موقتەدا سەدر بەهۆی جەنگەوە ئەرکی گروپى چەکدارى سەرایا سەلام سنووردار دەکات

 

 

ئەو پەیامە 8ی ئاداری 2026 لەلایەن ساڵح محەممەد عێراقی بڵاوکرایەوە کە بە "وەزیری موقتەدا سەدر" ناسراوە.

 

لە پەیامەکەدا کە لەسەر زاری موقتەدا سەدرەوەیە، فەرمان بە گرووپی "سەرایا سەلام" دەدات تاوەکو کاتێکی نادیار تەنیا ئەرکی مرۆیی جێبەجێ بکەن، "بەتایبەت لەگەڵ زیادبوونی هێرشەکان لە دەرەوە و ناوەوە".

 

موقتەدا سەدر ئەو بڕیارەی گەڕاندووەتەوە بۆ "بەدوورگرتنی عێراق لە شەڕ و بەڵا".

 

گرووپی سەرایا سەلام سەر بە رەوتی نیشتمانیی شیعەیە و بەشێکن لە پێکهاتەی دەستەی حەشدی شەعبی.

 

ئەو فەرمانە پەیوەندیدارە بە ئاڵۆزیی ناوچەکە و کاریگەریی لەسەر عێراق بەهۆی جەنگی ئێران لەگەڵ ئەمریکا و ئیسرائیل کە لە 28ی شوباتەوە دەستی پێکردووە.