دادی عێراق: سیتسمی کردنەوەی دۆسیەکان لە پێنج پارێزگا دەکەینە ئەلیکترۆنی

 

موراد ساعیدی، بەڕێوەبەری راگەیاندنی وەزارەتی دادی عێراق، رۆژی چوارشەممە، 3-12-2025، بە تۆڕی میدیایی رووداوی راگەیاند، سیستمی کردنەوەی دۆسیەی ئەلیکترۆنی ئێستا لە سەرجەم بەڕێوەبەرایەتییەکانیان لە بەغدا کارا و بەردەستە. هاووڵاتیان دەتوانن لە رێگەی دەروازەی ئەلیکترۆنیی ئورەوە بچنەن نێو ئەو بەستەرە، لە ماڵەوە لەسەر کۆمپیوتەر یان مۆبایلەکانیان فۆڕمەکان پڕبکەنەوە بۆ راییکردنی مامەڵەکانیان. 

 

ساعیدی گوتی: "دوای سەرکەوتنی پرۆسەکە لە بەغدا، ئامادەکاریی کراوە بۆ ئەوەی هەمان سیستم لە پێنج پارێزگای نوێ کارابکرێن کە بریتین لە کەرکووک، نەینەوا، بەسڕە، زیقار، نەجەف، سەرەتا لە ناوەندی ئەو پارێزگایانە ئەو سسیتمە کارا دەبێت."

 

بەگوتەی موارد ساعدی، وەزارەتەکە پلانی هەیە ئەو سسیستمە لە تەواوی عێراق جێبەجێ بکات.  ئەم هەنگاوە مەبەستی پەرەپێدانی خزمەتگوزارییەکانی دادوەریی و بەهێزکردنی وەرچەرخانی دیجیتاڵی.

 

بەڕێوەبەری راگەیاندنی وەزارەتی داد روونیشیکردەوە، پڕۆژەکە هەنگاوێکی گرنگە بۆ ئاسانکردنی رێکارەکان و خێراکردنی تەواوکردنی مامەڵەی هاووڵاتییان، ئەوەش لە رێگەی کەمکردنەوەی رۆتین و بارگرانیی کارگێڕی و کەمکردنەوەی هەڵەی کاخەزی، هەروەها زیادکردنی شەفافییەتە، هاوکات بەرزکردنەوەی کارایی ئەرشیفی ئەلکترۆنی و دەستەبەرکردنی پاراستنی داتاکانە بەشێوەیەکی رێکخراو.