هەڵاوسان لە ئێران گەیشتە 52.6٪

 

 

ناوەندی ئاماری ئێران راپۆرتێکی نوێی لەبارەی هەڵاوسان لە سەرانسەری ئەو وڵاتە بڵاوکردەوە و دەڵێت، تێکڕای رێژەی هەڵاوسانی ساڵانە لەو وڵاتە 52.6٪ـە.

 

بەپێی راپۆرتەکە، هەڵاوسان لە 23 پارێزگای ئێران سەروو 52.6٪ـە و پێنج پارێزگای ورمێ، سنە، کرماشان، لوڕستان و ئیلامی رۆژهەڵاتی کوردستانیش لەنێو ئەو پارێزگایانەدان. 

 

راپۆرتەکە دەڵێت، رێژەی هەڵاوسانی ساڵانە لە 8 پارێزگای ئێران کەمترە لە تێکڕای رێژەی هەڵاوسان لەو وڵاتە کە بریتین لە پارێزگاکانی تاران، بوشێهر، ئیسفەهان،خۆراسانی رۆژئاوا، قوم، کرمان، گیلان و هەمەدان.

 

ناوەندی ئاماری ئێران ئاماژە بەوە دەکات، لە تەواوی ئێران زیاترین بەرزبوونەوەی هەڵاوسان لە مادە خۆراکییەکان و بە رێژەی 84٪ بووە؛ هەروەها لە مادە ناخۆراکییەکان و خزمەتگوزارییەکانیش هەڵاوسان 52.5٪بووە.

 

 

-ورمێ 56.6٪

-ئیلام 58.1٪

-سنە 61.6٪

-کرماشان 58.3٪

-لۆڕستان 58.9٪

 

 

 

-ورمێ 75.2٪

-ئیلام 65.4٪

-سنە 75.9٪

-کرماشان 71.6٪

-لوڕستان 72.2٪

 

 

-ورمێ 49.2٪

-ئیلام 52.5٪

-سنە 51.6٪

-کرماشان 48.5٪

-لوڕستان 49.2٪

 

هەڵاوسان نیشانەیەکی گرنگی دۆخی ئابووریی وڵاتە. شارەزایانی ئابووریی ئێران دەڵێن، دابەزینی بەردەوامی بەهای تمەن، بەرزبوونەوەی نرخ لە بواری وەبەرهێنان، خانووبەرە و ئۆتۆمبێل، نیشانی دەدات حکومەت لە بواری ئابووریدا سەرکەوتوو نەبووە.