ئاگرێکی گەورە لە تاران کەوتەوە

 

رۆژی هەینی 06-02-2026 جەلال مالیکی، گوتەبێژی ئاگرکوژێنەوەی تاران رایگەیاند: "ئەمشەو دەوروبەری کاژێر 7:00 ئاگرێک لە کارگەیەکی دارتاشی لە شەقامی قودس کەوتەوە."

 

گوتەبێژەکە دەڵێ، ئاگرەکە لە بەشی فڕێدانی پاشماوەی کارگەکە کەوتووەتەوە و هیچ زیانێکی گیانی نەبووە و بەرگریی شارستانیش چووەتە شوێنەکە و ئاگرەکە کۆنترۆڵکراوە.

 

لە تۆڕی کۆمەڵایەتیی ئێکس وێنەی ئاگرەکە بڵاوکراوەتەوە.

 

وەک لە وێنە بڵاوکراوەکان دەردەکەوێ، دووکەڵێکی زۆر لە ناوچەیەکی قەرەباڵخ و جەنجاڵی تاران بەرز دەبێتەوە.