رێکخراوی فڕۆکەوانیی ئێران: فڕۆکەخانەی مێهرئاباد کرایەوە

 

 

ئەمڕۆ دووشەممە 20ی نیسانی 2026، رێکخراوی فڕۆکەوانیی ئێران رایگەیاند، "لە ئەمڕۆوە مۆڵەت بە گەشتەکان لە فڕۆکەخانەی مێهرئاباد دراوە."

 

بەپێی رێکخراوی فڕۆکەوانی ئێران، مۆڵەتی دەستپێکردنەوەی گەشتەکان لە فڕۆکەخانەکانی، ورمێ، کرماشان، ئابادان، شیراز، کرمان، رەشت، یەزد، زاهیدان، گورگان و بیرجەند رۆژی  شەممەی داهاتوو واتە 25ی مانگ دەبێت.

 

رۆژی شەممە 18ی نیسانی 2026، رێکخراوی فڕۆکەوانیی سڤیلی ئێران رایگەیاند، دوای رەزامەندیی لیژنەی هاوئاهەنگیی سەربازی و سڤیل و رێکخراوی فڕۆکەوانی، پێداچوونەوە بە ئاسایش و سەلامەتی لە بارودۆخی ئێستای وڵات، ئاسمانی نیوەی رۆژهەڵاتی وڵات بە رووی گەشتە نێودەوڵەتییەکانی ترانزێت و هەروەها گەشتە ناوخۆیی و نێودەوڵەتییەکان لە رۆژهەڵاتی وڵات کرایەوە."

 

میدیاکانی ئێران بڵاویانکردەوە ئەو فڕۆکەخانانەی کە کراونەتەوە بریتین لە، فڕۆکەخانەکانی مێهرئاباد، ئیمام خومەینی، مەشهەد، بیرجەند، گورگان و زاهیدان کراونەتەوە.

 

رۆژی 28ی شوبات بەهۆی جەنگی نێوان ئیسرائیل- ئەمریکا و ئێران، ئاسمانی ئێران بە رووی هاتووچۆی فڕۆکەکان داخرا.