشووتری ئاژانسی هەواڵگری ناوەندیی ئەمریکا (سی ئای ئەی) لەبارەی سەرۆکی هەرێمی کوردستانەوە دەڵێت، ئەو "سەرۆکێکی خاوەن تێڕوانین، واقعی و بەپەرۆشە." دەشڵێت، زیاتر لە دوو دەیەیە پەیوەندی لەگەڵدا هەیە.

ئەنجوومەنی مافەکانی مرۆڤی سەر بە نەتەوە یەکگرتووەکان بڵاویکردەوە، 14 وڵاتیان هەڵبژارد بۆ بوونە ئەندام لە ئەنجوومەنەکەیان و یەکێک لەو وڵاتانەی عێراقە.

بەرپرسی پەیوەندییە گشتییەکانی پۆلیس لە وەزارەتی ناوخۆی سلۆڤینیا رایگەیاند، چوونی کۆچبەرانی عێراقی بۆ وڵاتەکەیان 57% بەراورد بە پار کەمیکردووە. دەشڵێت، سنوورەکانیان تووندکردوون دژی کۆچبەران و بەردەوام دەبن

گوتەبێژی وەزارەتی دەرەوەی بەلجیکا بە رووداوی راگەیاند، پێویستە دانوستاندنەکان سەبارەت بە پرسی ئەتۆمی ئێران دەستپێبکەنەوە، کە تەنیا رێگەیە بۆ چارەسەریی بەردەوامی پرسەکە. دەشڵێت، سەپاندنەوەی سزاکان لەلایەن نەتەوە یەکگرتووەکان و یەکێتیی ئەورووپاوە مانای کۆتایی دەرفەتی چارەسەری دیپلۆماسی نییە.

گوتەبێژی زانکۆی ئەمریکی لە سلێمانی بە رووداوی راگەیاند، ناوەندی پیترایۆسیان لە زانکۆکەیان کردووەتەوە، بۆ بەهێزکردنی زمانی کوردی لە ژیری دەستکرددا. دەشڵێت، سەرەتا کار لەسەر سۆرانی و دواتر شێوەزارەکانی دیکەی زمانی کوردی دەکەن.

وەزیری دەرەوەی ئەفغانستان دەڵێ، لە وڵاتەکەیدا سەروو 10 ملیۆن قوتابی هەن کە 2.8 ملیۆنیان کچن.

گوتەبێژی نووسینگەی سەرۆکوەزیرانی ئیسرائیل دەڵێ، دوای گەیشتنەوەی بارمتەکان بە ئیسرائیل و رادەستکردنەوەی تەرمەکان، زیندانییە فەلەستینیەکان ئازاد دەکەن. بە گوێرەی پلانی ئاگربەست، بڕیارە سبەی حەماس بارمتە ئیسرائیلییەکان ئازاد بکات.

ئاڵا رەیانی، ئەکتەر و ئەندامی لیژنەی دادوەری بۆ فیلمی درێژی نێوخۆیی لە فیستیڤاڵیی نێودەوڵەتیی فیلمی سلێمانی بە رووداوی راگەیاند، گۆڕانکاری و پێشکەوتنی زۆر لە هەرێمی کوردستان دەبینێت؛ دەشڵێت، گرنگە ژمارەی فێستیڤاڵەکانی فیلم زیاتر بکرێن.

وەزارەتی دادی ئیسرائیل ناوی 250 زیندانیی فەلەستینیی بڵاوکردەوە کە بڕیارە وەک بەشێک لە گۆڕینەوەی زیندانیان بە بارمتەکان ئازادبکرێن. بە گوێرەی پلانی ئاگربەستی غەززە، حەماس 46 بارمتە و تەرمەکانیان دەداتەوە ئیسرائیل، ئەویش دوو هەزار زیندانیی فەلەستینیی ئازاد دەکات

لە ئۆسلۆی پایتەختی نەرویج لیژنەی خەڵاتی نۆبڵ بۆ ئاشتی رایگەیاند، ماریا کورینا ماچادۆ بووە براوەی خەڵاتی نۆبڵ بۆ ئاشتی بۆ ساڵی 2025.

پەرلەمانی ئەڵمانیا بە زۆرینەی دەنگی ئەندامانی بڕیاریدا یاسای پێدانی وڵاتینامە بەو کەسانەی پێنج ساڵ لەو وڵاتە دەمێننەوە بکاتە 8 ساڵ مانەوە. پارتی یەکێتیی کریستیان و بەشێکی پەرلەمانتارانی سۆشیال دیموکرات و پارتی جێگرەوە بۆ ئەڵمانیای راستڕۆی تووندئاژۆی دژەکۆچبەر دەنگیان بە گۆڕانکارییەکە دا.

سەرۆکی ئەمریکا رایگەیاند، ئاگربەستی غەززە "زۆر نزیکە" و لەوانەیە رۆژی یەکشەممە بۆ ئەو مەبەستە سەردانی رۆژهەڵاتی نێوەڕاست بکات.

میدیای فەرمیی میسر بڵاویکردەوە، لە شەرم شێخ شاندی دانوستاندکاری حەماس و ئیسرائیل دەستیان بە گفتوگۆی ناڕاستەوخۆ کرد. دەشڵێت، دانوستاندنەکە بۆ گفتوگۆکردنە لەسەر میکانیزمێک بۆ ئاگربەست و ئازادکردنی بارمتە و زیندانییەکان لەژێر رۆشنایی پلانی سەرۆکی ئەمریکا بۆ غەززە. ئەو دانوستاندنە بە نێوەندگیری وڵاتەکەیان و قەتەرە.

هەشت ئەندامی ئۆپێک پڵەس رێککەوتن کە مانگی داهاتوو بەرهەمی رۆژانەیان 137 هەزار بەرمیل نەوت زیاد بکەن. ئەو وڵاتانە هەوڵ دەدەن پشکی زیاتریان لە بازاڕی نەوت هەبێت.

هێزەکانی سووریای دیموکرات (هەسەدە) ئۆپەراسیۆنێکی لە ناوچەکانی ژێر دەسەڵاتی ئەنجام دا و 71 کەس دەستگیرکران.

میدیای فەرمیی چین دەڵێ، بەهۆی رنووی بەفرەوە لە دامێنی لووتکەی ئەڤەرێست و لەو بەشەی دەکەوێتە رۆژهەڵاتی تبت، نزیکەی هەزار کەس بێسەروشوێنن. بەفرەکە بووەتەهۆی داخستنی رێگەکانی ئەو ناوچەیە و ئەوەش بەهاناوەچوونی قورس کردووە.

رێناس ئیبراهیمی، چالاکڤانە و لە پەیامێکی ڤیدیۆیدا دەڵێت، "بۆ ئیسرائیل کە دژی خواستی خۆمان مامەڵەمان لەگەڵدا دەکات، ئێستا کاتی ئەوەیە داوا لە بەرپرسانمان بکەین هەموو هاوئاهەنگییەکانیان لەگەڵ ئەو وڵاتە رابگرن کە جینۆسایدی خەڵکی کردووە."

لە هێرشێکدا بۆ سەر کەنیسەیەکی جووەکان لە شاری مانچستەر، دوو کەس کوژران و سێی دیکەش بریندار بوون. گومانلێکراوی سەرەکیی هێرشەکەش لەلایەن پۆلیسەوە تەقەی لێکرا.

حکومەتی بەریتانیا دەڵێت، ئەو پەناخوازانەی مافی پەنابەری وەردەگرن، چیدیکە راستەوخۆ شوێنی مانەوە و هەموو مافەکانی یەکگرتنەوەی خێزانیان پێنادرێت. ئەمە بە گوێرەی پڕۆژەیەکە ئەمڕۆ سەرۆکوەزیرانی وڵاتەکە رایگەیاند.

ژمارەیەک چالاکڤانی سەر کەشتیگەلی خۆڕاگری رایانگەیاند، هێزی دەریایی ئیسرائیل بە کەشتیی جەنگی دەوری ژمارەیەک بەلەمی ئەوانی داوە و رێگری لە رۆیشتنیان بەرەو غەززە دەکەن.

سەرۆکی ئەمریکا بڵاویکردەوە، وڵاتانی دیکە پیشەسازیی فیلمیان لە وڵاتەکەی "دزیوە" و بۆ راستکردنەوەی دۆخەکەش پێناسی گومرگی بەسەر ئەو فیلمانەدا دەسەپێنن، کە لە دەرەوەی ئەمریکا بەرهەمهێنراون.

وەزیری دەرەوەی ئەڵمانیا رایگەیاند، هیچ وڵاتێکی ئەندام لە ناتۆ بەتەنیا جێناهێڵن، کە رووسیا هەڕەشەی لێ بکات.

کۆشکی سپی پلانی ئەمریکا بۆ کۆتاییهێنان بە جەنگی غەززەی بڵاوکردەوە. بەگوێرەی پلانەکە غەززە دەبێتە ناوچەیەکی "بێ تیرۆر بۆ ئەوەی هەڕەشە بۆ سەر دراوسێکانی دروست نەکات" و بۆ سوودی خەڵکەکەی کەرتەکە نۆژەن دەکرێتەوە.

ئەمڕۆ خولی دووەمی هەڵبژاردنی سەرۆکایەتیی شارەوانی کوێلن لەنێوان بەربژێرێکی کورد لە پارتی سەوزەکان و بەربژێرێکی دیکە لە پارتی سۆسیال دیموکرات بەڕێوەچوو. بەربژێرەکەی پاتی سۆسیال دیموکرات سەرکەوتنی بەدەستهێنا.

گەڕاندنەوەی سزاکانی سەر ئێران رۆژەڤی رۆژی یەکشەممەی رۆژنامەکانی ئێران بوو و ترسی لای خەڵکێکی زۆر دروست کردووە.

نێردەی یەکێتیی ئەورووپا لە عێراق پێشوازی لە رێککەوتنی هەولێر و بەغدا بۆ هەناردەکردنەوەی نەوت لە رێگەی بۆرییەوە دەکات، هانی هەردوولاش دەدات لە هاوئاهەنگی بەردەوام بن

باڵیۆزخانەی بەریتانیا لە بەغدا و کۆنسووڵخانەی گشتیی وڵاتەکە لە هەولێر پێشوازییان لە رێککەوتنی حکومەتی هەرێمی کوردستان و حکومەتی عێراق کرد بۆ دەستپێکردنەوەی هەناردەی نەوتی هەرێم و دەڵێن، "هەنگاوێکی گرنگە بۆ خۆشگوزاری هاووڵاتیان".

کۆنفرانسی ئەنجوومەنی دیدگای گەنجان لە شاری ئەمستردامی هۆڵەندا بەڕێوەچوو. چوار گەنجی کورد بە ئاڵای کوردستانەوە بەشدارییان تێدا کرد.

دێبۆرا ژنێکی خاوەنکارە و سەرپەرشتیاری بزووتنەوەی "نا بۆ ماکیاژ"ە لە نیویۆرک؛ هانی ژنان دەدات رۆژانە بەبێ ماکیاژ بچنە دەرەوە، بەڵام گرنگی بە رۆتین و پێستیان بدەن

وەزیری دەرەوەی ئەمریکا و سەرۆکی سووریا لە ئەمریکا کۆبوونەوە. وەزیرە ئەمریکیەکە رایگەیاند، باسی سەقامگیریی سووریا و گرنگی پەیوەندییەکانی ئەمریکا و ئیسرائیلیان کرد.

یەکێک لە گەرمترین پرسەکان لە جیهانی ئەمڕۆی سیاسەتی نێودەوڵەتیدا، پرسی بە دەوڵەتبوونی فەلەستینە. ئەمڕۆ، بەریتانیا، کەنەدا، پۆرتوگال و ئوسترالیا دانیان بەو دەوڵەتەدا نا، ئێستا لە 193 ئەندامی نەتەوە یەکگرتووەکان، 152یان دانیان پێدا ناوە.

هەفتەی دیجیتاڵی کازان لە شاری کازانی رووسیا بەڕێوەدەچێت. سەرپەرشتیارانی چالاکییەکە بە رووداویان راگەیاند، 160 کۆمپانیای بواری تەکنەلۆژیا لە 29 وڵاتەوە داوایان پێشکەشکردبوو، 20یان لە 17 وڵاتەوە هەڵبژێردران.

بەرپرسانی تاڵیبان رایانگەیاند، رۆژی هەینی، ژن و پیاوێکی بەریتانییان ئازاد کردوون، کە نزیکەی 8 مانگ بوو دەستبەسەر بوون

سەرۆکی تیمێکی شوێنەواری لە زانکۆی هێلدلبێرگی ئەڵمانیا بە رووداوی راگەیاند، بەهاری داهاتوو سەردانی عێراق دەکەنەوە بۆ لێکۆڵینەوەی زیاتر لە کۆشکەکانی ئاشوور بانیپاڵ لە پارێزگای نەینەوا.

بەرپرسێکی تاڵیبان بە بی بی سی راگەیاندووە، بە زانکۆکان گوتراوە کە چی دیکە رێگەیان پێنادرێت 18 بابەتی زانکۆ بڵێنەوە، چونکە "لەگەڵ بنەماکانی شەریعەت و سیاسەتی سیستم ناگونجێن". شەش لە 18 بابەتی قەدەخەکراو بەتایبەتی لەسەر ژنانن، لەوانەش: جێندەر و گەشەپێدان، رۆڵی ژنان لە پەیوەندیکردن و کۆمەڵناسیی ژنان.

ئەوەی لە سەرەتای ڤیدیۆکەدا دەردەکەوێت، قوتابخانەیەکی تایبەت بە فێرکردنی زمانی کوردییە لە شاری کیل لە هەرێمی شلێسڤیگ هۆلشتاینی ئەڵمانیا.

‎رێکخراوی نێودەوڵەتیی ئەنتارکتیکا بۆ رێکخستنی گەشت بۆ بەستەڵەکی باشووری زەوی (ئەنتارکتیکا) بە رووداوی راگەیاند، لە وەرزی گەشتیاریی 2024 بۆ 2025دا، زیاتر لە 118 هەزار گەشتیار سەردانی ئەنتارکتیکایان کردووە.

دوای ئەوەی وەزیری دەرەوەی سووریا لە دیمەشق نەخشەڕێگەیەکی بۆ هێورکردنەوەی دۆخی سووریا بە پاڵپشتیی واشنتن و عەمان راگەیاند، ئەمڕۆ وەزیری دەرەوەی ئەمریکا پاڵپشتیی خۆی بۆ نەخشەڕێگەکە نیشان دا.

بەرپرسێکی باڵای حەماس، یەکێک بوو لەو سەرکردانەی حەماس لە قەتەر لەلایەن ئیسرائیلەوە بۆردوومانکران، دەرکەوتەوە. ئەو دەڵێت، لەکاتی گفتوگۆی پێشنیازێکی ئەمریکا بۆ ئاگربەستی جەنگی غەززە بۆردوومانکراون و لە کەمتر لە خولەکێکدا 12 مووشەکیان لە شوێنەکە دا.

بانکی ناوەندیی ئەمریکا سوودی بانکی بە رێژەی 0.25٪ کەمکردەوە.

رێکخراوی نێودەوڵەتیی کۆچ بڵاویکردەوە، بەلەمێکی کۆچبەران لە رۆژهەڵاتی کەناراوەکانی لیبیا ئاگری گرت و بەهۆیەوە لانیکەم 50 کۆچبەر گیانیان لە دەست دا.

ئەمریکا بزووتنەوەی نوجەبا، کەتائیبی سەیید شوهەدا، بزووتنەوەی ئەنساروڵڵا ئەوفیا، کەتائیبی ئیمام عەلیی عێراق وەکو "رێکخراوی تیرۆریستیی بیانی" دەناسێنێت.

سەرۆکی ئەمریکا رایگەیاند، بەرەبەیانی ئەمڕۆ (بە کاتی ئەمریکا) لە سنووری ئاوە نێودەوڵەتییەکان بەلەمێکی گواستنەوەی مادە هۆشبەرەکانیان بۆردوومان کردووە، کە بەرەو ئەمریکا دەڕۆیشت. دەشڵێت، بەلەمەکە ڤەنزوێلی بووە و بەهۆی هێرشەکەوە سێ "تیرۆرست" کوژران.

لە قودس- ئۆرشەلیم سەرۆکوەزیرانی ئیسرائیل و وەزیری دەرەوەی ئەمریکا کۆبوونەوە. لە کۆنگرەیەکی رۆژنامەڤانی هاوبەشدا سەرۆکوەزیرانی ئیسرائیل رایگەیاند، وڵاتەکەی و ئەمریکا باشترین هاوپەیمانی یەکدین. وەزیری دەرەوەی ئەمریکاش رایگەیاند، پاڵپشتی ئیسرائیلیان کردووە و دەکەن. لە گوشارەکانیشیان بۆ سەر ئێران بەردەوام دەبن.

بەڕێوبەری گشتیی ئاژانسی نێودەوڵەتیی وزەی ئەتۆم رایگەیاند، پێویستە بە زووترین کات ئەو بنەمای لێکتێگەیشتنە جێبەجێبکرێت کە هەفتەی رابردوو لەگەڵ ئێران واژۆیان کرد. دەشڵێت، رێککەوتنەکە گرنگە بۆ متمانەدانەوە بە کارەکانی ئاژانسەکەیان کە لەکاتی جەنگی ئێران و ئیسرائیلدا راگیرابوو.

وەزارەتی بەرگریی بەریتانیا بڵاویکردەوە، بەهۆی بەردەوامیی جەنگی غەززەوە، کۆلێژی شاهانەی بەریتانیا بۆ لێکۆڵینەوەی بەرگریی، خوێندکارانی ئیسرائیلی لە خوێندن بێبەش دەکات.

حکومەتی ژاپۆن رایگەیاند، ژمارەی ئەو کەسانەی لە وڵاتەکەیان تەمەنیان 100 ساڵ یان زیاترە، بەرزبووەتەوە بۆ ژمارەیەکی پێوانەیی، کە نزیکەی 100 هەزار کەسە.

کۆنسووڵخانەی بەریتانیا لە هەرێمی کوردستان بە رووداوی راگەیاند، پاڵپشتی لەو دوو هاووڵاتییە بەریتانییە دەکەن دەکەن کە لە هەرێمی کوردستان دەستگیرکراون، ئەمە وەکو ئاماژەیەک بۆ سەرۆکی بەرەی گەل و برایەکەی کە 22ی ئاب لە شاری سلێمانی دەستگیرکران.

پڕۆژە بودجەی حکومەتی ئەمریکا بۆ ساڵی 2026 لە کۆنگرێسی وڵاتەکەیە. وەزارەتی جەنگی ئەمریکا پێشنیازی کردووە، بۆ ساڵی نوێ 130 ملیۆن دۆلار بدەنە هەسەدە کە نزیکەی 17 ملیۆن دۆلاری لە ساڵی 2025 کەمترە.

راپۆرتێک کە لەلایەن Visual Capitalist بڵاوکراوەتەوە، لیستی نوێی ملیاردێرەکانی ژیریی دەستکردی (AI) ئاشکرا دەکات کە ئەم ساڵ چوونەتە ریزی گەورە سەرمایەداران، کە تێیدا ئەمریکییەکان پێشەنگن و چینیش لە پلەکانی کۆتاییدایە.

گۆڤاری فۆربسی ئەمریکی بڵاویکردەوە، لە ساڵی 1991ـەوە تاوەکو ئەم ساڵ بێڵ گەیتس، هاودامەزرێنەری کۆمپانیای مایکرۆسۆفت بەردەوام لە لیستی 10 دەوڵەمەندترینەکانی جیهان بوو، بەڵام چی دیکە ئەوە نەما و ئێستا لە پلەی 15ـەمیندایە.

ئەنجامی بەرایی هەڵبژاردنی شارەوانییەکان لە هەرێمی نۆردراین فێستڤاڵنی ئەڵمانیا راگەیێندرا و ئەنجامەکان بەمشێوەیەی خوارەوەن.

ژمارەیەک گەنج لە شاری غەززە، گرووپێکی میوزیکیان بەناو "باڵندەکانی غەززە دەجریوێنن" بۆ دووربوون لە کاریگەرییەکانی جەنگ دروستکردووە.

حکومەتی عێراق یەکەم پڕۆژەی بەرهەمهێنانی کارەبای بە وزەی خۆر لە کەربەلا کردەوە. پڕۆژەکە بۆ پڕکردنەوەی کورتهێنانی کارەبای وڵاتەکەیە.

ژمارەیەک گەنجن لە شاری غەززە، گرووپێکی میوزیکیان بۆ دوورکەوتنەوە لە کاریگەرییەکانی جەنگ دامەزراندووە.

سەرۆکی ئەمریکا رایگەیاند، ئەو کەسەیان دەستگیرکردووە کە رۆژی چوارشەممە چارلی کیرکی لە یوتا کوشت.

شەن شێروان، مامۆستای وانەکەیە و خەڵکی شاری سلێمانییە. بە رووداوی رایگەیاند، ئەمە تاکە کۆرسی فێربوونی زمانی کوردییە لە زانکۆکەدا و تایبەتە بە ئاستی پێشکەوتوو. کۆرسەکانی پێشوو تەنیا بۆ ئاستی سەرەتایی بوون.

گوتەبێژی وەزارەتی تەندروستیی حووسییەکانی یەمەن بڵاویکردەوە، بەهۆی بۆردوومانی ئەمڕۆی سوپای ئیسرائیل بۆ سەر سەنعا و هەرێمی جەوفەوە 9 کەس کوژران.

کۆریای باشوور کە ئێستا سەرۆکایەتی ئەنجوومەنی ئاسایشی نەتەوە یەکگرتووەکان دەکات بڵاویکردەوە، کۆبوونەوەی لەناکاوی ئەنجوومەنەکە سەبارەت بە بۆردوومانی دوێنێی ئیسرائیل سەر قەتەر بۆ سبەی دواخرا.

خۆپێشاندەرانی نیپاڵ بەزەییان بە هیچ بەرپرس و باڵەخانەیەکی حکومەت نەکرد، لە کاتاماندووی پایتەختی وڵاتەکە ئۆفیسی سەرۆکوەزیران و ژمارەیەک باڵەخانەی دیکەی وەزارەتەکانیان سووتاند.

ئەنجامی بەرایی هەڵبژاردنەکانی نەرویج لە ئۆسلۆی پایتەختی وڵاتەکە راگەیێندرا. لایەنگرانی پارتی کار دڵخۆشن و بەبۆنەی بەدەستهێنانی زۆرینە، ئاهەنگ دەگێڕن. چەند کوردێک بەربژێر بوون و باس لە دەرچوونی دووانیان دەکرێت.

میدیای فەرمی سووریا بڵاویکردەوە، سوپای ئیسرائیل بۆردوومانی نێوەڕاست و رۆژئاوای پارێزگاکانی حومس و لازقییەی کرد.

ئاژانسی چاودێریی کەشوهەوای ئەورووپا ناسراو بە کۆپەرنیکۆس بڵاویکردەوە، ئابی ئەم ساڵ سێیەم گەرمترین مانگی ئاب بووە لەسەر ئاستی جیهان، ئەمەش پێویستی پەلەکردن لە بەرەنگاربوونەوەی گۆڕانی کەشوهەوا پیشاندەدات.

رۆژی یەکشەممە هەڵبژاردنی پەرلەمانی نەرویج لە چەند ناوچەیەکی وڵاتەکە دەستیپێکرد و ئەمڕۆ دووشەممەش لە تەواوی وڵاتەکە دەکرێت. 8 کورد لەو هەڵبژاردنە کێبڕکێ دەکەن.

رۆژی سێشەممە حکومەتی ئیسرائیل بە سەرۆکایەتیی سەرۆکوەزیرانی وڵاتەکە کۆبووەوە. لەو کۆبوونەوەیەدا سەرۆکوەزیرانی ئیسرائیل رایگەیاند، لە هێرشەکانیان بۆ سەر غەززە و گوشارکردن لە دانیشتووانەکەی بۆ چۆڵکردنی بەردەوام دەبن. دەشڵێت، 100 هەزار کەس شارەکەیان جێهێشتووە و حەماسیش رێگریی دەکات لەو کەسانەی لە شارەکە ماون بچنە دەرەوە.

ئەمڕۆ یەکشەممە هەڵبژاردنی پەرلەمانی نەرویج لە بەشێک لە هەرێم و ناوچەکانی باکووری وڵاتەکە دەستیپێکرد. بڕیاریشە رۆژی دووشەممە هەڵبژاردن لە تەواوی ناوچەکانی دیکەی وڵاتەکە بکرێت.

بەڕێوبەری گشتیی یەکێتیی جیهانی پۆست کە سەر بە نەتەوە یەکگرتووەکانە رایگەیاند، دوای ئەوەی بەهۆی پێناسە گومرگییەکانەوە 88 وڵات خزمەتگوزاری پۆستە و گەیاندنیان لەگەڵ واشنتن راگرت. خزمەتگوزارییەکە لە وڵاتانی جیهانەوە بۆ ئەمریکا 81٪ کەمیکردووە.

سەرۆکوەزیرانی ئیسرائیل رایگەیاند، تۆمەتی وڵاتان بۆ نیازی وڵاتەکەی بۆ کۆنترۆڵکردنی خاکی وڵاتانی دراوسێی رەتدەکاتەوە. دەشڵێت، تەنیا ئامانجیان ئاشتی و ئاسایشی ئیسرائیلە.

سەرۆکی پەرلەمانی لوبنان رایگەیاند، ئامادەن گفتوگۆ لەگەڵ حیزبوڵـڵا بکەن بۆ یەکلاییکردنەوەی چارەنووسی چەکەکانی ئەو گرووپە. دەشڵێت، دەیانەوێت لەگەڵ گرووپەکە ستراتیجیەتێکی ئەمنی بۆ وڵاتەکەیان دروست بکەن.

بەگوێرەی بەرپرسانی فریاگوزاری پاکستان، لە 26ی حوزەیرانەوە 800 کەس بەهۆی لافاوەوە گیانیان لەدەستداوە، کە 300یان لە مانگی ئاب بووە. 150 کەسی دیکەش بێسەروشووێن بوون. هەروەها، زیاتر لە 200 هەزار کەسیش دەربەدەر بوون.

حکومەتی ئەڵمانیا پلانی زیادکردنی ژمارەی سەربازانی سوپای وڵاتەکەی و بەهێزکردنی زیاتری سوپای پەسندکرد وەکو ئامادەکارییەک بۆ رووبەڕووبوونەوەی زیادبوونی گرژییەکان لەنێوان وڵاتانی ناتۆ و رووسیا.

سەرۆکی رێکخراوی منداڵپارێزی نێودەوڵەتی رایگەیاند، برسیەتی لە کەرتی غەززە رۆژ بە رۆژ لە زیادبووندایە و ئێستا منداڵانی ئەو کەرتە ئەوەندە برسی و لاواز بوون تەنانەت توانای گریانیشیان نەماوە.

پۆلیسی ویلایەتی مینیسۆتا بڵاویکردەوە، لە قوتابخانەیەکی شاری مینیا پلەس کەسێک تەقەی لە ژمارەیەک هاووڵاتی کرد و بەهۆیەوە 20 کەس بوونە قوربانی. بەرپرسێکی شارەکە دەڵێت، دوو کوژراو لەنێو قوربانییەکان هەن.

دۆناڵد ترەمپ دەڵێت، دەیەوێت ناوی وەزارەتی بەرگریی وڵاتەکەی بکاتە وەزارەتی جەنگ. دەشڵێت، ئەو هەنگاوە ئاماژەیەکی بەهێزتری بۆ ئەمریکا دەبێت

وەزارەتی دەرەوەی هەریەک لە وڵاتانی سوێد، بەلجیکا، هۆڵەندا و لیتوانیا بە جیا بە رووداویان راگەیاند، نیگەرانی دۆخی مرۆیین لە غەززە و هاوکاری مرۆییان گەیاندووەتە ئەو کەرتە. دەشڵێن، پێویستە ئیسرائیل هەموو کارێک بۆ ئاسانکاری گەیاندنی هاوکارییە مرۆییەکان بەو ناوچەیەی فەلەستین بکات.

نووسینگەی گوتەبێژی وەزارەتی دەرەوەی ئەمریکا بڵاویکردەوە، تەنزانیا چوار هاووڵاتیی وڵاتەکەی لە کەمپی رۆژ لە رۆژئاوای کوردستان گەڕاندەوە، داواش لە وڵاتان دەکات کار بۆ گەڕاندنەوەی هاووڵاتییانیان لە کەمپەکانی رۆژ و هۆل بکەن.

وەزارەتی داد و پۆلیسی فیدراڵیی سویسرا بە تۆڕی میدیایی رووداوی راگەیاند، دوو هەزار و 80 پەناخوازی عێراقی داواکارییەکەیان لەژێر لێکۆڵینەوە دایە. بەپێی ئاماری وەزارەتەکەش، 7 هەزار و 289 هاووڵاتیی عێراق و هاونیشتمانی هەرێمی کوردستان لەو وڵاتەدا نیشتەجێن.

لە کەرتی غەززە نەبوونی خۆراک و سەختی دەستڕاگەیشتن پێی، خەڵکی تووشی بەدخۆراکی کردووە و لە دەگمەنی ئاردیش، ناوەکەیان گۆڕیوە بۆ "زێڕی سپی."

نووسینگەی سیستمی زانیاری سووتانی دارستانەکانی ئەورووپا بڵاویکردەوە، ئەم ساڵ 8 هەزار و 947 کیلۆمەتر دووجا رووبەری دارستانی یەکێتیی ئەورووپا سووتاوە. 42.68%ی لە ئیسپانیا بووە

وەزارەتی بەرگریی ئیسرائیل دەڵێت، وەزیری بەرگری پلانی تایبەت بە کۆنترۆڵکردنی غەززەی پەسند کردووە، نزیکەی 60 هەزار سەربازی یەدەگیشی بۆ ئەو ئەرکە سەربازییە دیاریکردووە

رێکخراوی خاچی سووری ئیتاڵیا بە رووداوی راگەیاند، ئەم ساڵ 30 هەزار کۆچبەر گەیشتوونەتە دوورگەی لامپێدوزا

سێ هەفتەیە ئیسپانیا رووبەڕووی شەپۆلێکی گەرمای تووند بووەتەوە و بەهۆیەوە لە باکووری رۆژئاوا و رۆژئاوای وڵاتەکە ئاگر لە دارستانەکان کەوتوونەتەوە. بەهۆی خێرایی ئاگرەکەشەوە تیمەکان توانای کۆنترۆڵکردنیان نییە و بەو هۆیەوە حکومەت سێ هەزار و 500 سەربازی بۆ هاوکاریکردنی تیمەکانی ئاگرکوژێنەوە ناردووە.

پۆلیسی نیویۆرک رایگەیاند، لە بەرزاییەکانی کراون لە نیو یۆرک کەسێک تەقەی لە ژمارەیەک هاووڵاتی کرد و سێ کەس کوژران. دەشڵێت، تۆمەتبار دەستگیرنەکراوە و لێکۆڵینەوە لە رووداوەکە بەردەوامە.

بەرپرسانی پاکستان رایانگەیاند، بەهۆی بارانی بەخوڕ و لافاوەوە لە باکووری رۆژهەڵاتی وڵاتەکەیان لانیکەم 344 کەس گیانیان لە دەستداوە. لافاو ناوچەیەکی فراوانیشی لە نیپال و هیندستان گرتەوە.

راوێژکاری ئەڵمانیا پێشنیاز دەکات لووتکەی دۆناڵد ترەمپ، سەرۆکی ئەمریکا؛ ڤلادیمیر پووتین، سەرۆکی رووسیا و ڤۆلۆدیمیر زیلینسکی، سەرۆکی ئۆکراینا لە ئەورووپا بکرێت

نووسینگەی راگەیاندنی ئەنجوومەنی سەربازی دێرەزوور سەر بە هێزەکانی سووریای دیموکرات (هەسەدە) بڵاویکردەوە، لە شارۆچکەی غەرانیج ئۆپەراسیۆنێکیان کردە سەر شانە نووستووەکانی داعش و 12 داواکراو و گومانلێکراوی پەیوەندیدار بە گرووپەکەیان دەستگیرکرد.

گوتەبێژێکی سوپای ئیسرائیل رایگەیاند، لە رۆژی یەکشەممەوە دەست بە دابەشکردنی خێوەت و پێداویستی بە خەڵکی غەززە دەکەن بۆ ئەوەی بتوانن لە باشووری کەرتەکە نیشتەجێبن. ئەمە وەکو ئامادەکارییەک بۆ فراوانکردنی ئۆپەراسیۆنەکانیان بۆ سەر غەززە کە رۆژی 8ی ئەم مانگە کابینەی جەنگی بە زۆرینەی دەنگ پەسندی کرد.

خەڵکی ئۆکراینا چاویان لەسەر هەنگاوەکانی بەرپرسانی وڵاتەکە و مۆسکۆیە بۆ قۆناخی داهاتووی جەنگی نێوانیان. ئەوەش دوای ئەوەی لووتکەی ترەمپ و پووتین تروسکاییەکی بۆ کۆتاییهێنان بە جەنگ دروستکرد.

وەزارەتی دەرەوەی ئەمریکا بڵاویکردەوە، پێداچوونەوەیەکی گشتیی بە پێدانی ڤیزە بە دانیشتووانی غەززە دەکەن. ئەمە دوای ئەوەی وڵاتەکە سێ هەزار و 800 ڤیزەی کاتیی بە هۆکاری مرۆیی- تەندروستی بە فەلەستینییەکان دا.

لە سوەیدا دروزەکان خۆپێشاندانیان کرد و سەرکۆنەی تووندوتیژییەکانی مانگی رابردووی ناوچەکەیان لەنێوان چەکدارە دەشتەکییەکان و چەکدارەکانیان کرد. داوای مافی چارەی خۆنووسینیان کرد.

کۆشکی سەرۆکایەتیی رووسیا (کریملێن) بڵاویکردەوە، سەرۆکی وڵاتەکەیان لەگەڵ بەرپرسانی باڵای وڵات کۆبووەوە و باسی وردەکاری کۆبوونەوەکەی لەگەڵ سەرۆکی ئەمریکا بۆ کردن. سەرۆکی رووسیا پێیراگەیاندوون، گفتوگۆیان لەسەر کۆتاییهێنان بە جەنگ لەسەر بنەمایەکی "دادپەروەرانە" کردووە.

پڕۆگرامی چاودێری زەوی سەر بە یەکێتیی ئەورووپا ناسراو (کۆپەرنیکۆس) بە رووداوی راگەیاند، بارانبارین لە بەشێکی زۆری ناوچەکەیان زیادیکردووە، بەڵام زۆرینەی بەخوڕ بووە و بووەتە هۆی دروستبوونی لافاو. دەشڵێت، ئەگەر بەرزبوونەوەی پلەی گەرما بەردەوام بێت، ئەگەری هەیە 54%ـی ئەورووپا رووبەرووی قەیرانی کەمئاوی ببێتەوە.

وەزارەتی ناوخۆی ئەڵمانیا بڵاویکردەوە، لە دوای رووخانی رژێمی پێشووی سووریاوە تاوەکو کۆتایی مانگی تەممووز، هەزار و 300 هاووڵاتیی سووریایی گەڕاونەتەوە وڵاتەکەیان. بەرلینیش بەردەوامە لە هاندانیان بۆ گەڕانەوە.

سندوقی منداڵانی سەر بە نەتەوە یەکگرتووەکان (یونسێف) بڵاویکردەوە، پێکدادانەکانی مانگی تەممووز و ئابی ئەم ساڵ لە سوەیدا زیانی زۆریان بە خێزانەکان و منداڵان گەیاندووە. دەشڵێت، لەو ماوەیەدا 22 منداڵ کوژراون.

بەرپرسێکی کۆشکی سپی رایگەیاند، لووتکەی نێوان سەرۆکی ئەمریکا و هاوتا رووسییەکەی لە بنکەی سەربازی ئیلمۆندۆرف ریچاردسن لە ئەلاسکا بەڕێوەدەچێت.

سەرۆکی ئەمریکا دەڵێت، ئەنجامی کۆبوونەوەی رۆژی هەینی لەگەڵ سەرۆکی رووسیا بڕیار لە رێخکستنی کۆبوونەوەیەکی دیکە بە بەشداری سەرۆکی ئۆکراینا دەدات. دەشڵێت، دەیانەوێت بە ئاگربەست گیانی خەڵکی بپارێزن.

ئەوە بچووکترین شیردەرە کە تاوەکو ئێستا لەو ناوچەیەی ئەمریکای باشوور دۆزرابێتەوە و لە سەردەمی داینەسوورەکاندا ژیاوە

دەنگدانی پێشوەختەی پەرلەمانی نەرویج ئەمڕۆ دەستیپێکرد و 18 پارت کێبڕکێ لەسەر 169 کورسی دەکەن، لەنێو بەربژێرەکاندا 7 کورد هەن

سەرۆکی ئەمریکا رایگەیاند، پێویستە کەسانی بێماڵ لە واشنتۆنی پایتەخت "دووربخرێنەوە"، ئەمەش دوای چەندین رۆژ دێت لە باسکردنی پلانەکانی بۆ سەپاندنی کۆنترۆڵی فیدراڵی بەسەر شارەکەدا، کە بانگەشەی ئەوەی بۆ دەکات تاوان تێیدا زیادبووە.

یاریدەدەری سکرتێری گشتیی نەتەوە یەکگرتووەکان هۆشداری بە ئەنجوومەنی ئاسایش دا کە پلانی کۆنترۆڵکردنی غەززە لەلایەن ئیسرائیلەوە ببێتە هۆی دروستکردنی کارەساتێکی دیکە.

راوێژکاری ئەڵمانیا رایگەیاند، پێشبینی دەکات سەرۆکی ئۆکراینا لە کۆبوونەوەی نێوان سەرۆکی ئەمریکا و سەرۆکی رووسیا ئامادەبێت کە بڕیارە رۆژی 15ی ئەم مانگە لە ئەمریکا سەبارەت بە پرسی کۆتاییهێنان بە جەنگی ئۆکراینا بکرێت.

وەزیرانی دەرەوەی هەشت وڵاتی ئەورووپی راگەیێندراوێکی هاوبەشیان لەبارەی پلانی ئیسرائیل بۆ کۆنترۆڵکردنی غەززە بڵاوکردەوە و سەرکۆنەی پلانەکە دەکەن. هەروەها، هۆشداریش لە کوژرانی ژمارەیەکی زۆر هاووڵاتیی سڤیل و ئاوارەبوونی زیاتری خەڵک دەدەن.

وەزارەتی دەرەوەی ئوردن رایگەیاند، رۆژی سێشەممە، 12.08.2025، میوانداری کۆبوونەوەیەکی سووریا - ئەمریکا دەکات بۆ تاوتوێکردنی پشتیوانی بۆ دیمەشق.

بەڕێوبەری بەشی کاروباری هاووڵاتییان لە وەزارەتی دەرەوەی رووسیا داوا لە هاووڵاتییانی وڵاتەکەی دەکات سەردانی 7 وڵات نەکەن، لەنێویاندا عێراق و سووریا هەن.

وەزارەتی دەرەوە و کۆچبەرانی لوبنان بڵاویکردەوە، سەرکۆنەی گوتەکانی راوێژکاری ئێران بۆ کاروباری دەرەوە دەکەن کە رایگەیاندبوو، وڵاتەکەی دژایەتیی بڕیاری حکومەتی لوبنان بۆ چەکدانانی حیزبوڵـڵا دەکات.

جێگری بەڕێوەبەری نووسینگەی سەرۆکوەزیرانی هەرێمی کوردستان بڵاویکردەوە، 80٪ـی فەرمانبەرانی مەدەنی لە سلێمانی پرۆژەی "هەژماری من" تۆمارکراون و پرۆسەکە خێراتر دەکەن.

میدیای فەرمیی چین بڵاویکردەوە، بەهۆی لافاوەوە لە باکووری رۆژئاوای وڵاتەکە 10 کەس گیانیان لەدەستدا و 33ی دیکەش بێسەروشووێن بوون.

توێژینەوەیەکی نوێی دانیمارکی دەریخستووە ئەو منداڵانەی کاتی زۆر لەبەردەم شاشەکاندا بەسەر دەبەن، مۆبایل بێت یان تەلەڤیزیۆن، مەترسیی تووشبوونیان بە نەخۆشییەکانی دڵ و هەرس زیاترە.

حیزبوڵڵای لوبنان وەڵامی بڕیاری حکومەتی وڵاتەکەی دایەوە، کە داوای چەکدادان لە حیزبوڵڵا و گرووپە چەکدارەکانی دیکە دەکات، گرووپەکە دەڵێت، بە جۆرێک مامەڵە لەگەڵ بڕیارەکە دەکەن کە هەر نەبێت.

وەزارەتی دەرەوەی ئەمریکا بڵاویکردەوە، داوا لە هاووڵاتییانیان دەکەن سەردانی 21 وڵاتی جیهان نەکەن کە زۆرینەیان لە کیشوەری ئاسیا و ئەفریقان.

پسپۆڕان ئاشکرای دەکەن کە سووڕانەوەی زەوی خێراتر بووە، ئەمەش وادەکات ئەمڕۆ، 5ـی ئابی 2025 ببێتە یەکێک لە کورتترین رۆژەکان لە مێژووی تۆمارکراودا. هەرچەندە ئەم گۆڕانکارییە تەنیا چەند میلی چرکەیەکە و هەستی پێناکرێت، بەڵام بووەتە جێگەی سەرنج و لێکۆڵینەوەی زانایان.

گوتەبێژی بەرگریی شارستانی غەززە دەڵێت، بەهۆی تەقە و بۆردوومانەکانی سوپای ئیسرائیلەوە 26 کەس کوژران کە 14یان لە نزیک بنکە و ناوەندەکانی دابەشکردنی هاوکارییە مرۆییەکان بوون.

باڵیۆزخانەی ئەمریکا لە عێراق دەڵێ، هەڵسوڕێنەری باڵیۆزخانەکە لەگەڵ جێگری یەکەمی سەرۆکی پەرلەمانی عێراق کۆبووەتەوە و نیگەرانی وڵاتەکەی لە دوو پڕۆژەیاسای تایبەت بە حەشدی شەعبی دووپاتکردوەتەوە.

نووسینگەی ئەبراهام حەمادە، ئەندامی کۆنگرێسی ئەمریکا دەڵێ، ئەو کۆنگرێسمانە پەیوەندییەکی ڤیدیۆیی لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) هەبووە و رایگەیاندووە، ئەم مانگە دانوستاندنەکانی دیمەشق و هەسەدە بە پاڵپشتیی ئیدارەی ئەمریکا بەڕێودەچن.

سەرۆکی ئۆکراینا دەڵێت، لە دوایین کۆبوونەوەی شاندی وڵاتەکەی و شاندی رووسیادا رێککەوتن بۆ ئاڵوگۆڕی 1200 کەس کراوە؛ ئاماژە بەوەش دەکات، لە گفتوگۆکان بەردەوام دەبن.

نووسینگەی سەرۆکوەزیرانی ئیسرائیل دەڵێت، بنیامین نەتەنیاهوو داوای لە خاچی سووری نێودەوڵەتی کردووە خۆراک و دەرمانی پێویست بگەیێننە ئەو بارمتانەی لە کەرتی غەززەن.

دوو بەرپرسی پارێزگای ئەبیەنی یەمەن دەڵێن، لە ئەنجامی ژێرئاوکەوتنی بەلەمێکی کۆچبەران 27 کۆچبەر گیانیان لەدەستدا و 100ی دیکەش بێسەروشوێنن.

شاندی یەکێتیی ئەورووپا بۆ عێراق داوای داپەروەری بۆ قوربانیانی هێرشی داعش بۆ سەر شنگال و دەوروبەری دەکات. شاندەکە دەشڵێت، کوردانی ئێزدی پێکهاتەیەکی گرنگی عێراقن.

میدیای ئیسرائیل راپۆرتێکی سوپای وڵاتەکەی بڵاوکردوەتەوە کە تێیدا هاتووە، زۆرینەی ئەو سەربازانەی لەم ماوەی دواییدا خۆیان کوشتووە بەهۆی کاریگەرییە دەروونییەکانی جەنگ و زیادمانەوەیان لە بەرەکانی جەنگ بووە.

سوپاسالاری ئیسرائیل رایگەیاند، جەنگی نێوانیان لەگەڵ حەماس "بەبێ وچان" بەردەوام دەبێت ئەگەر گفتوگۆکان بۆ ئازادکردنی بارمتەکان بە سەلامەتی شکستبهێنن.

فینلاند یاسایەکی نوێی بۆ قەدەخەکردنی مۆبایل لە قوتابخانەکاندا دەرکرد و لەگەڵ کردنەوەی دەرگای قوتابخانەکاندا دوای پشووی هاوینە، یاساکە چووە واری جێبەجێکردنەوە

سەرۆکی رووسیا رایگەیاند، هێزەکانیان لە ئۆکراینا لە پێشڕەویدان، بەڵام دەشیانەوێت گفتوگۆی ئاشتی لەگەڵ کیێڤ بکەن، هەرچەندە ئامانجەکانی جەنگیان لەگەڵ ئەو وڵاتە نەگۆڕاون.

ژمارەیەک زانای ئەمریکی، بەریتانی و چینی لە توێژینەوەیەکی نوێیاندا کە لە گۆڤاری زانستیی سێڵ بڵاویان کردووەتەوە، دەڵێن، نزیكەی 9 ملیۆن ساڵ لەمەوبەر، پەتاتە لە ئەنجامی گۆڕانێکی چاوەڕواننەكراو و تێکەڵبوونی جینەکانی رووەکێکی هاوشێوەی پەتاتە لەگەڵ تەماتەیەكی كێویدا پەرەی سەندووە.

ساڵ بە ساڵ ژمارەی زۆنگاوەکانی جەبایش لە پارێزگای زیقار کەمتردەبنەوە و بڕی ئاوەکەیشیان کەمتر دەبێتەوە. ئەمەش کاریگەری لەسەر ئەو گامێشانە دروستکردووە کە بە ئاوی زۆنگاوەکان دەژین.

فەرەنسا و 14 وڵاتی دیکەی رۆژئاوا داوا لە وڵاتانی جیهان دەکەن دان بە دەوڵەتی فەلەستیندا بنێن.

22 وەزیر و ئەندام پەرلەمانی ئیسرائیل لە نامەیەکدا داوای رەزامەندی وەزیری بەرگریی وڵاتەکەیان دەکەن بۆ ئەوەی سەردانی باکووری غەززە بکەن، تاوەکو لێکۆڵینەوە لە بارەی ئەگەر و چۆنیەتی دروستکردنی کۆمەڵگەی جوونشین لەوێ بکەن.

جێگری سەرۆکی ئەنجوومەنی ئاسایشی رووسیا پەیامێکی تووند بۆ سیناتۆرێکی ئەمریکا دەنێرێت و پێی دەڵێت، "بۆت نییە فەرمان بە رووسیا بکەیت کەی بێتە سەر مێزی گفتوگۆ." دەشڵێت، "رووسیا، ئیسرائیل یان ئێران نییە."

وەزیری بازرگانیی ئەمریکا رایگەیاند، وڵاتەکەی لە 1ی ئابەوە پێناسی گومرگی بەسەر وڵاتانی جیهاندا جێبەجێ دەکات و دوایین وادە بۆ جێبەجێکردنی درێژناکاتەوە

پڕۆگرامی خۆراکی جیهانی بڵاویکردەوە، هاوکاریی مرۆییان بەشی تەواوی دانیشتووانی غەززە بۆ سێ مانگی داهاتوو هەیە یان بەدەست دەگات. دەشڵێت، ئێستا 470 هەزار کەس لەو کەرتە لە برسێتیی دژواردان.

وەزیری دەرەوەی بەریتانیا رایگەیاند، وڵاتەکەی لەگەڵ کردنەوەی رێڕەوی وشکانی و ئاسمانییە بۆ گەیاندنی هاوکارییە مرۆییەکان بە دانیشتووانی غەززە، بەڵام دەبوو ئەوە زووتر کرابا. دەشڵێت، پلانیان هەبوو بەشێکی منداڵە نەخۆشەکانی غەززە بۆ چارەسەر ببەنە وڵاتەکەیان.

سوپای ئیسرائیل رایگەیاند، لە بۆردوومانێکدا بۆ سەر باشووری لوبنان دوو چەکداری حیزبوڵـڵایان کوشت یەکێکیان بەرپرسی ئۆپەراسیۆنەکانی هێزی رەزوانی گرووپەکەیە.

سەرۆکوەزیرانی ئیسرائیل دەڵێت، نەتەوە یەکگرتووەکان هیچ بیانوویەکی بۆ گەیاندنی هاوکاری مرۆیی بە غەززە و رەخنەگرتن لە حکومەتەکەی بۆ خراپیی دۆخی مرۆیی لە کەرتەکە نەماوە.

سەرۆکی ئەمریکا لە کۆبوونەوەکەیدا گوتی، زۆر بە خراپی لە ئێرانیاندا. دەشڵێت، "ئێران دەیەوێت بەردەوام بێت لە پیتاندنی یۆرانیۆم و ئێمەش رێگە بەمە نادەین."

لە سکۆتلاند سەرۆکی ئەمریکا و سەرۆکی کۆمیسیۆنی ئەورووپا کۆبوونەوە و هەردوولا لەسەر بازرگانیی نێوانیان رێککەوتن. سەرۆکی ئەمریکا و سەرۆکی کۆمیسیۆنی یەکێتیی ئەورووپا بە جیا رێککەوتنەکەیان بە باش بۆ هەردوولا وەسفکرد.

سەرۆکی ئەمریکا ئاماژەی بە دۆخی غەززە کرد و رایگەیاند، "دوو هەفتە لەمەوبەر 60 ملیۆن دۆلارمان بۆ هاوکاریکردنی خۆراکی لە غەززە خەرجکرد و کەس سوپاسی نەکردین".

سەرۆکی کۆمیسیۆنی ئەورووپا رایگەیاند، یەکێتیی ئەورووپا پێویستی بە میکانیزم و رێککەوتنێک لەبارەی کۆچبەرانەوە هەیە. سەرۆکی ئەمریکاش گوتی، "کێشەی زۆر لە سیستمی کۆچبەری ئەورووپادا هەیە".

ترەمپ قسەی لەبارەی رێککەوتنی بازرگانی وڵاتەکەی لەگەڵ وڵاتانی دیکەی جیهان کرد و رایگەیاند، "رێککەوتنی بازرگانی بۆ کەمکردنەوەی گرژیی نێوان وڵاتان بەکاردەهێنم". گوتیشی، "بە سەرکردەکانی کەمبۆدیا و تایلاندم گوت، جەنگ رانەگرن، رێککەوتنی بازرگانی ناکەین".

وەزارەتی دەرەوەی ئیسرائیل بڵاویکردەوە، لە رۆژی یەکشەممەوە کەمکردنەوەی گرژییەکان بە مەبەستی گەیاندنی هاوکاریی مرۆیی لە کەرتی غەززە جێبەجێ دەکەن؛ داواش لە نەتەوە یەکگرتووەکان دەکات، پێویستە بەبێ دواکەوتن و بێ بیانوو هاوکارییەکان لە غەززە دابەش بکەن

ئەندامێکی کۆنگرێسی ئەمریکا کە خۆی بە کورد و سووریایی دادەنێت رایگەیاند، هەموو کەمینەکانی رۆژهەڵاتی نێوەڕاست گرنگن بۆ وڵاتەکەی. دەشڵێت، کوردەکانی عێراق و سووریا هاوپەیمانیانن و جێیان ناهێڵن.

وەزیری دەرەوەی ئەمریکا رایگەیاند، بە تووندی پلانی فەرەنسا بۆ داننان بە دەوڵەتی فەلەستین رەتدەکەنەوە و هەنگاوێکی لەو جۆرە لە بەرژەوەندی حەماسە. باڵیۆزی ئەمریکاش لە ئیسرائیل دەڵێت، نازانێت فەرەنسا دەیەوێت لە کوێ دەوڵەتەکە دروست بکات.

لەگەڵ نزیکبوونەوەی یازدەمین ساڵیادی جینۆسایدی ئێزدییەکاندا، ژمارەیەک کەسایەتی کۆمەڵگەی مەدەنیی ئێزدی و جێگری بەڕێوەبەری لێکۆڵینەوە و سیاسەت لە کۆمیسیۆنی ئەمریکا بۆ کاروباری ئازادیی ئایینی لە گفتوگۆیەکی تایبەتدا هۆشداری دەدەن لەوەی کە دوای زیاتر لە دەیەیەک، هێشتا کۆمەڵگەی ئێزدی رووبەڕووی ئاڵنگاری گەورە دەبێتەوە و داوای هەنگاوی کرداریی زیاتر بۆ دابینکردنی دادپەروەری و پاراستنیان دەکەن.

سەرۆکی فەرەنسا رایگەیاند، وڵاتەکەی دان بە دەوڵەتی فەڵەستیندا دەنێت و مانگی ئەیلوولیش بڕیارەکە رادەگەیێنن.

سەرەتای مانگی رابردوو پەیوەندییەکانی سەرۆکی ئەمریکا و بەرپرسی پێشووی فەرمانگەی کارامەیی حکومەتی ئەمریکا تێکچوون، وردە وردە هەڕەشە کەوتە سەر مانەوەی بەرپرسی پێشووی فەرمانگەکە و کۆمپانیاکانی لە ئەمریکا، بەڵام نزیکەی هەفتەیەکە ئەو پەیوەندییانە بەرەو ئاسایی بوونەوە دەچن و نزیکبوونەوە لە نێوانیاندا هەیە.

چوار دەزگای راگەیاندنی جیهانی هۆشداری لە برسێتی رۆژنامەڤانەکانیان و کەسوکاریان لە کەرتی غەززە دەدەن و دەڵێن، پێویستە ئیسرائیل رێگە بە گەیاندنی هاوکاری مرۆیی بە تەواوی غەززەییەکان و رۆژنامەڤانەکانیان بدات.

هاڵک هۆگن، پاڵەوانی زۆرانبازی سەربەستی ئەمریکی کۆچی دوایی کرد و پزیشکەکانی دەڵێن، هۆکارەکە وەستانی دڵ بووە.

دادگەی نێودەوڵەتی بۆ داد، بڕیارێکی دەرکرد و دەڵێت، هاوکار دەبێت لە پاراستنی کەشوهەوا و دیاریکردنی بەرپرسیارێتی وڵاتان و جێبەجێکردنی ئەرکەکانیان. هەروەها، بڕیارەکە بنەمایەکی یاساییش دادەنێت بۆ ئەوەی ئەو وڵاتانەی زۆرترین زیانیان بەهۆی گۆڕانی کەشوهەواوە بەرکەوتووە داوای قەرەبوو بکەن.

سەرۆکی دادگەی نێودەوڵەتیی دادی سەر بە نەتەوە یەکگرتووەکان رایگەیاند، گۆڕانی کەشوهەوا "هەڕەشەیەکی جدییە" لەسەر مانەوەی مرۆڤایەتی و پێویستە رێکاری پێویست بۆ رووبەڕووبوونەوەی بگیرێتەبەر.

ویلایەتە یەکگرتووەکانی ئەمریکا باجێکی نوێ بەناوی "باجی دەستپاکیی ڤیزا" بە بڕی لانیکەم 250 دۆلار دەخاتە سەر تێچووی ئێستای وەرگرتنی ڤیزا

میدیای فەرمیی کۆریای باکوور بڵاویکردەوە، وڵاتەکەی سێیەم تێکشکێنەری سەربازی دروست دەکات، بڕیارە تشرینی یەکەمی ساڵی داهاتوو تاقیبکرێتەوە، ئەمەش دوای ئەوەی ئەم ساڵ دوو دانەی دیکەی تاقیکردەوە

وەزیری کۆچ و پەنابەریی یۆنان، بە تووندی هۆشداری دەداتە ئەو کۆچبەرانەی دەیانەوێت بە رێگەی نایاسایی بچنە وڵاتەکەی و رایگەیاند، "مەیەنە ئێرە (یۆنان)، دەنا زیندانیتان دەکەین یان دەتاننێرینەوە بۆ وڵاتەکانتان."

پێگەیەکی سویسری دوایین راپۆرتی خۆی سەبارەت بە ئاستی پیسیی هەوای شارەکانی جیهان بڵاوکردەوە و هەریەک لە شارەکانی لاهۆر، دەلهی و کامپالا پیسترین هەوایان هەیە. بەغداد حەوتەم پیسترین هەوای لەنێو شارەکانی رۆژهەڵاتی نێوەڕاستدا هەیە.

گوتەبێژی کۆشکی سپی رایگەیاند، دۆناڵد ترەمپ، سەرۆکی ئەمریکا ئاگاداری هێرشەکانی هەفتەی رابردووی ئیسرائیل بۆسەر سووریا نەبووە، لەوبارەیەوە پەیوەندیی بە سەرۆکوەزیرانی ئیسرائیلەوە کردووە

سەرۆکی ئەمریکا رایگەیاند، وەزیری دەرەوەی ئێران پشتڕاستی قسەکانی کردووەتەوە کە هێرشەکانی وڵاتەکەی زیانێکی زۆریان بە ناوەندە ئەتۆمییەکانی ئێران گەیاندووە

وەزیری دەرەوەی ئێران رایگەیاند، بە هیچ جۆرێک وڵاتەکەی دەستبەرداری پیتاندنی یۆرانیۆم نابێت. دەشڵێت، هێرشەکانی ئەمریکا زیانی زۆری بە پێگە ئەتۆمییەکانیان گەیاندووە و لێکۆڵینەوەش لە ئاستی زیانەکان بەردەوامە

بە گوێرەی راپۆرتێک کە لە ماڵپەڕی بۆچوونی خەڵکی بەریتانیا [تایبەتە بە لێکۆڵینەوە لە بۆچوونی هاووڵاتییانیان] بڵاوکراتەوە، 30٪ی کرێکار و کارمەندانی وڵاتەکەیان رووبەڕووی مامەڵەی نادادپەروەرانە بوونەتەوە. نەتەوە یەکگرتووەکانیش دەڵێت، لە جیهاندا 20٪ی کارمەندان رووبەڕووی هەمان دۆخ دەبنەوە.

تەندروستیی غەززە رایگەیاند، تەنیا رۆژی شەممە بەهۆی بۆردوومان و تەقەی هێزەکانی ئیسرائیلەوە، زیاتر لە 90 کەس کوژراون و دەیانی دیکەش بریندار بوون.

میدیای بەریتانیا بڵاویکردەوە، پەنابەرێکی کورد کە کچە 16 ساڵانەکەی خۆی لە بەریتانیا کوشتبوو، بووە یەکەمین کەیسی فەرمیی تۆمارکراوی "کوشتن لەسەر شەرەف" لەو وڵاتە.

سەرۆکی ئەمریکا رایگەیاند، ئەو وێستگە ئەتۆمییانەی لە ئێران بۆردوومانیان کردن، بە تەواوی لەنێویان بردوون و بنیاتنانەوەشیان ساڵانێکی زۆری دەوێت.

سەرۆکوەزیران و وەزیری بەرگریی ئیسرائیل راگەیێندراوێکیان سەبارەت بە دۆخی پارێزگای سوەیدا و جوڵەپێکردنی هێزەکانی سووریا بەرەو پارێزگاکە بڵاوکردەوە و دەڵێن، جوڵاندنی هێز بەرەو سوەیدا مەترسییە لەسەر وڵاتەکەیان.

ناوەندێکی توێژینەوە لە ئەمریکا توێژینەوەیەکی کردووە و دەڵێت، رۆژانە خواردنی دوو کیوی بەسە بۆ وەرگرتنی ژمارەیەکی زۆر ڤیتامین، باشترکردنی هەرس و دووربوون لە شێرپەنجە.

لە ژمارەیەک هەژماری سۆشیال میدیا وا بڵاوکراوەتەوە کە ئاسمانی ئێران بەڕووی گەشتە فڕۆکەوانییەکاندا راگیراوە. باس لە راگەیێندراوێکی هێڵی ئاسمانیی تورکیا (تورکش ئێرلاینز) دەکرێت کە گوایە گەشتەکانی بۆ ئێران راگرتبێت، بەڵام هێڵەکە گەشتەکانی رانەگرتووە و هیچ زانیارییەکی پشتڕاستکراوەش لەبارەی داخستنی ئاسمانی ئێران لە ئارادا نییە.

نێردەی تایبەتی ئەمریکا بۆ سووریا بڵاویکردەوە، بەرپرسانی سووریا دەیانەوێت سوود لە دەرفەتی هەڵگرتنی سزاکان لەلایەن سەرۆکی وڵاتەکەیەوە وەربگرن و پەیوەندییەکانیان لەگەڵ دراوسێکاندا باش بکەن.

59 پەرلەمانتاری بەریتانیا لە نامەیەکدا داوا لە حکومەتی وڵاتەکەیان دەکەن دان بە فەlەستیندا بنێت وەکو دەوڵەتێکی سەربەخۆ و دەشڵێن، پێویستە حکومەتی وڵاتەکەیان ژمارەیەک رێکار بگرێتەبەر بۆ ئەوەی رێگری لە ئیسرائیل بکەن لە جێبەجێکردنی پلانی رەفەح و راگواستنی دانیشتووانی غەززە.

کۆنسووڵخانەی بەریتانیا لە هەولێر داوا لە هەولێر و بەغداد دەکات، کێشەکانیان لەبارەی بودجە و پرسەکانی دیکەی نێوانیان چارەسەر بکەن.

گوتەبێژی کۆشکی سەرۆکایەتیی رووسیا رایگەیاند، ناردنی چەکی زیاتر بۆ ئۆکراینا دەبێتە هۆی درێژکردنەوەی جەنگەکەیان، ئەمە دوای ئەوەی سەرۆکی ئەمریکا رایگەیاند، ئامادەن چەکی بەرگریی زیاتر بۆ ئۆکراینا بنێرن.

حووسییەکانی یەمەن لە راگەیێندراوێکدا رایانگەیاند، کەشتییەکی بازرگانیان لە دەریای سوور بە ئامانجگرت و نزیکە لەوەی ژێرئاو بکەوێت.

سوپای ئیسرائیل دەڵێت، چوار فەرماندەی حیزبوڵڵایان لە باشووری لوبنان کردووەتە ئامانج. وەزارەتی تەندروستیی لوبنانیش دەڵێت، بەهۆی بۆردوومانەکانەوە کەسێک کوژراوە و 6ـی دیکەش بریندار بوون.

سەرۆکی ئۆکراینا رایگەیاند، وڵاتەکەی دوو رێککەوتنی بۆ زیادکردنی بەرهەمهێنانی چەک لەگەڵ دوو کۆمپانیای ئەمریکی و دانیمارکی واژۆکرد. دەشڵێت، ئامانج لەو رێککەوتنانە زیادکردنی توانای سوپاکەیەتی بۆ رووبەڕووبوونەوەی رووسیا.

لایەنە سیاسییەکان و خەڵکی قوبرس نیگەرانن لە زیادبوونی جووەکان لە وڵاتەکەیان و داوا دەکەن سنوورێک بۆ ئەو زیادبوونە دابنرێت. تەل ئەڤیڤیش ئەو هەڵوێستە بە هەڕەشەی دژەجوو دەزانێت.

وەزیری دەرەوەی بەریتانیا و سەرۆککۆماری سووریا بۆ قۆناخی راگوزەر لە دیمەشق کۆبوونەوە. دوای کۆبوونەوەکە وەزیری دەرەوەی بەریتانیا رایگەیاند، پاڵپشتی لە حکومەتی راگوزەری سووریا دەکەن بۆ ئەوەی بتوانن داهاتوویەکی سەقامگیر بۆ سووریا دەستەبەر بکەن.

دوێنێ ئێران تەواوی ئاسمان و فڕۆکەخانەکانی وڵاتەکەی بەڕووی گەشتە ناوخۆیی و نێودەوڵەتییەکاندا کردەوە، ئەمڕۆش ئیمارات دەستی بە گەشتەکانی بۆ ئەو وڵاتە کردەوە

راگەیاندنی پەرلەمانی هۆڵەندا بە تۆڕی میدیایی رووداوی راگەیاند، دوو یاسای پەیوەندیدار بە پەنابەرانیان لە وڵاتەکەیان پەسند کرد، کە بەشێکن لە هەوڵەکان بۆ سنووردارکردنی ژمارەی کۆچبەران.

بەهۆی هێرشەکانی رووسیا بۆ سەر شاری ئۆدیسای ئۆکراینا، لانیکەم پێنج کەس بریندار بوون. ئێستا ئۆکراینییەکان لە ترسی هێرشەکانی رووسیا دەچنە پەناگەکان، بەڵام ئەوەش ناتوانێت بەتەواوی بیانپارێزێت.

باڵیۆزی نەمسا لە عێراق بە تۆڕی میدیایی رووداوی راگەیاند، پەیوەندییەکی باشیان لەگەڵ بەغدا و هەولێردا هەیە بۆ بەهێزکردنی ئەو پەیوەندییەکانیش رۆڵی "سیاسی باڵا"ـی سەرۆکی هەرێمی کوردستان بەرز دەنرخێنن

لێکۆڵینەوەیەکی ئیسپانی کە لە گۆڤاری لانسێتدا بڵاوکراوەتەوە دەڵێت، کەمکردنەوەی هاوکارییە مرۆییەکانی ئەمریکا بۆ رێکخراوە نێودەوڵەتییەکان و خەڵکی هەژار دەبێتە هۆی مردنی 14 ملیۆن کەس، کە زیاتر لە سێیەکیان منداڵن.

یەکەی جێبەجێکردنی یاساکانی کۆچبەری سەر بە وەزارەتی ناوخۆی بەریتانیا داوای لە بەرپرسانی لەندەن کردووە مۆڵەتی کارکردن لە خاوەنی "کافێی شازادە دایانا" وەربگرنەوە کە خاوەنەکەی هاووڵاتییەکی عێراقییە. داواکە بەهۆی کارپێکردنی ژمارەیەک پەناخواز و پێدانی خواردن بووە پێیان لە بری کرێی کارکردنیان.

سەرۆکی فەرەنسا و سەرۆککۆماری ئێران بە تەلەفۆن قسەیان کرد. سەرۆکی فەرەنسا بە هاوتا ئێرانییەکەی گوت، رێز لە ئاگربەستەکەتان لەگەڵ ئیسرائیل بگرن و بگەڕێنەوە سەر مێزی گفتوگۆ.

بڕیاربوو ئەمڕۆ لە دادگەی قودس-ئۆرشەلیم لەبارەی ژمارەیەک کەیسی گەندەڵییەوە گوتە لە سەرۆکوەزیرانی ئیسرائیل وەربگرێت، بەڵام پێش بەڕێوەچوونی دانیشتنەکە، پارتی لیکود کە پارتەکەی سەرۆکوەزیرانی ئیسرائیلە بڵاویکردەوە، دادگەکە بەڕێوەچوونی دانیشتنەکەی دواخست.

وەزیری دەرەوەی ئەڵمانیا نیگەرانە لە هەڕەشەکانی ئێران بۆ سەر بەڕێوبەری گشتیی ئاژانسی نێودەوڵەتی وزەی ئەتۆم و داوا لەو وڵاتە دەکات هاوئاهەنگی لەگەڵ رێکخراوەکە بکات.

گوتەبێژی وەزارەتی رێگەوبان و گەشەپێدانی شارەکانی ئێران رایگەیاند، ئاسمانی رۆژئاوا و نێوەڕاستی وڵاتەکەیان بەڕووی گەشتە نێودەوڵەتییەکاندا کراوەتەوە، بەڵام هێشتا گەشتەکان لە فڕۆکەخانەکانی باکوور، باشوور و رۆژئاوای وڵاتەوە دەستیان پێنەکردووەتەوە.

وەزیری دەرەوەی ئەمریکا رایگەیاند، سەرکۆنەی هەڕەشەکانی بەرپرسانی ئێران لە بەڕێوبەری ئاژانسی نێودەوڵەتی وزەی ئەتۆم دەکەن و داواش لە تاران دەکەن سەلامەتی و ئاسایشی کارمەندانی ئەو ئاژانسە دابینبکات.

ئاژانسی پەنابەرانی سەر بە نەتەوە یەکگرتووەکان بڵاویکردەوە، ئەم ساڵ زیاتر لە 1.2 ملیۆن ئەفغان لە وڵاتانی ئێران و پاکستانەوە بە زۆر دیپۆرتی وڵاتەکەیان کراونەتەوە. ئاژانسەکە دەشڵێت، شەپۆلی دیپۆرتکردنەوەی ئەفغانەکان مەترسی لەسەر ناسەقامگیرکردنی دۆخی وڵاتەکە دروست دەکات.

کۆمیسیۆنی کەمترین کرێی کارکردنی سەر بە وەزارەتی کاری ئەڵمانیا پێشنیازێکی بۆ زیادکردنی کەمترین کرێی کارکردنی هاووڵاتییانی وڵاتەکەی بۆ 17.11 دۆلار بۆ هەر کاژێرێک داوەتە وەزارەتەکەی.

وەزیری بەرگریی ئیسرائیل رایگەیاند، هەر کاتێک پێویست بکات بۆ لەنێوبردنی بنکە ئەتۆمی و پڕۆگرامی مووشەکی ئێران، هێرشدەکەنەوە سەر ئەو وڵاتە. دەشڵێت، دەیانویست رێبەری ئێران بکوژن، بەڵام هیچ دەرفەتێکیان بۆ رێکنەکەوت.

بەگوێرەی میدیای ئێران، هێزە ئەمنیەکانی ئەو وڵاتە تائێستا 700 کەسیان بەو تۆمەتە دەستبەسەرکردووە و بەشێکیشین بە خێرایی دادگەییکراون و لە سێدارەدراون، رۆژی پێنجشەممە 26ی حوزەیران سوپای پاسداران رایگەیاند 26 سیخوڕی دیکەی مۆسادیان لە خوزستان دەستگیرکردووە.

زانکۆی بن گوریۆن بڵاویکردەوە، مووشەکەکانی ئێران بۆ سەر وڵاتەکەیان بوونە هۆی خاپوورکردنی شەش تاقیگەی زانستییان و زیانیان بە نۆی دیکەش گەیاند.

یەکێک لە ئامانجە سەرەکییەکانی ئیسرائیل لە هێرشەکەی بۆسەر ئێران، لەنێوبردنی پرۆگرامە ئەتۆمییەکەی بوو. ئەمریکاش لە رێگەی بۆردوومانکردنی سێ بنکەی ئەتۆمیی ئێرانەوە بەشداریی لە گەیشتن بەو ئامانجە کرد، بەڵام بەرپرسانی تاران هەڕەشەی بەردەوامیدان بە پرۆگرامە ئەتۆمییەکانی وڵاتەکەیان دەدەن، سەرەڕای ئەو هێرشە زۆرانەی کرانە سەر پێگە ئەتۆمییەکانیان

گوتەبێژی وەزارەتی دەرەوەی ئەمریکا دەڵێت، "دەمانەوێت سووریا بەهێزتر بێت و بتوانێت رووبەڕووی گرووپە تیرۆریستییەکان بەتایبەت داعش ببێتەوە."

راوێژکاری ئاسایشی نیشتمانیی ئیسرائیل دەڵێت، بەرپرسانی وڵاتەکەیان و سووریا لە پەیوەندی راستەوخۆی رۆژانەدان و گفتوگۆ بۆ دروستکردنی پەیوەندییەکانیان دەکەن.

گرووپی سەرایا ئەنسار و سوننە بەرپرسیارێتی خۆی لە تەقینەوە خۆکوژییەکەی دوو رۆژ لەمەوبەری سەر کەنیسەیەکی شاری دیمەشق راگەیاند کە بووە هۆی کوژرانی 13 کەس.

ئێران هەڕەشە لە بنکەکانی ئەمریکا لە رۆژهەڵاتی نێوەڕاست دەکات، ئەوەش دوای ئەو هێرشە ئاسمانییە بەرفراوانەی واشنتن رایگەیاند، بەرنامە ئەتۆمییەکەی تارانی پێ وێران کردووە.

بزووتنەوەی "ئەنساروڵڵا"ی یەمەن (حووسییەکان)، لە بەیاننامەیەکی تووند و درێژدا، هەڕەشەی کردەیی لە ئەمریکا دەکات و رایدەگەیێنێت، هەر جۆرە بەشدارییەکی واشنتن لە هێرشی ئیسرائیل بۆسەر ئێران، دەبێتە هۆی ئەوەی کەشتییە جەنگی و بازرگانییەکانیان لە دەریای سوور بکرێنە ئامانج

کیان لی گال، بەشداربووی خۆپێشاندانەکەیە و دەڵێت، "وەک دەبینن، ئەمە بۆ داوای ئاگربەستی دەستبەجێ و دژایەتی جەنگە. ناچارین لایەنگیریی یەکێکیان بکەین، بەڵام راستییەکەی ئەوەیە چەندە پێویستە دژایەتی ئێران بکەین، دەبێ هێندەش دژایەتیی ئیسرائیل بکەین."

وەزیری بەرگریی ئیسرائیل دەڵێت، پێویستە ئەمینداری گشتیی حیزبوڵـڵای لوبنان وانەیەک لە سەرکردەکانی پێش خۆی فێربێت. ئەم لێدوانە دوای ئەوە هات نەعیم قاسم هەڕەشەی ئەوەی کرد گرووپە چەکدارییەکەی لە جەنگی ئێستادا بێلایەن و بێ وەڵام نامێنێتەوە.

جەنگی ئیسرائیل و ئێران هێرشەکانی هەردوولا بۆ سەر یەکدی بەردەوامن. تاوەکو ئێستا ئەمریکا، ئوستراڵیا، چین و دەیان وڵاتی دیکە هۆشدارییان بە هاووڵاتییانیان داوە سەردانی ئەو دوو وڵاتە نەکەن و ئەوانەی لەوێشن ئەو دوو وڵاتە و رۆژهەڵاتی نێوەڕاست جێبێڵن.

سەرچاوەیەکی دیپلۆماسی فەرەنسا بە رووداوی راگەیاند، ئاگاداری پلانی ئیسرائیل بۆ هێرشکردنە سەر ئێران نەبوون. وەزارەتی دەرەوەی فینلاندیش بە رووداوی گوت، جەنگەکە دەبێتە هۆی ناسەقامگیری لە رۆژهەڵاتی نێوەڕاست و جیهان و هەربۆیە پێویستە بە دیپلۆماسی کێشەکانیان چارەسەر بکەن.

سەرۆکی ئەمریکا لە نووسینێکدا دەستخۆشی تەواو لە کارەکانی ئەیب حەمادە، کۆنگرێسمانی ئەمریکی، کە خۆی بە کورد و سووری دەزانێت دەکات و دەڵێت، پاڵپشتی کارەکەیەتی و دەیەوێت دووبارە هەڵبژێردرێتەوە.

وەزیری دەرەوەی ئێران رایگەیاند، سەرۆکوەزیرانی ئیسرائیل دژایەتی رێککەوتنی وڵاتەکەی و ئەمریکای کردووە. دەشڵێت، سەرۆکوەزیرانی ئیسرائیل بۆ شکستهێنان بە رێککەوتنیان لەگەڵ ئەمریکا دەستی بە جەنگ کرد.

بەهۆی بەردەوامیی هێرشەکانی ئێران بۆ سەر ئیسرائیل، هەریەک لە باڵیۆزخانەکانی ئەڵمانیا، سویسرا و ئەمریکا لە تەلئەڤیڤ داخران. هەروەها، ژمارەیەک وڵاتی ئەورووپی و ئاسیاییش هاووڵاتییانیان لەو وڵاتە دەبەنە دەرەوە.

سەرۆکی کۆمیسیۆنی یەکێتیی ئەورووپا و سەرۆکوەزیرانی ئیسرائیل بە تەلەفۆن قسەیان کرد. سەرۆکی کۆمیسیۆنی یەکێتیی ئەورووپا بە سەرۆکوەزیرانی ئیسرائیلی راگەیاند، نیگەرانی زۆریان لەبارەی گرژییەکانی رۆژهەڵاتی نێوەڕاست هەیە و پێویستییەکی بەپەلەش بۆ چارەسەری جەنگی ئێران و ئیسرائیل لە رێگەی گفتوگۆوە هەیە.

دوو بەرپرسی ئەمریکی بە میدیای وڵاتەکەیان راگەیاند، دۆناڵد ترەمپ پلانێکی ئیسرائیلی بۆ کوشتنی رێبەری ئێران ڤیتۆ کردووە. ئەوان دەڵێن، سەبارەت بە جەنگی ئیسرائیل و ئێران لەگەڵ بەرپرسانی تەلئەڤیڤ لە گفتوگۆی بەردەوامدان.

سوپاسالاری ئیسرائیل رایگەیاند، رێگەی ئاسمانی گەیشتنیان بە تاران کردووەتەوە و لە هێرشەکانیشیان بۆ سەر ئەو وڵاتە بەردەوام دەبن.

نۆ کۆنگرێسمانی ئەمریکی نامەیەکیان بۆ سەرۆکی وڵاتەکەیان سەبارەت بە جەنگی ئێران و ئیسرائیل ناردووە. ئەوان دەڵێن، هێرسی ئیسرائیل بۆ سەر ئێران دەرفەتێکی گرنگە بۆ رێگری لە ئێران بۆ بوون بە خاوەن چەکی ئەتۆمی.

سوپای ئیسرائیل بڵاویکردەوە، ئێران ژمارەیەک مووشەکی بەرەو وڵاتەکەیان هاوێشتووە و زەنگی ئاگادارکردنەوەشیان لە تەواوی وڵاتەکەیان لێداوە.

وەزارەتی دەرەوەی ئەمریکا بڵاویکردەوە، باڵیۆزخانەکەیان لە عێراق ئاگاداری زیادبوونی ئەگەری هێرشی "گرووپە تیرۆرستییەکانە" بۆ سەر هاووڵاتییانیان لە عێراق. بە هاووڵاتییانیشیان دەڵێت، مەچنە عێراق.

گوتەبێژی سوپای ئیسرائیل بڵاویکردەوە، کۆگەی سووتەمەنیی فڕۆکەیان لە فڕۆکەخانەی مەشهەد بۆردوومانکرد و دەیانەوێت بەسەر ئاسمانی ئەو وڵاتەدا زاڵبن.

فریاکەوتنی ئیسرائیل بڵاویکردەوە، بەهۆی هێرشی ئەمشەوی ئێران بۆ سەر ئیسرائیل سێ کەس کوژران و 20ی دیکەش بریندار بوون.

سەرۆکی فەرەنسا و سەرۆککۆماری ئێران بە تەلەفۆن قسەیان کرد. سەرۆکی فەرەنسا رایگەیاند، بە سەرۆککۆماری ئێرانی گوتووە، تەنیا رێککەوتن چارەسەرە.

بەرپرسی سیاسەتی دەرەوەی یەکێتیی ئەورووپا رایگەیاند، لە نزیکەوە چاودێریی دۆخی رۆژهەڵاتی نێوەڕاست دەکەن و جەنگی ئیسرائیل و ئێرانیش بووەتە هۆی زیادبوونی گرژییەکان لەو ناوچەیە.

شازادەی جێنشینی سعودیە و سەرۆککۆماری ئێران بە تەلەفۆن قسەیان کرد. سەرۆککۆماری ئێران رایگەیاند، هێرشی ئیسرائیل بۆ سەر وڵاتەکەی "بەڵگەی شەڕانگێزییانە". شازادەی جێنشینی سعودیەش دەڵێت، پاڵپشتیی تاران دەکەن.

دۆناڵد ترەمپ، سەرۆکی ئەمریکا لەبارەی رووداوەکەوە لە تروس سۆشیاڵ بڵاویکردەوە، "ئەو جۆرە تووندوتیژییە تۆقێنەرانە لە ئەمریکا قبووڵکراو نین".

وەزیری دەرەوەی رووسیا و هاوتا ئێرانییەکەی بە تەلەفۆن قسەیان کرد. وەزیری دەرەوەی رووسیا رایگەیاند، سەرکۆنەی هێرشەکانی ئیسرائیل بۆ سەر ئێران دەکەن و ئامادەی هاوکاریشن بۆ کەمکردنەوەی گرژییەکان.

پۆلیسی ئێرلەندای باکوور لە بەریتانیا رایگەیاند، دوای پێنجەمین شەوی پڕ تووندوتیژی، زیاتر لە 60 ئەفسەری پۆلیس لە پشێوی دژە پەناخوازاندا لە ئێرلەندای باکوور بریندار بوون.

وەزیری دەرەوەی چین بە جیا قسەی لەگەڵ هاوتا ئێرانی و ئیسرائیلییەکەی کرد. وەزیری دەرەوەی چین پاڵپشتیی خۆی بە هاوتا ئێرانییەکەی و دژایەتی هێرشی سەربازیشی بۆ سەر ئێران بە هاوتا ئیسرائیلییەکەی گەیاند.

میدیای رووسیا لە زاری یاریدەدەرێکی سەرۆکی وڵاتەکەیانەوە بڵاویکردەوە، سەرۆکی رووسیا و سەرۆکی ئەمریکا بە تەلەفۆن قسەیان کرد و باسی جەنگی ئۆکراینا، دۆخی رۆژهەڵاتی نێوەڕاست و جەنگی ئێران و ئیسرائیلیان کرد.

سەرۆکوەزیرانی ئیسرائیل راگەیاند، لە دوو رۆژی رابردوودا هێرشەکانی وڵاتەکەی زیانی گەورەیان بە ناوەندە ئەتۆمییەکانی ئێران گەیاندووە. ئەو هەڕەشەی بەردەوامی و چڕکردنەوی هێرشەکانی وڵاتەکەشی بۆ سەر ئێران کرد.

وەزیری بەرگریی ئەمریکا رایگەیاند، بە وردیی چاودێریی دۆخی رۆژهەڵاتی نێوەڕاست دەکەن و هۆشداریش بە ئێران دەدات کە سەرنجەکانی نەخاتە سەر وڵاتەکەی.

میدیای ئێران دەڵێت، بەهۆی هێرشێکی درۆنییەوە بەڕێوەبەری پۆلیسی ئاسایشی گشتی و ئەفسەرێکی دیکە لە رۆژئاوای هەمەدان کوژراون.

هاوکات وەزیری ناوخۆی ئەڵمانیا بە رووداوی راگەیاند، "تاوەکو ئێستا هەموو باڵیۆزخانە و کۆنسوڵخانەکانی ئیسرائیل دەپارێزین. هەڵسەنگاندن بۆ دۆخەکە دەکەین تاوەکو چەند مەترسییە لەسەر ئاسایشمان، بەڵام لە ئامادەییداین."

رۆژی هەینی، 13ی حوزەیرانی 2025، لە ستۆکۆڵمی پایتەختی سوێد مارک رووتە، سکرتێری گشتیی ناتۆ لەبارەی بۆردوومانی ئەمڕۆی ئیسرائیل بۆ سەر ئێران بە رۆژنامەڤانانی راگەیاند، "پێویستە هاوپایمانان کار و گفتوگۆ بۆ کەمکردنەوەی گرژییەکان بکەن". گوتیشی، "پێویستە کەمکردنەوەی گرژییەکان کاری لەپێشینە بێت".

وەزارەتی دەرەوەی سوێد بە رووداوی راگەیاند، دۆخێکی تووند و ناسەقامگیر لە ناوچەکە هەیە و "لە نزیکەوە چاودێری دۆخەکە دەکەین."

سەرۆکی ئەمریکا دەڵێت، دەرفەتی زۆری بە ئێران دا بۆ رێککەوتن، بەڵام سوودیان لەو دەرفەتانە وەرنەگرت. دەشڵێت، پێویستە تاران رێککەوتن بکات پێش ئەوەی هەموو شتێک لەنێوبچێت.

وەزارەتی دەرەوەی ئێران دەڵێت، ئەمریکا لە هێرشەکەدا هاوئاهەنگی لەگەڵ ئیسرائیل هەبووە و هەربۆیەش رووبەڕووی لێپرسراوێتی دەبێتەوە.

بەڕێوەبەری گشتیی ئاژانسی نێودەوڵەتیی وزەی ئەتۆم دەڵێت، ئیسرائیل بۆردوومانی وێستگەی ئەتۆمیی بوشەهری نەکردووە، بەڵام لە وێستگەی نەتەنزی داوە.

ئەفیخای ئەدرعی، گوتەبێژی سوپای ئیسرائیل لە ئێکس بڵاویکردەوە: "لە چەند کاژێری رابردوودا ئێران زیاتر لە 100 درۆنی بە ئاراستەی ئیسرائیل تەقاندووە و هەموو سیستمە بەرگرییەکان سەرقاڵی خستنەخوارەوەیانن."

ئاژانسی چاودێریی سنوورەکانی یەکێتیی ئەورووپا (فرۆنتێکس) بڵاویکردەوە، چوونی کۆچبەران بۆ وڵاتانی یەکێتیی ئەورووپا 20% کەمیکردووە. دەشڵێت، لە 5 مانگی یەکەمی ئەم ساڵدا چوونی کۆچبەران بۆ بەریتانیا 17% زیادیکردووە

‎فەرماندەی فەرماندەیی ناوەندی سوپای ئەمریکا (سێنتکۆم) رایگەیاند، چەند بژاردەیەکیان لەبەردەستە بۆ راگرتنی ئێران لەوەی ببێتە خاوەن چەکی ئەتۆمی. دەشڵێت، ئامادەن بۆ ئەو مەبەستە هێز بەکاربهێنن

گرێتا تونبێرگ، چالاکڤانی سوێدی، ئیسرائیل بە "رفاندنی" خۆی و تیمەکەی تۆمەتبار دەکات، ئەوەش دوای ئەوەی دوێنێ لە سنووری ئاوی نێودەوڵەتیی دەریای نێوەڕاست، هێزە دەریاییەکانی ئیسرائیل چالاکڤانەکە و تیمی سەر بەلەمی مادلینیان دەستبەسەر کرد، کە هەوڵی گەیاندنی هاوکاریی مرۆییان بە غەززە دەدا

جێگری باڵیۆزی چین لە نەتەوە یەکگرتووەکان دەڵێت، پاڵپشتی بەردەوامبوونی گفتوگۆکانی هەردوو حکومەتی عێراق و هەرێمی کوردستان بۆ چارەسەرکردنی کێشەکان دەکەن

باڵیۆزی کۆریای باشوور لە نەتەوە یەکگرتووەکان دەڵێت، عێراق پێشکەوتنی لە بوارەکانی ئەمنی و سیاسی بەدەستهێناوە. ئاماژە بەوەش دەکات، گرنگە گفتوگۆکانی بەغدا و هەولێر لەسەر پرسە ئەمنی و ئابوورییەکان بەردەوام بن

باڵیۆزی سۆماڵ لە نەتەوە یەکگرتووەکان بەناوی وڵاتەکەی و جەزائیر، گایانا و سیرالیۆنەوە گوتی، چاودێریی هەوڵەکانی حکومەتی عێراق بۆ رووبەڕووبوونەوەی ئاڵنگارییەکان دەکەن. ئاماژەی بەوەش کرد، داننان بە هەڵەبجە وەکو 19یەمین پارێزگای عێراق دەستکەوتە

باڵیۆزی رووسیا لە نەتەوە یەکگرتووەکان دەڵێت، پێیان باشە پێشکەوتن لە گفتوگۆکانی نێوان حکومەتی عێراق و حکومەتی هەرێمی کوردستان بۆ چارەسەرکردنی کێشە هەڵپەسێردراوەکان هەبێت. ئاماژە بەوەش دەکات، گرنگە پرسی هەناردەکردنەوەی نەوتی هەرێمی کوردستان چارەسەر بکرێت

زیاتر لە 300 کارمەند و بەرپرسی وەزارەتی دەرەوەی بەریتانیا لە نامەیەکدا بۆ وەزیری دەرەوەی وڵاتەکەیان دەڵێن، لە کارەکانی ئیسرائیل لە کەرتی غەززە و بەردەوامیی فرۆشتنی چەکی وڵاتەکەیان بە تەلئەڤیڤ نیگەرانن

لە شاری نیسی فەرەنسا هەزاران ئەندام و سەرکردەی رێکخراوە ژینگەییەکان گردبوونەوە و داوای چڕکردنەوەی هەوڵەکان بۆ پاراستنی ژینگەی ئاوی دەکەن. لەکاتێکدا ئەمڕۆ سێیەم کۆنفرانسی نەتەوە یەکگرتووەکان لەبارەی زەریاکانەوە دەستی بە کارەکانی کرد.

دوای دروستبوونی گرژییەکانی نێوان ئیلۆن مەسک، دەوڵەمەندترین کەسی جیهان و دۆناڵد ترەمپ، سەرۆکی ئەمریکا؛ سەرمایەدارەکە نیازی خۆی بۆ دامەزراندنی پارتێکی سیاسی پیشاندا

پەرلەمانی نەرویج خوێندنەوەی یەکەمی بۆ پڕۆژەیاسایەک کرد کە سێکس بێ رەزامەندیی کەسی بەرامبەر بە دەستدرێژی دادەنێت. ئەو یاسایەی ئێستا هەیە کاتێک سێکسکردن لەگەڵ کەسی بەرامبەر بە دەستدرێژی دادەنێت کە تووندوتیژی، مەترسی و بەکارهێنانی کەسی بەرامبەری تێدا بێت

میدیای ئەمریکی دەڵێت، ئێران هەزاران تۆن مادەی پێویستی بۆ بەهێزکردنی توانا مووشەکی و سەربازییەکانی لە چین کڕیوە. باس لەوەش دەکات، ئەو مادانە لە چەند مانگی داهاتوودا دەگەنە ئێران

گوتەبێژێکی کۆمیسیۆنی یەکێتیی ئەورووپا دەڵێت، پێشوازی لە گواستنەوەی کۆمپانیا و کارە بازرگانییەکانی ئیلۆن مەسک لە ئەمریکاوە بۆ ئەورووپا دەکەن. بەرپرسێکی کۆشکی سپییش دەڵێت، سەرۆکی وڵاتەکەی هیچ پلانێکی نییە قسە لەگەڵ بازرگانەکە بکات. ئەمەش دوای ئەوەی گرژییەکانی نێوان مەسک و سەرۆکی ئەمریکا تەقینەوە

حکومەتی بەریتانیا دەڵێت، 1.5 ملیۆن یەکەی نیشتەجێبوونی نوێ تاوەکو ساڵی 2029 لەو وڵاتە دروستدەکرێن و هەمووشیان دەبێت پانێڵی وزەی خۆر لەسەر بانەکانیان دابنرێت. حکومەتی ئەو وڵاتە دەیەوێت لەو رێگەیەوە کێشەی کەمیی وزە و شوێنی نیشتەجێبوون چارەسەر بکات

لە ناوچە شاخاوییەکانی چین، لە بەرزی 200 بۆ 300 مەتر ژمارەیەک هاووڵاتی نمایش لەسەر پەت دەکەن. ژمارەیەک گەشتیار بۆ چێژ وەرگرتن لە سرووشت و نمایشەکان سەردانی شوێنەکە دەکەن.

ژمارەیەک دیپلۆماتکاری وڵاتانی رۆژئاوا رایانگەیاند، ئەمریکا و ژمارەیەک وڵاتانی دیکەی رۆژئاوا سەرقاڵی پلاندانانن بۆ پەسەندکردنی بڕیارنامەیەک بۆ سەرکۆنەکردنی ئێران. ئەمەش لەبەرئەوەی بە باشی هاوکاری تیمەکانی ئاژانسی نێودەوڵەتیی وزەی ئەتۆم ناکات لەکاتی سەردانیان بۆ ناوەندە ئەتۆمییەکانی.

حکومەت، خەڵک و بەرپرسانی وڵاتانی ئەفریقا نیگەرانی بڕیارەکەی ئیدارەی ئەمریکان بۆ قەدەخەکردنی گەشتی هاووڵاتییانیان بۆ ئەو وڵاتە. یەکێتیی ئەفریقا دەڵێت، ئەم قەدەخەیە زیان بە پەیوەندییەکانیان لەگەڵ واشنتن دەگەیەنێت.

سەرۆکوەزیرانی دانیمارک بە میدیای وڵاتەکەی گوت، پلانی درێژکردنەوەی قەدەخەی سەرپۆشی تەواوەتییان لە شوێنە گشتییەکان و جێبەجێکردنیان بەسەر قوتابخانە و زانکۆکاندا هەیە. دەشڵێت، دەیەوێت شوێنی نوێژکردن لە زانکۆکانی وڵاتەکەیدا دابخرێن.

جێگری گوتەبێژی وەزارەتی دەرەوەی ئەمریکا بە رووداوی راگەیاند، نێردەی تایبەتی وڵاتەکەی پێشنیازێکی سەبارەت بە بەرنامە ئەتۆمییەکەی ئێران داوەتە تاران. دەشڵێت، "لە بەرژەوەندی خۆیانە قبووڵی بکەن."

وەزاەتی دادی ئەمریکا بڵاویکردەوە، دوو لێکۆڵینڤانی چینی بە قاچاخ قارچکیان بردووەتە ئەمریکا بۆئەوەی لە زانکۆیەکدا لێکۆڵینەوەیان لەسەر بکەن. بەگوێرەی بەرپرسانی ئەمریکا، ئەم جۆرە قارچکە زیانی ملیاران دۆلار بە ئابووریی وڵاتەکەیان دەگەیێنێت

بەرپرسێکی باڵای پۆلیسی پاکستان رایگەیاند، لە شاری کاراچی بەهۆی ئەگەری بوومەلەرزەوە 216 زیندانییان لە یەکێک لە گرتووخانەکان دەگواستنەوە، لەو کاتەدا هەموویان رایانکرد و تەنیا 78یان دەستگیرکراونەتەوە.

رۆژی سێشەممە، 3ی حوزەیرانی 2025، دۆناڵد ترەمپ، سەرۆکی ئەمریکا لە تۆڕی ترووس سۆشیاڵ بڵاویکردەوە، ئێستا سوپای ئەمریکا "بەهێزترینە بە لەبەرچاوگرتنی ئەو راستییەی کە بە خێراییەک چەک کۆگادەکەین هەرگیز وڵاتەکەمان بەخۆیەوە نەبینیووە".

بەرپرسانی سعودیە دەڵێن، توانیویانە رێگری لە 269 هەزار و 678 موسڵمان بکەن بە نایاسایی بچنە نێو مەککە و حەج بکەن. دەشڵێن، هەوڵەکانیان بۆ رێگری لە رێگە نایاساییەکان بۆ گەیشتن بە شارەکە بەردەوامن.

بەرپرسێکی ئەمنیی ئۆکراینا رایگەیاند، هێرشێکی درۆنییان کردە سەر ژمارەیەک بنکەی سەربازیی رووسیا. دەشڵێت، لەو هێرشەدا 40 فڕۆکەی سەربازیی رووسیایان لەنێوبردووە. ئەمە لە کاتێکدا بڕیارە سبەی کۆبوونەوەی راستەوخۆی شاندی رووسی و ئۆکراینی بۆ ئاگربەست لە شاری ئیستەنبووڵ بکرێت.

وەزارەتی ناوخۆی بەریتانیا بڵاویکردەوە، رۆژی شەممە هەزار کۆچبەر بە 18 بەلەم بە نۆکەندی ئینگلیزدا چوونەتە وڵاتەکەیان. ئەمەش ئەم ساڵ زۆرترین بووە لە رۆژێکدا و دووەم زۆرترین بووە لەو کاتەوەی ئاماری گەیشتنی کۆچبەران بەو وڵاتە تۆمار دەکرێن.

لە دیمەشق وەزیری دەرەوەی سعودیە لەگەڵ هاوتا سوورییەکەی کۆبووەوە. دوای کۆبوونەوەکە کۆنگرەیەکی رۆژنامەڤانیان کرد و وەزیری دەرەوەی سعودیە گوتی، لە پێشەوەی وڵاتان دەبن بۆ هەوڵدان بۆ بنیاتنانەوەی سووریا دوای 14 ساڵ لە شەڕ و ئاڵۆزی.

وەزارەتی دەرەوەی چین لە راگەیێندراوێکدا دەڵێت، هۆشداریی بە ئەمریکا دەدەن لە بابەتی تایواندا "یاری بە ئاگر" نەکەن و نیگەرانی وڵاتەکەشیان سەبارەت بە گوتەکانی وەزیری بەرگریی ئەمریکا لە لووتکەی سەنگاپوورە بە بەرپرسانی واشنتن گەیاندووە.

ئاژانسی نێودەوڵەتیی وزەی ئەتۆم لە راپۆرتێکدا دەڵێت، ئێران بەرهەمهێنانی یۆرانیۆمی پیتێندراوی زیادکردووە. دەشڵێت، ئێستا وڵاتەکە 408.6 کیلۆگرام یۆرانیۆمی پیتێندراوی بە رێژەی 60٪ هەیە کە 133.8 کیلۆگرامی لە مانگی شوباتی ئەم ساڵ زیاترە.

گوتەبێژی حکومەتی ئەڵمانیا رایگەیاند، رۆژی پێنجشەممەی داهاتوو راوێژکاری وڵاتەکەیان دەچێتە ئەمریکا و لەوێ جەنگی ئۆکراینا، دۆخی رۆژهەڵاتی نێوەڕاست و پەیوەندییە بازرگانیەکانیان لەگەڵ سەرۆکی ئەو وڵاتە تاوتوێ دەکات.

وەزیری راگەیاندنی سووریا دەڵێت، گفتوگۆی ناراستەوخۆیان لەگەڵ ئیسرائیل سەبارەت بە چەند پرسێک هەیە و پێشڤەچوونیش لەو گفتوگۆیانەدا دروستبووە.

بزووتنەوەی حەماس رایگەیاند، وەڵامی پێشنیازی ئەمریکایان بۆ ئاگربەست دایەوە و وەکو بەشێک لە رێککەوتن ئامادەن 10 بارمتە ئازاد بکەن.

تیمی چاودێریکردنی سزا فرەلایەنەکان بڵاویکردەوە، کۆریای باکوور هاوکاریی رووسیای لە بۆردوومانکردنی ژێرخانی سڤیل لە ئۆکراینا کردووە و زیاتر لە 20 هەزار کۆنتێنەر تەقەمەنی بەو وڵاتە داوە.

حکومەتی ژاپۆن داوای لە زانکۆکانی کردووە ئەو قوتابییانە وەربگرن کە دەیانەوێت زانکۆکانی ئەمریکا جێبهێڵن. ئەمەش لە کاتێکدایە رۆژ بە رۆژ گرژییەکانی واشنتن و زانکۆکان، بەتایبەت هارڤارد زیاتر دەبن و لە دوایین هەنگاودا حکومەت ڤیزای خوێندنی بۆ زانکۆکە راگرت

راوێژکاری ئەڵمانیا رایگەیاند، لەگەڵ وڵاتانی دیکەی هاوپەیمانی ئۆکراینا رێگرییەکانی بەردەم کیێڤیان بۆ هێرشکردنە سەر خاکی رووسیا لابردووە. رووسیاش هۆشداری دەدات کە ئەمە دەبێتە رێگری لە گەیشتن بە ئاگربەست.

نێردەی تایبەتی ئەمریکا بۆ کاروباری سووریا رایگەیاند، لە ئیستەنبووڵ لەگەڵ سەرۆککۆمار و وەزیری دەرەوەی سووریا کۆبووەتەوە. تێکشکاندنی داعش، سووککردنی سزاکانی سەر دیمەشق و رەخساندنی دەرفەتی وەبەرهێنان لە سووریا گرنگترین باسەکانی کۆبوونەوەکە بوون.

نیۆم کریستی، وەزیری ناوخۆی ئەمریکا لە نامەیەکدا بۆ پەیمانگای ئیڤی کە تایبەتە بە مۆڵەتدان بە قوتابییە نێودەوڵەتییەکان بۆ خوێندن لە زانکۆکانی ئەمریکا رایگەیاند، خزمەتگوزاری تایبەت بە رێگەدان بە خوێندنی قوتابییە نێودەوڵەتییەکان لە زانکۆی هارڤارد راگیرا. دەشڵێت، ئەو بڕیارە "دەستبەجێ بەرکارە".

داواکاری گشتیی سوێد بڵاویکردەوە، هاووڵاتییەکی وڵاتەکەیان کە تۆمەتبارە بە بەشداریکردن لە دەستگیرکردن و سووتاندنی فڕۆکەوانێکی ئوردنی لە سووریا، دادگەیی دەکەن

میدیای ژاپۆن لە زاری پۆلیسی وڵاتەکەیەوە بڵاویکردەوە، شۆفێرێکی تاکسیی تەمەن 54 ساڵیان دەستگیر کرد، کە تۆمەتبارە بە دەرمانخواردکردن، پاشان دەستدرێژکردنە سەر 50 ژن کە بە تاکسیەکەی گواستبوونییەوە. پیاوەکە وێنە و ڤیدیۆی کارەکانیشی گرتبوو

پزیشکێکی بەریتانی چوار هەزار کیلۆمەتری بڕیوە تاوەکو گەیشتووەتە غەززە. یەکێکە لەو پزیشکانەی لە نەخۆشخانەی خان یونس برینداران چارەسەر دەکات.

وەزیری ناوخۆی ئەمریکا رایگەیاند، لە نزیک مۆزەخانەی جووەکان لە واشنتن دی سی دوو کارمەندی باڵیۆزخانەی ئیسرائیل کوژران.

توێژەرانی سکوڵی پزیشکیی زانکۆی نۆرسوێستنی ئەمریکی دەڵێن، ساڵی 2001 هەر کەسێک تێكڕا 150 چرکە سەرنجی دەخستە سەر هەر بابەتێک کە دەیخوێندەوە، بەڵام ئێستا 47 چرکەیە. بەکارهێنانی زۆری مۆبایل، ئایپاد و کۆمپیوتەر بە هۆکاری سەرەکیی کەمبوونەوەی سەرنج دادەندرێت

سەرۆکی ئەمریکا رایگەیاند، لە سێ ساڵی داهاتوودا سیستمێکی بەرگری بەناوی "گومبەزی زێڕین" دروست دەکەن کە ئامانج لێی پارێزگاریکردنە لە وڵاتەکەیان دژی هەموو مەترسییەکان. چین و رووسیاش دژایەتیی خۆیان بۆ پڕۆژەکە پیشانداوە

مارک رووتە، سکرتێری گشتیی ناتۆ رایگەیاند، بڕیاری پارتی کرێکارانی کوردستان (پەکەکە) بۆ خۆهەڵوەشاندنەوە و چەکدانان "پێشهاتێکی گرنگە".

میدیاکانی هیندستان لە زاری بەرپرسانی ئەو وڵاتەوە بڵاویانکردەوە، پۆلیس لە سێ ویلایەتی جیاوازدا 11 کەسی بە تۆمەتی سیخوڕیکردن بۆ پاکستان دەستگیرکردووە.

سوپای ئیسرائیل رایگەیاند، تێبینی فڕۆکەیەکی بێفڕۆکەوانیان کردووە کە لە خاکی میسرەوە چووەتە نێو ئاسمانی ئیسرائیل و هەوڵی داوە چەک بە قاچاخ بگوازێتەوە بۆ کەرتی غەززە. سوپاکە دەشڵێت، فڕۆکە بێفڕۆکەوانەکەیان پێش گەیشتنی بە ئامانجەکەی لە کەرتی غەززە، خستووەتەخوارەوە.

سەرۆکی کەمینەی دیموکراتی لە ئەنجوومەنی پیرانی ئەمریکا پڕۆژەیاسایەکی پێشکێشی ئەنجوومەنەکەی کردووە بە ئامانجی رێگریکردن لە وەزارەتی بەرگریی کە هەر فڕۆکەیەک بە دیاری قبووڵبکات و بۆ گواستنەوەی سەرۆکی وڵاتەکەیان بەکاریبێنێت.

وەزارەتی ناوخۆی ئەمریکا بڵاویکردەوە، یەکەم گرووپی پەناخوازان دوای وەرگرتنی هەزار دۆلار لە بەرامبەر خۆ دیپۆرتکردنەوەیان چوونەوە وڵاتەکانیان. پێدانی پارە لە بەرامبەر خۆ دیپۆرتکردنەوە یەکێکە لە پلانەکانی حکومەتی ئەمریکا بۆ رێگری لە کۆچبەران و دیپۆرتکردنەوەی پەناخوازان.

نووسینگەی سەرۆکی پێشووی ئەمریکا لە راگەیێندراویکدا بڵاویکردەوە، سەرۆکی پێشووی وڵاتەکەیان تووشی شێرپەنجەی پرۆستات بووە و بە ئێسکەکانیدا بڵاوبووەتەوە. دەشڵێت، هیوایەک بۆ چارەسەرکردنی ماوە.

نووسینگەی سەرۆکوەزیرانی ئیسرائیل دەڵێت، دەزگای هەواڵگریی وڵاتەکەی (مۆساد) دوو هەزار و 500 بەڵگەنامەی تایبەت بە ئێلی کۆهین، گەورە سیخوڕی ئیسرائیلی لە سوویاوە گەڕاندووەتەوە.

سکرتێری گشتیی نەتەوە یەکگرتووەکان لە کۆڕبەندی کۆمکاری وڵاتانی عەرەب کە لە بەغداد بەڕێوەچوو بە رووداوی راگەیاند، سەرسامە بە پەرەسەندنە ئەرێنییەکانی عێراق. گوتیشی، کورد بەشێکی دانەبڕاون لە سووریا.

میدیای ئەمریکا و بەرپرسانی وڵاتەکە بڵاویانکردەوە، لە دوو ویلایەتی باشوور بەهۆی گەردەلوولی تووندەوە 21 کەس گیانیان لەدەستدا و زیانێکی زۆریش بەر دانیشتووانی ناوچەکە کەوت.

وەزارەتی ناوخۆی سووریا بڵاویکردەوە، لە باکووری پارێزگای حەلەب هێزەکانی ئاسایش رووبەڕووی ژمارەیەک چەکداری داعش بوونەتەوە. دەشڵێت، ئەندامێکی هێزە ئەمنییەکان کوژرا و ژمارەیەک چەکداری داعشیشیان دەستگیرکرد.

نەتەوە یەکگرتووەکان لە نوێترین راپۆرتیدا بەناوی راپۆرتی جیهانی بۆ قەیرانی خۆراک، رایگەیاند پار بەهۆی گرژییەکان و ژمارەیەک قەیرانی دیکەوە 295 ملیۆن کەس تووشی برسیێتیی تووند بوون. دەشڵێت، ئەمساڵ بەهۆی کەمبوونەوەی هاوکارییەکانەوە مەترسی زیادبوونی ژمارەکە هەیە.

گۆڤاری لایف ساینس بڵاویکردەوە، رووسیا و چین لێکتێگەیشتنێکیان واژۆکردووە بۆ ئەوەی تاوەکو ساڵی 2036 وێستگەیەکی ئەتۆمی لەسەر مانگ دروست بکەن. وێستگەکە بە رۆبۆت و تەکنەلۆژیای پێشکەوتوو دروست دەکرێت.

سەرۆکوەزیرانی بەریتانیا رایگەیاند، قبووڵی ناکەن سەرۆکی رووسیا بەردەوام بێت لە دواخستنی گفتوگۆکانی ئاشتی. دەشڵێت، دەبێت پووتین باجی خۆدوورخستنەوە لەو گفتوگۆیانە بدات و سزای زیاتر بەسەر ئابوورییەکەیدا دەسەپێنن.

مۆخیکا لە کاتی سەرۆکایەتیدا مووچەی مانگانەی 12 هەزار دۆلار بوو، بەڵام 90٪ی بە هەژاران دەبەخشی، بەو هۆیەوەش نازناوی هەژارترین سەرۆکی جیهانی پێبەخشرابوو.

میدیای یۆنان بڵاویکردەوە، ژنێک دوای گومانکردن لە مێردەکەی وێنەیەکی قاوەکەی دەگرێت و لە رێگەی ژیریی دەستکردەوە خوێندنەوەی بۆ دەکات. ژیریی دەستکرد بە ژنەکە دەڵێت، مێردەکەت خیانەت دەکات، بەو هۆیەوە ئەویش داوای جیابوونەوەی لێ دەکات.

شەڕەکە لەنێوان گرووپە چەکدارەکانی تەرابڵوس و گرووپەکانی شاری میسراتە بوو کە بە دووری 200 کیلۆمەتر کەوتووەتە رۆژهەڵاتی تەرابلوس.

پسپۆڕێکی مادە هۆشبەرەکان لە ئاژانسی یەکێتیی ئەورووپا بۆ رێگری لە مادە هۆشبەرەکان بە رووداوی راگەیاند، پێشوازی لە هەر هەوڵێکی هاوشێوەی بەرپرسانی سووریا بۆ رێگری لە مادە هۆشبەرەکان دەکەن. دەشڵێت، رەنگە ئەو رێگرییانە کێشەی گەورە بۆ وڵاتانی دراوسێی دروستبکات.

میدیای ئەڵمانیا لە راپۆرتێکدا بڵاویکردەوە، لە دوو رۆژی یەکەمی ئەم کابینەیەی حکومەتی ئەڵمانیادا 286 کۆچبەر لەسەر سنوورەکانی وڵاتەکەیانەوە گەڕێندراونەتەوە. دەشڵێن، سێ مانگی یەکەمی ئەم ساڵ بەراورد بە هەمان ماوەی پار دیپۆرتکردنەوەی کۆچبەران زیادی کردووە.

وەزارەتی دەرەوەی پاکستان بڵاویکردەوە، وڵاتەکەیان پابەندی ئەو ئاگربەستەیە کە لەگەڵ هیندستان کردیان. ئەمە دوای ئەوەی نیو دێلهی، ئیسلامابادی بە پێشێلکردنی ئاگربەستەکە تۆمەتبار کردبوو.

سەرۆکی ئۆکراینا و سەرکردەی بەریتانیا، فەرەنسا، پۆڵەندا و ئەڵمانیا لە راگەیێندراوێکدا دەڵێن، پێویستە رووسیا 30 رۆژ ئاگربەستی بێ مەرج لەگەڵ ئۆکراینا قبووڵ بکات، ئەگەر نا سزایەکی گەورەی بەسەردا دەسەپێنن. گوتەبێژی کرێملینیش دەڵێت، پێویستە پێش هەر ئاگربەستێک وڵاتانی رۆژئاوا ناردنی چەک بۆ ئۆکراینا رابگرن.

ئاژانسەکانی نەتەوە یەکگرتووەکان و ژمارەیەک رێکخراوی نێودەوڵەتی هۆشدارییان لە پلانەکانی ئیسرائیل و ئەمریکا بۆ کۆنترۆڵکردنی چۆنیەتی دابەشکردنی هاوکارییەکان بەسەر دانیشتووانی غەززەدا دەدەن و دەڵێن، ئەو پلانانە دەبنە هۆی ئازار و مردنی زیاتر لەنێو دانیشتووانی کەرتەکەدا.

دەسەڵاتی فرۆکەوانی پاکستان رایگەیاند، ئاسمانی وڵاتەکەی بەڕووی گەشتە ئاسمانییەکانی هیندستاندا کردەوە، ئەمە دوای راگەیاندنی ئاگربەستی نێوانیان. ئاگربەستەکە بە نێوەندگیری ئەمریکا و "بەشداری راستەوخۆی هەردوولا" بووە.

حکومەتی هیندستان رایگەیاند، لە سێ شاری هاوسنووریان لەگەڵ پاکستان گەشتە ئاسمانییەکانی 24 فڕۆکەخانەیان هەڵوەشاندوونەتەوە. ئەمە لەکاتێکدایە رۆژ بە رۆژ گرژییەکانی ئەو وڵاتە لەگەڵ پاکستان لە زیادبووندان و تاوەکو ئێستاش نزیکەی 50 کەس لە هەردوولا کوژراون.

بەرپرسێکی پۆلیسی پاکستان رایگەیاند، شەوی هەینی گرووپێکی چەکدار رێگەیان بە ئۆتۆمبێلێکی پۆلیس گرتووە کە ژمارەیەک زیندانییان دەگواستەوە. دەشڵێت، چەکدارەکان زیندانیەکانیان ئازادکرد و پێنج پۆلیسیشیان رفاند.

لە باشووری رۆژئاوای چین دوو بەلەمی گەشتیاران ژێرئاوکەوتن، سێ کەس گیانیان لەدەستدا و 60 کەسی دیکەش رەوانەی نەخۆشخانە کران و گەڕان بەدوای 14 کەس بەردەوامە.

سوپای لوبنان بڵاویکردەوە، حەماس کەسێکی فەلەستینی رادەستکردن کە گوماندەکرێت بەشداری لە هێرشێکی مووشەکی بۆ سەر ئیسرائیل کردبێت. ئەمە دوای ئەوە هات کە رۆژی هەینی رابردوو، ئەنجوومەنی باڵای بەرگریی لوبنان هەڕەشەی گرتنەبەری "تووندترین رێکاری" دژی ئەو گرووپە کرد لە ئەگەری هێرشکردنە سەر ئیسرائیل.

رێکخراوی پەیامنێرانی بێسنوور بڵاویکردەوە، یەکێک لە پارێزەرانیان ئیمەیڵێکی لە وەزارەتی دادی ئەمریکاوە پێگەیشتووە کە دەنگی ئەمریکا دەتوانێت هەفتەی داهاتوو دەست بە پەخش بکاتەوە. سەرنووسەری دامەزراوەکەش هەواڵەکەی پشتڕاستکردەوە.

فریاگوزاریی ئەڵمانیا دەڵێت، کەسێک لە شاری شتوتگارت ئۆتۆمبێلەکەی بەنێو خەڵکدا کرد و 8 کەسی بریندار کرد. پۆلیس دەڵێت، "هیچ ئاماژەیەک نییە" ئەو رووداوە هێرش بووبێت

بەرپرسێکی حکومەتی ئەمریکا دەڵێت، وەزیری بەرگری فەرمانی هێشتنەوەی دوو کەشتیی فڕۆکەهەڵگری وڵاتەکەی لە رۆژهەڵاتی نێوەڕاست درێژ کردووەتەوە، بۆئەوەی بتوانن بۆ هێرشەکانیان بۆسەر حووسییەکانی یەمەن سوودیان لێوەربگرن

ئەنجوومەنی باڵای بەرگریی لوبنان دەڵێت، نابێت حەماس و هیچ گرووپێک لە لوبنانەوە هێرش بکەنە سەر ئیسرائیل، ئەگەرنا "تووندترین رێکار" بەرامبەریان دەگیرێتەبەر.

کۆمیسیۆنی پاراستنی داتای یەکێتیی ئەورووپا دەڵێت، کۆمپانیای تیکتۆکیان بە 600 ملیۆن دۆلار سزا داوە، ئەوەش بەهۆی ناردنی زانیاریی کەسیی بەکارهێنەرانی تیکتۆک بۆ چین و شکستهێنان لە پاراستنی ئەو داتایانە. بەرپرسانی کۆمپانیاکەش ئەو تۆمەتانە رەتدەکەنەوە

نووسینگەی بەڕێوەبردن و کاروباری بودجەی ئەمریکا پێشنیازی بودجەی وڵاتەکەی بۆ ساڵی دارایی تشرینی یەکەمی 2025 بۆ تشرینی یەکەمی 2026 راگەیاند. بەگوێرەی ئەو پێشنیازە، ئیدارەی ترەمپ 163 ملیار دۆلار، واتە 22%ی خەرجیی فیدراڵی کەم دەکاتەوە، بەڵام خەرجیی بەرگری 13% و ئاسایشی نێوخۆ 65% زیاد دەکات

بەرپرسانی چیلی هۆشداری لە روودانی تسونامی لە کەناراوەکانی باشووری وڵاتەکەیان دەدەن، ئەوەش دوای روودانی بوومەلەرزەیەک بە گوڕی 7.5 پلە بە پێوەری رێختەر

بەرگریی شارستانیی غەززە دەڵێت، ئیسرائیل چەند ناوچەیەکی لە کەرتی غەززە بۆردوومان کردووە و لە ئەنجامدا 29 کەس کوژران

وەزارەتی دەرەوەی ئەڵمانیا دەڵێت، نیگەرانن لە شەڕی سەربازانی حکومەتی سووریا و دروزەکان لە دیمەشق. ئاماژە بەوەش دەکات، نابێت سووریا ببێتە شوێنی یەکلاییکردنەوەی ململانێکان

بنیامین نەتەنیاهوو، سەرۆکوەزیرانی ئیسرائیل رایگەیاند، "ئەوەی من بیستوومە لە تۆڕە کۆمەڵایەتییەکانەوە ئەوەیە کە ژمارەیەک کەس، بەدیاریکراوی ژمارەیەک فەڵەستینی تێوەگلاون. پێویستە بە خێرایی ئەمە چارەسەربکەین و دەزگای ئاسایشیش کاری خۆی بکات".

هیندستان و پاکستان هێزەکانیان لەسەر سنووری نێوانیان زیادکردووە. پەیوەندییەکانی دەلهی و ئیسلاماباد بەرە بەرە گرژتر دەبن، ئەمە دوای رووداوەکەی 22ـی ئەم مانگە کە لە هێرشێکی چەکداریدا 26 کەس کوژران.

وەزارەتی دەرەوەی سوێد بە رووداوی راگەیاند، بارودۆخی سووریا ناسەقامگیرە و ئاڵنگارییەکی زۆر لەو وڵاتەدا هەیە. دەشڵێت، ئامادەن هاوکاربن بۆ چارەسەرکردنی ئاڵنگارییەکانیان و پێشکێشکردنی هاوکاریی زیاتری مرۆیی بە دیمەشق.

سەرۆکی فەرەنسا رایگەیاند، رق و کینە و رەگەزپەرستی لە فەرەنسا جێگەیان نابێتەوە. وەزیری ناوخۆی فەرەنساش دوای کوژرانی موسڵمانێک لە باشووری وڵاتەکەیان دەڵێت، ئاسایشی مزگەوتەکان پتەوتر دەکەن.

سێیەم گەڕی دانوستاندنەکانی نێوان ئەمریکا و ئێران بەڕێوەچوو. وەزیری دەرەوەی ئێران دەڵێت، لەگەڵ لایەنی ئەمریکی بۆچوونی جیاوازییان لەبارەی شێوازی رێککەوتن و وردەکارییەکەیەوە هەبووە.

سەرۆکی رێکخراوی بەهاناوەچوون و کۆمەڵگەی خاچی سووری ئێران بە میدیای وڵاتەکەی راگەیاند، بەهۆی تەقینەوەکەی ئەمڕۆی بەندەر عەباسەوە 5 کەس گیانیان لەدەستداوە و 500ـی دیکەش بریندار بوون.

گوتەبێژی وەزارەتی بازرگانیی چین رایگەیاند، تائێستا هیچ جۆرە دانوستاندنێکیان لەگەڵ لایەنی ئەمریکی بۆ پرسە بازرگانییەکان، لەنێویاندا پێناسی گومرگی، نییە؛ ئەمەش دوای ئەوە دێت کە بەرپرسانی ئیدارەی ترەمپ ئاماژەیان بەوە کردووە، پێشبینی دەکەن گرژییەکانی نێوانیان لەسەر پێناسە گومرگییەکان کەم ببنەوە و، باسی ئەگەری رێککەوتن لەگەڵ پەکین دەکەن

پارێزگاری دنیپرۆپیترۆڤسکی ئۆکراینا رایگەیاند، رووسیا بە درۆن هێرشیکردە سەر پاسێکی گواستنەوەی کرێکاران و بەهۆیەوە نۆ کەس کوژران.

تەندروستیی هیندستان دوایین ئاماری رووداوی تەقەکردنەکەی دوێنێی لە کشمیر بڵاوکردەوە و رایگەیاند، 26 کەس کوژراون. هەروەها، سوپای هیندستانیش لە رووبەڕووبوونەوەیەکی جیادا کوشتنی دوو چەکداری راگەیاند.

بەرپرسی فەرمانگەی کارامەیی حکومەتی ئەمریکا کە هاوکات بەڕێوبەری جێبەجێکار و خاوەنی کۆمپانیای تێسلایە رایگەیاند، مانگی داهاتوو سەرنجی کەمتری لەسەر کارە حکومیەکان دەبێت و زیاتر سەرنجی لەسەر بەڕێوەبردنی کۆمپانیای تێسلا دەبێت. ئەو گوتانەی مەسک دوای ئەوە هاتن کە چارەگی یەکەمی ئەم ساڵ قازانجی کۆمپانیاکەی 71% بەراورد بە چارەگی کۆتایی پار کەمیکرد

کۆمپانیای DNOی نەرویجی رۆژی چوارشەممە ئامارە نوێیەکانی ئاستی بەرهەمهێنانی نەوتی کۆمپانیاکەی راگەیاند و دەڵێت، بەرهەمهێنانی نەوت لە هەرێمی کوردستان زیادیکردووە

میدیای بەریتانیا نێوەڕۆکی دوایین کۆبوونەوەی سەرۆکی رووسیا و نێردەی تایبەتی ئەمریکای بڵاوکردەوە. لەو کۆبوونەوەیەدا سەرۆکی رووسیا گوتوویەتی، بە چەند مەرجێک ئامادەن لە چوار هەرێمەکەی ئۆکراینا بکشێنەوە

بەرپرسانی سووریا دەڵێن، بارێکی گەنم گەیشتە بەندەری لازقیە لەسەر دەریای نێوەڕاست بەبێ ئەوەی ناوی ئەو وڵاتە ئاشکرا بکەن کە گەنمەکەی ناردووە یان لێیان کڕیوە. ئەمە یەکەمین بارە گەنمە لەدوای رووخانی ئەسەدەوە بگاتە بەندەرەکانی ئەو وڵاتە.

سوپای ئیسرائیل دەڵێت، فەرماندە و جێگری فەرماندەی ئەو هێزەی لە پۆستەکانیان دوورخستوەتەوە کە ژمارەیەک کارمەندی تەندروستی لە غەززە کوشت.

گوتەبێژێکی کۆشکی سپی دەڵێت، ئەو دەنگۆیانەی باس لە پلانی حکومەتی وڵاتەکەی بۆ کەمکردنەوەی کارە دیپلۆماسییەکانی لە چەند ناوچەیەکی جیهان دەکەن، لەسەر بنەمای بەڵگەنامەی ساختەیە.

سوپای لوبنان دەڵێت، ژمارەیەک هاووڵاتیی دەستگیرکردووە کە پلانیان هەبوو هێرشێکی مووشەکی بکەنە سەر ئیسرائیل.

شەوی رابردوو ئەمریکا بۆردوومانی بەندەرێکی پارێزگای عودەیدیەی لە یەمەن کرد. میدیای حووسییەکان دەڵێت،لانیکەم 38 کەس کوژراون.

وەزیری دەرەوەی ئێران دەڵێت، پرسی پیتاندنی یۆرانیۆمی وڵاتەکەی "جێگەی گفتوگۆ نییە" و بەردەوام دەبن لەسەری. ئەم لێدوانەش دوای ئەوە هات دوێنێ نێردەی تایبەتی ئەمریکا بۆ رۆژهەڵاتی نێوەڕاست داوای راگرتن و لەنێوبردنی کرد.

میدیای ئەمریکا دەڵێت، وەزارەتی دەرەوەی ئەمریکا نزیکە لەوەی پێشنیازێک بداتە کۆنگرێس کە ئەگەر پەسند بکرێت، نزیکەی 50%ی بودجەی وەزارەتەکە کەم دەکرێتەوە. کەمکردنەوەکە هاوکارییەکانی ئەمریکا بۆ ژمارەیەک رێکخراو، هاوپەیمانێتی و پرۆگرام لەوانە ناتۆ، نەتەوە یەکگرتووەکان، فولبرایت رادەگرێت و 10 باڵیۆزخانە و 17 کۆنسووڵخانەی وڵاتەکەش لە جیهان دادەخرێن

گوتەبێژی کۆشکی سپی دەڵێت، سەرۆکی وڵاتەکەی بە تەلەفۆن لەگەڵ سوڵتانی عومان قسەی کردووە، باسی کۆبوونەوەی داهاتووی شاندی ئەمریکی و ئێرانی و هێرشەکانی ئەمریکای بۆسەر حووسییەکان کردووە

میدیای فەرمیی ئیمارات دەڵێت، دوای 13 ساڵ لە راگرتنی گەشتی ئاسمانی لەنێوان ئیمارات و سووریا، بڕیارە ئەو وڵاتەی کەنداو دەست بە گەشتەکانی بۆ دیمەشق بکاتەوە.

نێردەی تایبەتی ئەمریکا بۆ رۆژهەڵاتی نێوەڕاست دەڵێت، رێککەوتنی ئەتۆمی لەگەڵ ئێران تەنیا بە گوێرەی مەرجەکانی سەرۆکی وڵاتەکەی دەبێت؛ ئاماژە بەوەش دەکات، پێویستە تاران واز لە پڕۆگرامی ئەتۆمی بهێنێت و ئەوەی هەشیەتی لەنێوی ببات.

نووسینگەی میدیایی هێزەکانی سووریای دیموکرات (هەسەدە) بڵاویکردەوە، کوردێکی ئێزدییان لە دەستی داعش رزگار کردووە. هاونیشتمانییەکە باسی ئەو ئازار و ناخۆشییانە دەکات کە لەو ساڵانەی لە دەستی داعشدا بووە چەشتویەتی.

وەزیری دەرەوەی ئێران لەبارەی دانوستاندنی ئەمڕۆیان لەگەڵ لایەنی ئەمریکی رایگەیاند، دانوستاندنەکە "بنیاتنەر و باش" بوو. دەشڵێت، رۆژانی دواتر دانوستاندنی دیکەش دەکەن.

پۆلیسی بەریتانیا لە ئۆپەراسیۆنێکدا 265 سەرتاشخانە و فرۆشگای ڤەیپی لە وڵاتەکەی پشکنی، پۆلیس دەستی بەسەر بڕێکی زۆر پارەدا گرت و 35 کەسیشیان بە تۆمەتی قاچاخچیێتی و کارکردنی کۆچبەران بە نایاسایی دەستگیرکرد.

گوتەبێژی وەزارەتی دەرەوەی ئەڵمانیا رایگەیاند، وڵاتەکەی داوای چارەسەرێکی دیپلۆماسی بۆ گرژییەکانی نێوان ئەمریکا و ئێران دەکات. بوونی کەناڵی دیالۆگیش لە نێوان دوو وڵاتەکە بە "ئەرێنی" دەزانێت.

گوتەبێژی وەزارەتی دەرەوەی رووسیا لە وەڵامی پرسیارێکی رووداو لەبارەی دۆخی ئێستای سووریا و هەڵوێستی رووسیا لەسەر گۆڕانکارییەکان لەو وڵاتە رایگەیاند، بەردەوام داوای رێزگرتنی تەواوەتی لە یەکگرتوویی و سەروەری خاکی سووریا دەکەین و ئەوە بەشێکە لە بنەماکانمان."

سەرچاوەیەک لە ئەپیکور رایگەیاند، "دوای هەموارکردنەوەی بودجەی عێراق لە نێوەڕاستی شوباتی ئەم ساڵ، پێشبینی دەکرا هەولێر و بەغدا لە 60 رۆژدا کۆمپانیایەکی راوێژکاری بۆ وردبینی لە بەرهەمهێنانی نەوتی هەرێمی کوردستان و گواستنەوەی دیاری بکەن."

بەشداربووان، رووبەڕوو خۆیان بەهێز پێشان دەدەن، بەڵام لە پشتەوە فرمێسک بەچاویانەوە ناوەستێت و بەپەلەن بۆ قوومێک ئاو.

ماڵپەڕی بلوومبێرگی ئەمریکی بڵاویکردەوە، لە دوو مانگی رابردوودا مەسک 28.7٪ـی سامانەکەی لەدەستداوە، ئەمەش نەوەک تەنیا مەسک، بەڵکو دەوڵەمەندترینەکانی جیهان بە گشتی و ئەمریکای بەتایبەتی گرتووەتەوە.

حکومەتی بەریتانیا پلانی نوێ بۆ رێگری لە چوونی کۆچبەران بۆ وڵاتەکەی دادەڕێژێت و بەشێکی ئەوانەی وەڵامیان وەرنەگرتووەتەوە دیپۆرتیان دەکاتەوە. پارێزەرێکی کوردیش دەڵێت، ویستی زوو دەوڵەمەند بوون و ناردنەوەی پارە لە بەریتانیاوە پەناخوازە کوردەکان تووشی تاوان دەکات. ئەمەش وادەکات دیپۆرت بکرێنەوە.

بەرپرسێکی کۆشکی سپی رایگەیاند، بڕیارە رۆژی دووشەممە سەرۆکوەزیرانی ئیسرائیل سەردانی ئەمریکا بکات و لەگەڵ سەرۆکی ئەو وڵاتە کۆببێتەوە. ئەو بەرپرسە دەڵێت، سەردانەکە بۆ گفتوگۆی ئەو پێناسە گومرگییەیە کە واشنتن بەسەر هاوردەی وڵاتەکەی لە ئیسرائیلەوە سەپاندوویەتی.

سەرەتای مانگی 12ـی ساڵی رابردوو، یوون سووک یۆل، سەرۆکی کۆریای باشوور باری لەناکاوی لە وڵاتەکە راگەیاند، دەسەڵاتی مەدەنی هەڵپەسارد و دەسەڵاتی سەربازی خستەکار. بەوهۆیەوە رۆژی هەینی، 4ی نیسانی 2025، دادگەی دەستووری وڵاتەکە متمانەی لە سەرۆک سەندەوە.

لێقەوماوانی بوومەلەرزەکەی هەینی رابردووی شاری ماندالای میانمار بۆ وەرگرتنی خۆراک نۆرە دەگرن. ئەوان ئاوارەی شاری زاگانگ بوون کە 24 کیلۆمەتر لە ماڵەکانیانەوە دوورە. دەڵێن، رۆژ بە رۆژ حاڵیان خراپتر دەبێت.

گۆڤاری بلوومبێرگی ئەمریکا کە تایبەتە بە پرسە ئابووری و داراییەکان بڵاویکردەوە، رۆژێک دوای راگەیاندنی سەپاندنی پێناسی گومرگی بەسەر وڵاتانی جیهاندا لەلایەن ئەمریکاوە، سامانی 500 دەوڵەمەنترین کەسانی جیهان 208 ملیار دۆلار کەمیکرد.

سەرچاوەیەکی دیپلۆماسیی فەرەنسا بە رووداوی راگەیاند، پێویستە حکومەتی نوێی سووریا کار بۆ دابینکردنی پێداویستی خەڵکی وڵاتەکەی بکات؛ ئاماژە بەوەش دەکات، هیواخوازن دیالۆگی هێزەکانی سووریای دیموکرات (هەسەدە) و حکومەتی سووریا بەردەوام بێت.

ئەندامێکی ئەنجوومەنی پیرانی ئەمریکا لە پارتی دیموکرات 25 کاژێر بێ وەستان قسەی کرد، ئەوەش درێژترین ماوەی قسەکردنە لەنێو ئەنجوومەنەکە. قسەکانی ئەو ئەندامەش رەخنەگرتن بوو لە سیاسەتی سەرۆکی وڵاتەکەی

ئەمە دووەم هەوڵی بەرپرسانی پاریسە لە 20 رۆژی رابردوودا. 17ـی مانگی رابردوو 450 پەناخوازی خوار 18 ساڵ گوێزرانەوە.

وەزیری بەرگریی ئیسرائیل رایگەیاند، ئۆپەراسیۆنی سەربازیی بۆ سەر کەرتی غەززە فراوانتر دەکەن و سوپای وڵاتەکەی "ناوچەیەکی فراوانی کەرتی غەززە کۆنترۆڵ دەکات."

وەزارەتی بەرگریی ئەمریکا دەڵێت، فڕۆکەی جەنگیی زیاتریان رەوانەی رۆژهەڵاتی نێوەڕاست کردووە. گوتەبێژی وەزارەتەکەش ئاماژە بەوە دەکات؛ پابەندن بە ئاسایشی ناوچەکەوە.

بە گوێرەی حکومەتی وڵاتەکە کە دوایین ئاماری دوانیوەڕۆی ئەمرۆ بڵاوکردەوە، دوو هەزار و 719 کەس گیانیان لەدەستداوە، 4 هەزار و 500 کەس بریندار بوون و 270 کەسی دیکەش بێسەروشوێنن. بوومەلەرزەکان کاریگەریان لەسەر تایلەندیش هەبوو و لەوێش 20 کەس گیانیان لەدەستدا.

وەزارەتەکانی داد و گەنجینەی ئەمریکا بە تۆمەتی هاوکاریکردنی پیشەسازیی سەربازیی ئێران، سزایان بەسەر چوار کۆمپانیا و دوو کەس لە ئێران، ئیمارات و چیندا سەپاند

وەزیری دەرەوەی ئەڵمانیا رەخنە لە حکومەتی رووسیا دەگرێت و دەڵێت، ئاستەنگ بۆ گفتوگۆکانی تایبەت بە راگرتنی جەنگ دروست دەکات

وەزیری ناوخۆی ئەڵمانیا دەڵێت، حکومەتی وڵاتەکەی لە سنووردارکردنی گەیشتنی کۆچبەران بۆ ئەڵمانیا سەرکەوتوو بووە. ئاماژە بەوەش دەکات، کەمبوونەوەی داواکاریی مافی پەنابەری و زیادبوونی دیپۆرتکردنەوە ئاماژەی ئەو سەرکەوتن و پێشڤەچوونەن

دادگەیەکی فەرەنسا قەدەخەی پێنج ساڵی خستەسەر خۆبەربژێرکردنی سەرۆکی پارتی بەرەی نیشتمانی وڵاتەکەی بۆ پۆستی سەرۆکایەتی وڵات، کە بڕیارە ساڵی 2027 هەڵبژاردنی بۆ بکرێت. دادگە سەرۆکی پارتەکەی بە ساختەکاری تۆمەتبار کرد و ئەمەش ناڕەزایەتی نێوخۆیی و نێودەوڵەتی لێکەوتەوە.

میدیای فەرمی ئیمارات بڵاویکردەوە، لەو چوار کەسەی بە کوشتنی حاخامێکی ئیسرائیلی لە تشرینی دووەمی ساڵی رابردوو تۆمەتبار کرابوون، سیانیان بە سزای کوشتنەوە و ئەوی دیکەیان بە زیندانی هەتاهەتایی سزادران.

سەرۆکوەزیرانی پۆڵەندا پەیامێکی بۆ سەرۆکی ئەمریکا نارد و دەڵێت، پێویستە پێش سەپاندنی پێناسی گومرگی دووجار بیربکەنەوە. دەشڵێت، هەموو کات هاوئاهەنگی لە رووبەڕووبوونەوە باشترە. ئەمە لەکاتێکدایە بڕیارە رۆژی 3ی نیسان واشنتن 25٪ پێناسی گومرگی بخاتە سەر هاوردەی ئۆتۆمبیل و پارچەکانی.

حکومەتی بەریتانیا بە بەشداری ژمارەیەک وڵات لووتکەیەک بۆ رێگری لە کۆچبەران بەڕێوەدەبات. لەو لووتکەیەدا سەرۆکوەزیرانی بەریتانیا داوای هەوڵی نێودەوڵەتی بۆ رووبەڕووبوونەوەیان دەکات. ئەمەش لەکاتێکدایە بەرە بەرە چوونی کۆچبەران بۆ ئەو وڵاتە زیاد دەکات و تووڕەیی خەڵکی وڵاتەکەش لەو پرسە زیاد دەبێت.

جێگری پێشووتری سەرۆکی ئەمریکا، سەرکۆنەی "هەڵوێستە دووژمنکارییەکانی" سەرۆکی وڵاتەکەی بۆ رووبەڕووبوونەوەی گۆڕانی کەشوهەوا دەکات. دەشڵێت، ئیدارەی ئێستای وڵاتەکەی، هەرچەند دژی پرۆژە ژینگەییەکان بێت، ناتوانێت ئەو شۆڕشە بووەستێنێت.

لەکاتێکدایە بڕیارە رۆژی 3ـی نیسان، پێناسی گومرگی 25٪ـی بۆ سەر هاوردەی ئۆتۆمبێل لە ئەمریکا بچێتە واری جێبەجێکردنەوە، سەرۆکی وڵاتەکە دەڵێ بەلایەوە گرنگ نییە، ئەگەر ئۆتۆمبێلی هاوردەکراو نرخەکەی گران بێت.

رۆژ بە رۆژ کاریگەریی سیاسەتی ئیدارەی نوێی ئەمریکا بەسەر نەتەوە یەکگرتووەکانەوە دەردەکەوێت. تاوەکو ئێستا سێ ئاژانس و پڕۆگرامی ئەو رێکخراوە کاریگەری بڕیارەکانی ئەو ئیدارەیان بەسەردا دەرکەوتووە، کە ئەوانیش رێکخراوی تەندروستیی جیهانی، پڕۆگرامی خۆراکی جیهانی و ئاژانسی نەتەوە یەکگرتووەکان بۆ کاروباری منداڵانن (یونسێف).

ئەم پەلەوەرخانەیەی لە سەرەتای ئەم ڤیدیۆیە دەردەکەوێت، لە شاری براندنبەرگە. هەناردەکردنی هێلکە لە ئەڵمانیاوە بۆ ئەمریکا بە خێر بۆ خاوەن پەلەوەرخانەکانی وڵاتەکە شکاوەتەوە.

سوپای ئیسرائیل بڵاویکردەوە، پێویستە دانیشتووانی باشووری لوبنان کە لە بنکەکانی حیزبوڵڵاوە نزیکن، دەستبەجێ ماڵەکانیان چۆڵ بکەن

میدیای فەرمیی سعودیە بڵاویکردەوە، سووریا و لوبنان رێککەوتنێکیان بۆ دیاریکردنی سنوورەکانی نێوانیان و بەهێزکردنی هاوئاهەنگی نێوان هەردوو وڵات لەبارەی ئاسایشی ئەو ناوچانەوە واژۆکرد.

سەرۆکوەزیرانی ئوستراڵیا رایگەیاند، بۆ چارەسەرکردنی کێشەکانی وڵاتەکەی و دۆزینەوەی دەرچەیەک، بڕیاری دا لە رۆژی 3ی ئایاری ئەم ساڵدا هەڵبژاردنی پەرلەمان بکرێت.

چیرۆکی زیادکردنی رۆژنامەڤانێک بۆ نێو گرووپێکی تایبەت بە بەرپرسانی باڵای ئەمریکا، بووەتە رۆژەڤێکی گەرمی ئەو وڵاتە.

ئاژانسی نەتەوە یەکگرتووەکان بۆ کاروباری منداڵان (یونیسێف) رایگەیاند، ئەم ساڵ بەهۆی نەبوونی سەرچاوەی داهات و بڕینی هاوکارییەکان 14 ملیۆن منداڵ لە جیهاندا بەرەڕووی بەدخۆراکی و مەترسیی مردن دەبنەوە.

گوتەبێژی حکومەتی ژاپۆن رایگەیاند، سەپاندنی 25٪ پێناسی گومرگی بەسەر هاوردەی ئۆتۆمبێل و پارچەی یەدەگ لەلایەن ئەمریکاوە مایەی نیگەرانیی قووڵە و زیانی ئابووری دەبێت. سەرۆکی کۆمسیۆنی ئەورووپاش دەڵێت، ئەم کارەی ئەمریکا نیگەرانی کردوون.

بەرپرسێکی باڵای لوبنان رایگەیاند، رۆژی پێنجشەممە لە سعودیە وەزیری بەرگریی وڵاتەکەیان لەگەڵ هاوتا سووریاییەکەی بۆ گفتوگۆ لەبارەی کێشەکانی سنوورەکانی نێوانیان کۆدەبێتەوە.

گوتەبێژی سکرتێری گشتیی نەتەوە یەکگرتووەکان رایگەیاند، دوای دەستپێکردنەوەی هێرشەکانی ئیسرائیل بۆ سەر کەرتی غەززە 142 هەزار کەس لەو کەرتەدا ئاوارە بوون. ئەو بەرپرسە هۆشداریش لە کەمبوونەوەی هاوکارییە مرۆییەکان دەدات.

سەرۆکوەزیرانی پۆڵەندا رایگەیاند، حکومەت بە بریارێک پێدانی مافی پەنابەری بە کۆچبەران رادەگرێت، ئەمە لەکاتێکدایە چوونی کۆچبەران بۆ ئەو وڵاتە زیادیکردووە.

ملیۆنێرێکی ئەمریکی بانگەشەی ئەوە دەکات، هەوڵ بۆ ژیانێکی هەمیشەیی دەدات و چەند رێکارێکی گرتووەتەبەر. بە گوتەی خۆی، توانیویەتی پیربوونی دوابخات.

سکرتێری گشتیی ناتۆ رایگەیاند، ناتۆ زۆر بە تووندی وەڵامی هەر هێرشێکی دوژمن بۆ سەر پۆڵەندا یان هەر ئەندامێکی دیکەی هاوپەیمانییەکەیان دەداتەوە جا هێرشکارەکە رووسیا یان هەر وڵاتێکی دیکە بێت.

فاتیمە و چەندین ژنی دیکە، لە کابووڵی پایتەختی ئەفغانستان پێشتر لەسەر فرۆشتنی قژیان دەژیان، بەڵام حوکمی تاڵیبان ئەو کارەی لێ قەدەخە کردوون.

بەگوێرەی میدیای ئەمریکا، لە سەرەتای مانگی رابردووەوە، لانیکەم 80 هێرشی جیاواز کراونەتە سەر بنکەکانی فرۆشتنی کۆمپانیای تێسلا لە ئەمریکا و کەنەدا، ئەمە جگە لە دەیان خۆپێشاندانی دیکە لەبەردەم بنکەکانی فرۆشتنی ئەو کۆمپانیایە.

رۆژی سێشەممە، 25ی ئاداری 2025، ئاژانسی جیۆلۆجیی ئەمریکا بڵاویکردەوە، کاژێر 2:43ی دوانیوەڕۆ بە کاتی نیوزلاند (کاژێر 4:43ی بەیانی بەکاتی هەولێر) بوومەلەرزەیەک لە قووڵایی 10 کیلۆمەتر لە دوورگەی ساوسی نیوزیلاندی دا.

وەزیری دەرەوەی ئیسرائیل پەیامێکی بڵاوکردەوە و تێیدا پیرۆزبایی جەژنی نەورۆز لە گەلی کورد دەکات و دەڵێت، "نەورۆزتان پیرۆز!"

گوتەبێژی کۆشکی سەرۆکایەتیی رووسیا دەڵێت، فەرمانی سەرۆکی وڵاتەکەیان بۆ راگرتنی هێرشەکانیان بۆ سەر کەرتی وزەی ئۆکراینا بەرکارە، ئەوە لە کاتێکدایە سوپای ئەو وڵاتە بەوە تۆمەتبار دەکرێت هێرشەکانی بۆ سەر کەرتی وزەی ئۆکراینا رانەگرتووە.

بەگوێرەی راپۆرتێک، فینلاندییەکان دڵخۆشترین گەلی جیهانن. لەنێو وڵاتانی رۆژهەڵاتی نێوەڕاستیشدا ئیسرائیلیەکان دڵخۆشترینن. عێراقیش لە پلەی 101ـەمینی جیهان دێت.

پۆلیسی فینلاند دەڵێت، پار سەرپێچی هاتووچۆ بەراورد بە 2019 نزیکەی 73٪ کەمیکردووە، بەو هۆیەوە ئەم ساڵ بەشێکی زۆری کامێراکانی تۆمارکردنی تیژڕۆیی ئۆتۆمبێلیان کوژاندوونەتەوە.

کیێڤی پایتەختی ئۆکراینایە. ئاگربەست، مژاری گەرمی نێو هاونیشتمانییەکانییەتی. هەموویان هیواخوازی راگەیاندنی ئاگربەستن، بەڵام راوبۆچوونی جیاوازیان لەوبارەیەوە هەیە.

مەحموود ئەکرەمی، گەنجێکی هیندییە و 400 زمان دەزانێت. ژمارەیەکی زۆر فێرخوازیشی هەن. ئەو لە تەمەنی چوار ساڵییەوە دەستی بە فێربوونی زمانەکان کردووە.

فڕۆکەخانەی نێودەوڵەتی حەلەب، دوای نزیکەی چوار مانگ لە داخرانی، رۆژی 18ـی مانگ کرایەوە و یەکەم گەشتی تێدا ئەنجامدرا.

گوتەبێژی وەزارەتی دەرەوەی ئەڵمانیا رایگەیاند، دەستگیرکردنی سەرۆکی گەورەشارەوانیی ئیستەنبووڵ پاشەکشەیەکی گەورەی دیموکراسییە لە تورکیا، ئەم پرۆسەیە بەشێکە لە گوشار بۆسەر ئەو بەرپرسە

میدیای ئیتاڵیا بڵاویکردەوە، بەلەمێکی کۆچبەران بە 56 سەرنشینەوە لە کەناراوەکانی وڵاتەکەیان ژێرئاو کەوتووە. بەرپرسێکی نەتەوە یەکگرتووەکان دەڵێت، ژمارەیەکیان گیانیان لەدەستداوە

نوێنەری کۆمەڵەی پەنابەرە گەڕاوەکانی کورد لە ئەورووپا بە رووداوی راگەیاند، بەلەمێکی کۆچبەران بە 25 سەرنشینەوە لە کەناراوەکانی قوبرس ژێرئاوکەوت. دەشڵێت، تاوەکو ئێستا تەنیا دوو کەس رزگارکراون.

بەپێی راگەیێندراوی بزووتنەوەی حەماس، عەسام دەعالیس، سەرۆکی حکومەتی غەززە لە بۆردوومانەکانی بەرەبەیانیی ئەمڕۆی ئیسرائیل بۆ سەر کەرتەکە کوژراوە.

حووسییەکانی یەمەن بڵاویانکردەوە، لە 48 کاژێری رابردوودا سێ جار هێرشیان کردووەتە سەر کەشتیی جەنگیی ئەمریکا لە دەریای سوور. بەرپرسێکی ئەمریکیش دەڵێت "ئەو گوتانە چەواشەکارین."

پشکنەری گشتیی ئەمریکا سەبارەت بە یەکخستنەوەی هێزەکانی پێشمەرگەی هەرێمی کوردستان دەڵێت، لە دوای ئەوەی نێچیرڤان بارزانی، سەرۆکی هەرێمی کوردستان، لە مانگی ئۆکتۆبەری رابردوو کارنامەی هێزەکانی پێشمەرگەی پەسند کرد، یەکخستنەوەی هێزەکانی پێشمەرگە هەنگاوی زۆر باشی بەخۆیەوە بینیووە.

هەفتەی داهاتوو فڕۆکەوانیی مەدەنیی سووریا فرۆکەخانەی حەلەب دەکاتەوە و گەشتە ئاسمانییەکان دەستپێدەکەنەوە.

خاوەن و بەڕێوەبەری جێبەجێکاری کۆمپانیای سپەیس ئێکس رایگەیاند، تاوەکو کۆتایی ساڵی داهاتوو رۆکێتی ستارشیپ دەنێرنە سەر مەریخ. دەشڵێت، تاوەکو ساڵانی 2029 بۆ 2031، لە رێگەی ئەو کەشتییەوە مرۆڤ دەنێرنە سەر هەسارەکە.

سێ ژن لە مەکسیکۆ سیتی چاتبۆتێکیان دروستکردووە. ئەوانەی لە وڵاتانی ئەمریکای لاتین لە رێگەی ئینتەرنێتەوە تووشی تووندوتیژی سێکسی بوونەتەوە، دەتوانن سوودی لێوەرگرن.

فەرماندە سەربازییەکانی سوپای رووسیا لە هەرێمی کورسک پێشوازییان لە سەرۆکی وڵاتەکەیان کرد. پووتین بە جلی سەربازییەوە دەرکەوت و هەڕەشەی لە ئۆکراینا کرد.

سەرۆکی پۆرتوگال رۆژی 18ی ئایاری ئەم ساڵی بۆ هەڵبژاردنی پێشوەختە دیاریکرد، ئەمە دوای ئەوەی سەرۆکوەزیرانی وڵاتەکە دەستی لە کار کێشایەوە.

حووسییەکانی یەمەن رایانگەیاند، ئەگەر تاوەکو رۆژی هەینی ئیسرائیل رێگە بە گەیاندنی هاوکارییە مرۆییەکان بۆ کەرتی غەززە نەدات، ئەوا هێرشەکانیان بۆسەر ئیسرائیل دەستپێدەکەنەوە

وەزیری پەروەردەی ئەمریکا رایگەیاند، 50%ی کارمەندانی وەزارەتەکەی لە کار لادەبرێن. ئەمەش لە کاتێکدایە کە گوشارەکانی ئیدارەی ترەمپ بۆ بچووککردنەوەی حکومەت بەردەوامن

وەزیری دەرەوەی فەرەنسا بڵاویکردەوە، پێشوازی لە رێککەوتنی نێوان هەسەدە و حکومەتی دیمەشق دەکەن و لە پاڵپشتیکردنی ئەو هێزە بەردەوام دەبن

بەرپرسێکی باڵای هێڵی شەمەندەفەری پاکستان رایگەیاند، لە هەرێمی بەلووچستان ژمارەیەک چەکدار هێرشیان کردووەتە سەر شەمەندەفەرێک. دەشڵێت، ئەو چەکدارانە دەستیان بەسەر شەمەندەفەرەکەدا گرتووە و 450 کەسیشیان بە بارمتە گرتووە

وەزارەتی بەرگریی رووسیا بڵاویکردەوە، شەوی رابردوو ئۆکراینا هێرشێکی چڕی بە درۆن کردووەتە سەر چەند ناوچەیەکی وڵاتەکەیان و، 91 لەو درۆنانەیان لە ئاسمانی مۆسکۆ خستنەخوارەوە.

وەزارەتی دەرەوەی ئەڵمانیا لەبارەی دۆخی سووریاوە رایگەیاند، پێویستە لایەنەکان کۆتایی بە تووندوتیژییەکان بێنن و حکومەتی راگوزەریش بەرپرسە لە رێگریکردن لەو هێرشانە.

بەرپرسانی فەرەنسا داوایان لە ناوەندەکانی لێکۆڵینەوەی وڵاتەکەیان کردووە پێشوازی لەو زانا و لێکۆڵینڤانانە بکەن کە بەهۆی سیاسەت و پلانەکانی سەرۆکی ئەمریکاوە ئەو وڵاتە جێدەهێڵن.

لە شاری چینگدوی هەرێمی شیچوانی چین، کەلوپەلی هاوردەکراو بە درۆن دەگوازرێتەوە بۆ کڕیارەکان. ئامانجی کارەکەش سوودوەرگرتنە لە کات و گەیاندنی خێرا.

ئاژانسی ئەورووپی بۆ کاروباری دەرەوەی سەر بە یەکێتیی ئەورووپا بڵاویکردەوە، یەکێتیی ئەورووپا "بە تووندی سەرکۆنەی هێرشی پاشماوەکانی ئەسەد بۆ سەر هێزەکانی حکومەتی سووریا دەکات" و داوای پاراستنی هاووڵاتییانی سڤیلیش دەکات.

پۆلیسی پاکستان بڵاویکردەوە، لە هەرێمی خیبەر پاختونخوا کەسێک تۆمەتبارکراوە بە کوشتنی ئەدمینی گرووپێکی واتسئەپ، ئەمە دوای ئەوەی کوژراوەکە بکوژەکەی لە گرووپەکە دەرکردبوو.

فەرماندەی ناوەندیی سوپای ئەمریکا (سێنتکۆم) بڵاویکردەوە، بە هاوکاری ئەوان هێزەکانی سووریای دیموکرات (هەسەدە) توانی سەرکردەیەکی داعش لە سنووری پارێزگای دێرەزووری سووریا دەستگیر بکات.

وەزارەتی دەرەوەی فەرەنسا بڵاویکردەوە، سەرکۆنەی ئەو تووندوتیژییانە دەکەن کە بوونەتە هۆی بە ئامانجگرتنی خەڵکی سڤیل. داواش دەکات، لێکۆڵینەوەیەکی سەربەخۆ بۆ ئاشکراکردنی هۆکاری ئەو رووداوانە بکرێت.

هێزی ئاسایش و سوپای نوێی سووریا لە پارێزگای ئیدلب لەگەڵ خەڵک خۆیان ئامادە دەکەن بۆ شەڕکردن دژی گرووپە چەکدارەکان بچنە لازقییە و دەورووبەری.

لێخۆشبوونی ئەمریکا بۆ هاوردەکردنی کارەبا و گازی سرووشتیی ئێران لەلایەن عێراقەوە کۆتایی هات. لێکۆڵینڤانێکی باڵای پەیمانگەی واشنتن لە راپۆرتێکدا دەڵێت، تەنانەت ئەگەر واشنتن لێخۆشبوونەکە درێژنەکاتەوە، ئەوا بەغدا دەتوانێت لەسەر پێیەکانی بوەستێت و واز لە گازی سرووشتی و کارەبای تاران بهێنێت.

سەرۆکی ئەمریکا رایگەیاند 20.6 ملیۆن کەس کە تەمەنیان لە نێوان 100 بۆ 360 ساڵیدایە هاوکاریی ئاسایشی کۆمەڵایەتی لە حکومەت. وەردەگرن.

بەرپرسێکی باڵای کۆشکی سپی رایگەیاند، ئیدارەی ئەمریکا هەموو هاوکارییە سەربازییەکانی بۆ ئۆکراینا راگرت و ئەوان، هەموو سەرنجێکیان لەسەر ئاشتییە.

وەزیری دەرەوەی ئیسرائیل دەڵێت، پەیوەندییەکی باشیان لەگەڵ دروزەکان هەیە. دەشڵێت، نابێت حکومەتی نوێی سووریا کە لەلایەن چەند "گرووپێکی جیهادییەوە" دروستکراوە تووندوتیژی بەرامبەر کەمینەکان بکەن.

رۆژی یەکشەممە، 2ی ئاداری 2025، تەندروستیی کەرتی غەززە بڵاویکردەوە، بەرەبەیانی ئەمڕۆ سوپای ئیسرائیل بۆردوومانی چەند ناوچەیەکی کەرتی غەززەی کرد و بەهۆی بۆردوومانەکانیشەوە چوار کەس کوژران.

قۆناخی یەکەمی ئاگربەستی حەماس و ئیسرائیل رۆژی شەممە کۆتاییهات و تاوەکو ئێستا هەردوولا بە هەوڵی نێوەندگیرەکانیشیانەوە نەیانتوانیوە لەبارەی قۆناخی دووەمەوە رێکبکەون. نەتەوە یەکگرتووەکانیش هۆشداری لە سەرهەڵدانەوەی جەنگ دەدات.

فەرماندەیی باکووری سوپای ئەمریکا (نۆرسکۆم) بڵاویکردەوە، دوو هەزار و 900 سەربازی دیکە دەنێرنە سنوورەکانی باشووریان لەگەڵ مەکسیک بۆ ئەوەی چاودێرییەکی باشتری ئەو ناوچانە بکەن و رێگە لە پەڕینەوەی کۆچبەران بگرن.

لەنێو کۆشکی سپی سەرۆکی ئەمریکا و جێگرەکەی لەگەڵ سەرۆکی ئۆکراینا گفتوگۆیەکی تووندیان کرد. دواتر، سەرۆکی ئۆکرانیا بەبێ ماڵئاوایی هاوتاکەی، کۆشکەکەی جێهێشت.

فەرماندەیی ناوەندی سوپای ئەمریکا (سێنتکۆم) بڵاویکردەوە، لە باکووری رۆژئاوای سووریا لە بۆردوومانێکدا سەرکردەیەکی باڵای حوراسەدینی خۆراسانیان کوشت.

سەرۆکوەزیران و وەزیری بەرگریی ئیسرائیل فەرمانیان بە سوپا کردووە "ئامادەکاری بۆ بەرگری" لە دروزەکان بکەن کە لەلایەن "رژێمەوە (سووریا) هێرشیان دەکرێتە سەر."

گوتەبێژی وەزارەتی دەرەوەی رووسیا رایگەیاند، سەردانی سەرۆکی ئۆکراینا بۆ واشنتن شکستێکی تەواوەتی کیێڤ بوو. دەشڵێت، زیلینسکی کەسێکی مەترسیدارە.

کۆمەڵەی پیشەسازی نەوتی کوردستان لە راگەیێندراوێکدا بۆ رووداو رایانگەیاند، پێویستە رێککەوتن لەبارەی شایستە داراییەکانیان پێش دەستکردنەوەی هەناردەی نەوت بکرێت. دەشڵێن، ئەمڕۆ دەست بە هەناردەکردنەوەی نەوت ناکەنەوە.

جێگری سەرۆکی کۆمپانیای ئێچ کەی ئێن بۆ کاروباری حکومەت و یاریدەدەری پێشوی وەزیری وزەی ئەمریکا رایگەیاند، رێککەوتنی سیاسی و بنەمای یاسایی بۆ دەستپێکردنەوەی هەناردە بە بۆریی نەوتی عێراق-تورکیادا هەیە، بەڵام ئەم کارە پێویستی بە رێککەوتنی بازرگانیشە. دەشڵێت، راگرتنی هەناردەی نەوت بە بۆرییەکەدا کاریگەری لەسەر هەموو عێراق هەبووە.

پارێزەر و ناوبژیوانێکی پەسندکراوی (CEDR) کە پسپۆڕە لە یاسای ئاوی نیشتمانی و نێودەوڵەتی و چارەسەرکردنی ناکۆکییەکان، لە کۆڕبەندی ساڵانەی هەولێر رایگەیاند، گۆڕانی کەشوهەوا، کێشەی گەورەی بۆ ئاو و ژینگەی عێراق دروستکردووە.

پڕۆفیسۆرێکی کاروباری ئاسایشی نەتەوەیی لە یەکێک لە پانێڵەکانی سێیەمین کۆڕبەندی هەولێرەوە رایگەیاند، ئێران و ئیسرائیل بە رێگەی جیاواز براوەی دوای هێرشەکەی 7ـی تشرینی یەکەمی 2023ـی حەماسن بۆ سەر ئیسرائیل.

جەنگیز چاندار، پەرلەمانتاری دەم پارتی رایگەیاند، پایەمە چاوەڕوانکراوەکەی رێبەری زیندانیکراوی پەکەکە کاریگەریی لەسەر ئەو دیو سنوورەکانی تورکیا دەبێت و وا دەکات گوشارەکانی تورکیا بۆ سەر هەسەدە کەمتر ببنەوە.

لیژنەی پاراستنی رۆژنامەڤانان رایگەیاند، ئەم ساڵ کوشتنی رۆژنامەڤانان لە جیهاندا بە خێرایی زیاد دەکات. دەشڵێت، داوا لە بەرپرسانی کوردستانی عێراق دەکەن مامەڵەیەکی باشتر لەگەڵ رۆژنامەڤانان بکەن. سەبارەت بە سووریاش داوا لە بەرپرسانی نوێی وڵاتەکە دەکەن، رێگە بە کارکردنی ئازادانەی رۆژنامەڤانان بدەن

بەرپرسانی تەندروستیی کەرتی غەززە رایانگەیاند، لە دوو هەفتەی رابردوودا پێنج منداڵ کە پێشوەختە لەدایکبوون، رەقبوونەتەوە. کەسوکاری منداڵەکان هۆکارەکەی بۆ نەبوونی سووتەمەنی و کارەبا لە نەخۆشخانەکاندا دەگەڕێننەوە و داوای هاوکاریی بەپەلە دەکەن

وەزیری دەرەوەی ئیسرائیل رایگەیاند، بەرپرسانی حکومەتی نوێی ئیسرائیل لە "گرووپێکی تیرۆرستییەوە" هاتوون و دەستیان بەسەر دیمەشق دا گرتووە. دەشڵێت، ئەوان تۆڵە لە عەلەوییەکان دەکەنەوە و زیان بە کورد دەگەیێنن.

بەگوێرەی ئەنجامە بەراییەکانی هەڵبژاردنی پەرلەمانی ئەڵمانیا کە 12 کورد تێیدا بەربژێر بوون، حەوتیان دەنگی پێویستیان بۆ بوون بە ئەندامی پەرلەمان بەدەستهێناوە.

بەپێی ئەنجامە بەراییەکان، هاوپەیمانیی کریستیان دیموکراتەکان و سۆشیاڵ کریستیانەکان (CDU/CSU) بە رێژەی 28.5% دەنگی یەکەم و پارتی AfD دژە کۆچبەر بە رێژەی 20% پلەی دووەمی بەدەستهێناوە.

داواکارێکی گشتیی لە فەرەنسا رایگەیاند، لە رۆژهەڵاتی فەرەنسا کەسێکی تەمەن 37 ساڵ بە چەقۆ هێرشیکردە سەر ژمارەیەک هاووڵاتی. دەشڵێت، لەو هێرشەدا کەسێک کوژرا و پێنج پۆلیسیش بریندار بوون.

لە شاری مەیامیی ویلایەتی فلۆریدا دۆناڵد ترەمپ رەخنەیەکی تووندی لە سەرکردەکانی پێشووی وڵاتەکەی و خەرجییە سەربازییە زۆرەکانیان گرت.

پۆلیسی چیک بڵاویکردەوە، کوڕێک لە رۆژهەڵاتی پراگی پایتەخت بە چەقۆ دوو کەسی کوشتووە.

.

گوتەبێژی سکرتێری گشتیی نەتەوە یەکگرتووەکان رایگەیاند، ئیسرائیل سێ قوتابخانە و ناوەندی فێرکردنی ژێر کۆنترۆڵی ئاژانسی نەتەوە یەکگرتووەکان بۆ کاروباری ئاوارە فەڵەستینیەکانی (ئونروا) داخست و سکرتێری گشتیش ئەو کارە "بە تووندی" سەرکۆنە دەکات.

لە لێکۆڵینەوەکاندا برافمان گوتوویەتی "دوو هاووڵاتیی فەلەستینیم بینیوە و هەردووکیانم کوشتووە"، بەڵام دواتر دەرکەوت تەقەلێکراوەکان جوون و خەڵکی ئیسرائیلن، نەشکوژراون بەڵکو بریندار بوون.

لە پەراوێزی کۆنفرانسی ئاسایشی میونشندا سەرۆکی هەرێمی کوردستان و وەزیری دەوڵەت لە وەزارەتی دەرەوەی ئەڵمانیا کۆبوونەوە. دوای کۆبوونەوەکە وەزیرە ئەڵمانیەکە بە رووداوی راگەیاند، بەردەوام دەبن لە پشتگیریکردنی کورد و گرنگیشە هەموو پێکهاتەکانی سووریا بەشداری لە کۆنفرانسی دیالۆگی نیشتمانیدا بکەن.

وەزیری دەرەوەی عێراق رایگەیاند، لەگەڵ هەرێمی کوردستان کار لەسەر چارەکردنی کێشە تەکنیکییەکان دەکەن بۆ ئەوەی نەوتی هەرێمی کوردستان هەناردە بکەنەوە. دەشڵێت، وەستانی هەناردەکردنی نەوتەکە 19 ملیار دۆلار لەسەر عێراق کەوتووە.

گوتەبێژی هێزەکانی سووریای دیموکرات رایگەیاند، داعش پلانێکی بۆ هێرشکردنە سەر گرتووخانەیەکی حەسەکە دانابوو، بەڵام توانیان هەڵیوەشێننەوە.

وەزارەتی دەرەوەی رووسیا بڵاویکردەوە، وەزیری دەرەوەی وڵاتەکەیان بە تەلەفۆن قسەی لەگەڵ وەزیری دەرەوەی ئەمریکا کرد و هەردوولا هاوڕا بوون لەسەر کاری هاوبەش لەبارەی ئۆکراینا و رۆژهەڵاتی نێوەڕاست.

پۆلیسی نەمسا بڵاویکردەوە، لە باشووری وڵاتەکەیان کەسێک بە چەقۆ هێرشیکردە سەر ژمارەیەک هاووڵاتی. دەشڵێت، کەسێک کوژراوە و پەناخوازێکی سووریشیان بە تۆمەتی هێرشەکە دەستگیرکرد.

بڵاویکردەوە، لە کۆنفرانسی ئاسایشی میونشن سەرۆکی بولگاریا و سەرۆکی هەرێمی کوردستان کۆبوونەوە و هەردوولا جەختیان لە بەهێزکردنی پەیوەندییە بازرگانییەکانی نێوانیان کردەوە. بە گوێرەی نووسینگەکە،

بەگوێرەی راگەیێندراوێکی سەرۆکایەتیی هەرێمی کوردستان، لە کۆبوونەوەکەدا پەیوەندییه‌کانی عێراق و هەرێمی کوردستان له‌گه‌ڵ ئەرمینیا تاوتوێ کران، "هەروەها باسيان له‌ چۆنيه‌تيى بەهێزکردنی هاوکاری لە بواری ئابووری، کولتووری، كار و بازرگانیدا كرد و لەبارەی گه‌شتى ئاسمانيى راسته‌وخۆى هه‌ولێر ـ يه‌ريڤان، بيروڕايان گۆڕييه‌وه‌."

لایەنگرانی حیزبوڵڵا لە شەقامی سەرەکیی فڕۆکەخانەی رەفیق حەریری لە بەیرووتی پایتەختی لوبنان خۆپێشاندان دژی حکومەتی وڵاتەکەیان دەکەن کە رێگری لە نیشتنەوەی دوو فڕۆکەی ئێرانی کرد.

لە پاریس میوانداری لە کۆنفرانسێکی تایبەت بە سووریا کرا و سەرکردەکانی 20 وڵاتی جیهان، یەکێتیی ئەورووپا، کۆمکاری عەرەبی، ئەنجوومەنی هاریکاری کەنداو و نێردەی تایبەتی نەتەوە یەکگرتووەکان بۆ کاروباری سووریا، لە کۆنفرانسەکە ئامادە بوون. تێیدا باس لە ئاڵنگارییەکانی بەردەم سووریای نوێ کرا.

بە بەشداریی 20 وڵات و ژمارەیەک رێکخراوی نێودەوڵەتی، کۆنفرانسی پاریس تایبەت بە سووریا بەڕێوەچوو. سەرۆکی فەرەنسا پاراستنی ئاسایشی سووریای بە گەورەترین ئاڵنگاری لە سووریا دانا و ستایشی کوردی رۆژئاوای کوردستانی کرد. لە راگەیێندراوی کۆنفرانسەکەدا هاتووە، پێویستە هەموو لایەنەکان بەشداری کۆنفرانسی دیالۆگی نیشتمانی سووریا بکەن و دەبێت بەزووترین کاتیش وادەیەک بۆ هەڵبژاردن و پێکهێنانی حکومەتێک دیاریبکرێت.

لە ئەڵمانیا شۆفێرێک بە ئۆتۆمبێلەکەیەوە خۆی بەنێو خەڵکدا کرد، پەیامنێری رووداو لە شوێنی رووداوەکەوە دەڵێ، "20 کەس لە رووداوەکەدا بریندار بوون."

وەزیری خوێندنی باڵا و گەشەپێدانی ماڵدیڤ رایگەیاند، وڵاتەکەی یەکێکە لەو وڵاتانەی زۆرترین کاریگەری گۆڕانی کەشوهەوای لەسەرە، بە جۆرێک مەترسی سڕینەوەی لەسەر زەوی هەیە. دەشڵێت، بەرزبوونەوەی ئاستی ئاوی دەریا مەترسی زۆری بۆ دانیشتووانی وڵاتەکەی دروستکردووە، بەڵام دەستەوەستان نەبوون لە رووبەڕووبوونەوەی مەترسییەکان.

سەرۆکی پارتی ئازادیی نەمسا کە پارتێکی راستڕۆی تووندڕۆیە رایگەیاند، شکستیانهێنا لە پێکهێنانی هاوپەیمانیێک بۆ پێکهێنانی حکومەتی نوێی وڵاتەکەیان. ئەمە دوای ئەوەی لە دوایین هەڵبژاردندا زۆرینەی دەنگەکانی پەرلەمانی وڵاتەکەیان بەدەستهێنابوو.

جێگری سەرۆکوەزیرانی فیجی بە رووداوی رایگەیاند، ژیریی دەستکرد چەندین سوودی هەیە، دیارترین سوودەکانی لە وارەکانی پەروەردە و پزیشکیدان. دەشڵێت، هەوڵی خۆگونجاندن لەگەڵ ژیریی دەستکرد دەدەن.

وەزیری پەروەردەی سوێد رایگەیاند، چەند رێکارێک بۆ بەهێزکردنی ئاسایشی قوتابخانەکانی وڵاتەکەیان دەگرنەبەر، دیارترینیان پشکنینی جانتای قوتابییانە. ئەمە دوای ئەوە دێت کە سەرەتای ئەم مانگە کەسێک لە یەکێک لە قوتابخانەکانی ئەو وڵاتە تەقەی کرد و 11 کەسی کوشت.

بەرپرسی رۆژهەڵاتی نێوەڕاستی سندووقی نێودەوڵەتیی دراو بە رووداوی راگەیاند، پەیوەندییەکی چالاکیان لەگەڵ عێراقدا هەیە و لە چەندین رووەوە هاوکارییان دەکەن. دەشڵێت، ئامانجیانە هاوکاریی ئەو وڵاتانە بکەن کە "لەرزۆکن و لە ئاڵۆزیدان".

کۆشکی سەرۆکایەتی رووسیا (کریملین) بڵاویکردەوە، سەرۆکی رووسیا و سەرۆکی دەسەڵاتی سووریا بە تەلەفۆن قسەیان کرد. دەشڵێت، سەرۆکی وڵاتەکەیان "پاڵپشتیی مۆسکۆی بۆ یەکگرتوویی خاکی سووریا دووپاتکردەوە."

وڵاتانی یەکێتیی ئەورووپا و ئەمریکا، کە پەیوەندیی پتەویان هەبووە و چەندین هێڵی هاوبەشیان هەیە، وردە وردە ئەو پەیوەندییانە بەرەو گرژیی زیاتر دەچن. ئەمەش دوای ئەوەی ترەمپ زیادکردنی گومرگی بەسەر هاوردەی پۆڵا و ئەلەمنیۆمدا سەپاند، کە بەشێکی لە وڵاتانی یەکێتییەکەوە دەگەیشتە ئەمریکا. سەرکردەکانی یەکێتیی ئەورووپا هەڕەشەی وەڵامدانەوەیەکی "تووندی" واشنتن دەکەن

سەرۆکوەزیرانی ئیسرائیل رایگەیاند، ئەگەر تاوەکو نیوەڕۆی رۆژی شەممە حەماس "هەموو بارمتەکان" ئازاد نەکات، ئەوا جەنگ دەستپێدەکاتەوە. دەشڵێت، ئەوکات "هەموو دەرگاکانی دۆزەخیان" بەڕوودا دەکەنەوە

باڵیۆزی دەستنیشانکراوی ئەمریکا بۆ ئیسرائیل رایگەیاند، مانەوەی حەماس مەترسی دەبێت بۆ سەر ئیسرائیل و ئەو گرووپە دەیەوێت وڵاتەکە خاپوور بکات. دەشڵێت، پێویستە هەمووان هاوڕای سەرۆکی ئەمریکا بن بۆ لەنێوبردنی گرووپەکە.

ژمارەیەک وڵاتی عەرەبی سەرکۆنەی پێشنیازێکی سەرۆکوەزیرانی ئیسرائیل دەکەن کە گوتبووی، ئەگەر سعودیە ناڕازییە لە راگواستنی دانیشتووانی کەرتی غەززە بۆ ئوردن و میسر، ئەوا خۆی خاکێکی فراوانی هەیە و دەتوانێت لەسەر خاکەکەی وڵاتێکیان بۆ دروست بکات. ئەمە دوای ئەوە هات کە پێشتر سەرۆکی ئەمریکا پێشنیازی گواستنەوەی دانیشتووانی غەززەی کردبوو.

سەرۆکی ئەمریکا رایگەیاند، دەیەوێت سەبارەت بە بەرنامەی ئەتۆمیی ئێران لەگەڵ بەرپرسانی ئەو وڵاتە رێکبکەوێت، بۆ ئەوەی رێگری لە ئیسرائیل بکات نێوەندە ئەتۆمییەکانی ئەو وڵاتە بۆردوومان بکات.

سوپای لوبنان بڵاویکردەوە، وەڵامی دەستڕێژیی گوللەیان دایەوە، کە لە سنووری سووریاوە ئاراستەی وڵاتەکەیان کرا و، بووە هۆی بریندارکردنی 8 کەس.

ئەندامێکی مەکتەبی سیاسیی حەماس رایگەیاند، نایانەوێت بگەڕێنەوە بۆ جەنگ لەگەڵ ئیسرائیل. دەشڵێت، پێویستە وڵاتانی عەرەبی پەیوەندییەکانیان لەگەڵ تەلئەڤیڤ ئاسایی نەکەنەوە.