باڵیۆزخانەی ئەمریکا: ئێران و گرووپە هاوپەیمانەکانی مەترسین لەسەر سەلامەتیی گشتی

 

رۆژی یەکشەممە، 8ی ئاداری 2026، باڵیۆزخانەی ئەمریکا لە بەغدا هۆشدارییەکی بۆ هاووڵاتیانی وڵاتەکەی لە عێراق بڵاوکردەوە.

 

لە هۆشدارییەکەدا هاتووە: "ئێستا ئێران و میلیشیا و گرووپە تیرۆریستییە هاوپەیمانەکانی هەڕەشەیەکی گەورەن بۆ سەر سەلامەتیی گشتی، داوای ئەنجامدانی هێرش بۆسەر هاووڵاتیان و بەرژەوەندییەکانی ئەمریکا لە عێراق کراوە. ئەو هۆتێلانەی بیانییەکانی لێیە لەگەڵ دامەزراوەکانی دیکە لە هەرێمی کوردستان هێرشیان کراوەتە سەر؛ هەروەها چەندین ژێرخانى و پێگەی گرنگ لە سەرانسەری عێراق هێرشیان کراوەتە سەر."

 

ئەمە هەشتەم هۆشدارییە کە باڵیۆزخانەکە لەدوای دەستپێکردنی جەنگی ئەمریکا و ئیسرائیل لەگەڵ ئێران لە 28ی شوباتەوە لەبارەی سەلامەتیی هاووڵاتیانی بڵاوی دەکاتەوە.

 

باڵیۆزخانەکە هۆشداری ئەوەی داوە کە گردبوونەوە لەو شوێنانەی هاووڵاتییانی ئەمریکی لێیە، ئەگەری هەیە رووبەڕووی مەترسی ببنەوە.