ریكۆردێكی نوێ؛ ئەمریکا لە جەنگی ئێران دا زیاتر لە جەنگی 2003ی عێراق مووشەکی تۆماهۆکی بەکارهێناوە
رووداو دیجیتاڵ
ویلایەتە یەکگرتووەکانی ئەمریکا لە ئۆپەراسیۆنی (تووڕەیی داستانئاسا)دا بەرامبەر ئێران، ژمارەیەکی پێوانەیی نوێی لە هاوێشتنی مووشەکی کروزی جۆری تۆماهۆک تۆمارکرد.
بەگوێرەی ئامارەکانی ناوەندی لێکۆڵینەوەی ستراتیژی و نێودەوڵەتی (CSIS) کە پشت بە داتاکانی وەزارەتی بەرگریی ئەمریکا و توێژینەوەکانی کۆنگرێس دەبەستێت، لەم ئۆپەراسیۆنەی ئێستادا تاوەکو ئێستا 850 مووشەکی تۆماهۆکی مەودادوور ئاراستەی ئێران کراون.
ئەم ژمارەیە تێپەڕاندنی ئەو 802 مووشەکەیە کە لە ساڵی 2003 و لە سەرەتای عێراقدا بەکارهێنرابوون.
ئەم ئامارەی بڵاوکراوەتەوە، ئۆپەراسیۆنە سەربازییە گەورەکانی ئەمریکا لە ساڵی 1991ەوە تاوەکو ئێستا روون دەکاتەوە. دوای ئۆپەراسیۆنی ئێران و جەنگی 2003ی عێراق، پلەکانی دیکە بەم شێوەیەن:
شەڕی عێراق (1998): 325 مووشەک.
گەردەلوولی بیابان (1991 - کەنداو): 288 مووشەک.
جەنگی یوگسلاڤیا (1999): 2018 مووشەک.
هێرشی سەر لیبیا (2011): 199 مووشەک.
هێرشی سەر یەمەن (2024-2025): 135 مووشەک.
مووشەکی تۆماهۆک، مووشەکێکی کروزی وردی نزمفڕە، کە هێزی دەریایی و وشکانیی ئەمریکا بۆ چەندین دەیەیە بۆ پێکانی ئامانجە ستراتیژییە قایمکراوەکان لە مەودایەکی زۆر دوورەوە پشتی پێ دەبەستن.
بەکارهێنانی ئەم مووشەکە بەم قەبارە گەورەیە لە ئێران، ئاماژەیە بۆ جەنگێکی زۆر چڕ و بەردەوام.
ناوەندی CSIS ئاماژەی بەوەش کردووە، بڕیارە ئەم ساڵ 190 مووشەکی دیکەی تۆماهۆک رادەستی سوپا و هێزی مارێنزی ئەمریکا بکرێن، ئەمەش نیشانەی ئەوەیە کە رەنگە هێرشەکان بەم شێوەیە بەردەوام بن.