چەند ناوچەیەکی تاران بۆردوومان کران

 

 

بەرەبەیانی ئەمڕۆ هەینی 20-03-2026، هێرشێکی چڕ کرایە سەر چەند ئامانجێک لە ناوچەکانی رۆژهەڵات و باشووری تاران، تێهران پارس، پارچین و ئەزگەلی شارەکە.

 

بەگوێرەی میدیاکان لەگەڵ بیستنی دەنگی چەند تەقینەوەیکی بەهێز، سیستمی بەرگریی ئاسمانی لە تێهرانپارس، ئەزگەل، شەهری رەی و چەندین ناوچەی دیکەی تاران کارا کراوە.

 

هاوکات زۆنی 17ـی رۆژئاوای تاران بۆردوومان کراوە کە چەندین بنکەی سەربازی و ناوچەی پیشەسازی لێیە.

 

لە ئەمیرئابادی باکووری، یووسفئاباد و ناوەندی تارانیش دەنگی تەقینەوەی بەهێز بیستراوە. 

 

تاوەکو ئێستا قەبارەی زیانەکانی هێرشەکەی بەرەبەیانی ئەمڕۆ بۆ سەر تاران و دەوروبەری دیار نییە، بەڵام لە دیمەنەکاندا دەنگی تەقینەوەکان و سیستمی بەرگریی ئاسمانی دەبیسترێن.