چوارچێوەی هاوئاهەنگیی شیعەکان کۆدەبێتەوە و ئەنجامی سەردانەکەی عەلی زەیدی، بەربژێری راسپێردراو بۆ پێکهێنانی کابینەی نوێی حکومەتی عێراق بۆ هەرێمی کوردستان تاوتوێ دەکات.

ئەندامێکی مەکتەبی سیاسیی سادیقوون پێشبینی دەکات، تاوەکو 15 رۆژی دیکە کابینەی نوێی حکومەتی عێراق پێکبێت. پەرلەمانتارێکی پارتی دیموکراتی کوردستانیش دەڵێ، عەلی فالح زەیدی هەفتەی داهاتوو کابینە وەزارییەکەی پێشکێشی پەرلەمانی عێراق دەکات بۆ ئەوەی دەنگی لەسەر بدرێ.

ئەندامێکی لیژنەی دارایی لە پەرلەمانی عێراق رایدەگەیێنێت، حکومەتی فیدراڵی تاوەکو مانگی تەممووزی ئەمساڵ کاتی لەبەردەمدایە بۆ رەوانەکردنی پڕۆژەیاسای بودجە بۆ پەرلەمان. دەشڵێت: "تاوەکو یاسای بودجە پەسند دەکرێت، خەرجکردنی مووچەی فەرمانبەرانی هەرێمی کوردستان بە میکانیزمی ئێستا بەردەوام دەبێت."

دەستەی دەروازە سنوورییەکانی عێراق رایگەیاند، یەکەمین کاروانی چیمەنتۆی عێراقی، لە رێگەی دەروازەی سنووریی وەلیدەوە رەوانەی سووریا کرا.

وەزارەتی گواستنەوەی عێراق رایدەگەیێنێت، بۆ وەرزی حەجی ئەم ساڵ 100 گەشتی ئاسمانی لە رێگەی فڕۆکەخانەکانی عێراق و هەرێمی کوردستانەوە دەکرێن. گوتەبێژی وەزارەتەکەش دەڵێت، گواستنەوەی حاجیان تاوەکو 17ی ئەم مانگە بەردەوام دەبێت

وەزارەتی ئاوەدانکردنەوە و نیشتەجێکردنی عێراق رایدەگەیێنێت، کارەکانی پڕۆژەی ئاوی ناوەندیی گوڵاڵە لە پارێزگای دیالە بە خێرایی بەڕێوەدەچن و رێژەی جێبەجێکردنی گەیشتووەتە 30%؛ پڕۆژەکەش ئاوی خواردنەوە بۆ 250 هەزار کەس دابین دەکات.

لە پارێزگای ئەنباری رۆژئاوای عێراق، ئۆتۆمبیڵێک کەوتە نێو ئاو و لە ئەنجامدا دوو برا خنکان.

عەلی فالح زەیدی، بەربژێری راسپێردراو بۆ پێکهێنانی کابینەی نوێی حکومەتی عێراق لەگەڵ سەرۆک مەسعود بارزانی کۆبووەوە و "دووپات لە گرنگیی یەکخستنی تێڕوانین و هەڵوێستەکان و کارکردن بۆ پێکهێنانی حکومەتێکی بەهێز کرایەوە".

پێشنیوەڕۆی ئەمڕۆ شەممە، عەلی زەیدی، بەربژێری راسپێردراو بۆ پێکهێنانی کابینەی نوێی حکومەتی عێراق گەیشتە هەرێمی کوردستان و مەسرور بارزانی، سەرۆکوەزیرانی هەرێمی کوردستان لە فڕۆکەخانەی نێودەوڵەتیی هەولێر پێشوازی لێکرد.

حکومەتی عێراق، بڕیاری خەرجکردنی 100 ملیار دیناری شایستەی جووتیارانی عێراقی داوەو تاوەکو ئێستا هەرێمی کوردستانی لێ ئاگادار نەکردووەتەوە

#SUMMARY#