سێ رۆژ لە تاران کرایە پشوو

 

 

محەممەد سادق موعتەمیدیان، پارێزگاری تاران رایگەیاند، "لە رۆژی یەکشەممە تاوەکو چوارشەممە لە سەرجەم فەرمانگەکانی حکومەت، دامەزراوە پەروەردەییەکان، قوتابخانە و زانکۆکانی پارێزگاکە پشووە."

 

پارێزگاری تاران گوتی، "ئەم پشووە بانکەکان، دامەزراوە خزمەتگوزارییەکان و نەخۆشخانەکان ناگرێتەوە."

 

هاوکات سەرجەم زانکۆکان بەڕیوەچوونی تاقیکردنەوەکانیان دوو هەفتە دواخست.

 

بەرەبەیانیی رۆژی هەینی 13-06-2025 ئیسرائیل هێرشە ئاسمانییەکانی بۆسەر ئێران دەستپێکرد و کەمتر لە 20 کاژێر دوای ئەوە، ئێرانیش لە رێگەی مووشەکەوە دەستی بە وەڵامدانەوەی ئیسرائیل کرد.

 

شەوی رابردووش هێرشی هەردوولا بۆسەر یەکدی گەورەتر و کاریگەرتر بوو لە هێرشی شەوی پێشتر.