فڕۆکەیەکی سوپای ئێران کەوتە خوارەوە و دوو کەس گیانیان لەدەست دا

 

ئێوارەی چوارشەممە 04-12-2024 وەحید شەعبانی، بەڕێوەبەری گشتیی فەرمانگەی ئاسایشی پارێزگای فارس رایگەیاند، فڕۆکەکە کە فڕۆکەی مەشق و راهێنانی سوپا بووە، کاژێر 14:00ـی دوانیوەڕۆ لە ناوچەی فیرۆزئاباد کەوتەوە خوارەوە.

 

شەعبانی گوتی "لەو رووداوەدا، فڕۆکەوانەکە و یاریدەدەرەکەی گیانیان لەدەستداوە." 

 

شەعبانی ئاماژەی بەوەشکرد، لێکۆڵێنەوە لە رووداوەکە دەستیپێکردووە و وردەکاریی زیاتر دوای کۆتاییهاتنی لێکوڵێنەوەکان رادەگەیێندرێن.