دوو منداڵ لە بەغدا لەلایەن دایک و باوکیانەوە برسی دەکرێن و لە سەربانى ماڵەکەیان جێدەهێڵرێن

 

بەگوێرەى راگەیێندراوێکى وەزارەتى ناوخۆى عێراق، رزگارکردنى ئەو دوو منداڵە لە دواى ئەوە بووە، کە پۆلیسى کۆمەڵایەتى ئاگاداکراوەتەوە لەوەی؛ دوو منداڵ لەلایەن دایک و باوکیانەوە تووندوتیژییان بەرامبەر دەکرێت. 

 

ئەو منداڵانە لەلایەن دایک و باوکیانەوە رووبەڕووى برسیکردن و پشتگوێخستن بوونەتەوە، لە سەربانى ماڵەکەیان دانراون. تیمێکى ژنانى پۆلیسی کۆمەڵایەتى، چوونەتە ماڵەکەیان و رزگاریان کردوون. 

 

وەزارەتى ناوخۆى عێراق رایگەیاند ئەو دوو منداڵە رادەستى بەڕێوەبەرایەتیی پاراستنى خێزان و منداڵ کران و رێوشوێنى یاسایی بەرامبەر دایک و باوکیان گیراوەتەبەر.

 

بەگوێرەى یاساى سزادانى عێراقى، سزاى توندووتیژى دژى منداڵ لە عێراق دەگاتە پێنج ساڵ بەندکردن.