سوپای پاسداران: سێ ئەندامی تۆڕی تیرۆریستیی شاهانە دەستبەسەر کران

 

ئەمڕۆ سێشەممە 17ی شوباتی 2026، پەیوەندییە گشتییەکانی قەرارگەی حەیدەری کەراری سوپای پاسداران، لقی سوپای پاسداران لە شاری پەرەندی سەر بە پارێزگای تاران راگەیێندروێکی بڵاوکردەوە و تێیدا رایگەیاند، "دوای گرتنەبەری رێوشوێنە تەکنیکی و هەواڵگرییەکانی ئیتڵاعاتی سوپای پاسداران، سێ ئەندامی سەر بە بزووتنەوەی تیرۆریستیی شاهانە لە چەند ئۆپەراسیۆنێکی جیاواز و یەک لە دوای یەکدا دەستبەسەر کران."

 

بەگوێرەی سوپای پاسداران، دەستبەسەرکراون لە ژنێک و دوو پیاو پێکهاتوون، بەڵام بە جیا دەستبەسەرکراون. 

 

لە راگەیێندراوەکەدا هاتووە، یەكێک لە دەستگیرکراوەکان جگە لە پێشێلکردنی نۆرمەکان، پێشتر لەسەر سووکایەتیکردن بە ئایین و شوێنە پیرۆزەکان دۆسیەی بۆ کراوەتەوە.

 

لقی سوپای پاسداران لە شاری پەرەند هەروەها دەڵێت، لە هەوڵەکانیان بۆ دەستنیشانکردن و دەستبەسەرکردنی ئەندامانی تۆڕەکە بەردەوام دەبن.