وەزارەتی ناوخۆی عێراق: تێچووی دەرهێنانی کارتی نیشتمانی زیاد نەکراوە

 

دوای ئەوەی لە بەشێک لە تۆڕە کۆمەڵایەتییەکان هەواڵی ئەوە بڵاوکرایەوە، گوایە بەهۆی کورتهێنانی داراییەوە، وەزارەتی ناوخۆی عێراق رێنمایی دەرکردووە رسووماتی کارتی نیشتمانی بۆ 50 هەزار دینار زیاد بکرێت، بەرپرسێکی وەزارەتەکە روونکردنەوە دەدات.

 

ئەمڕۆ دووشەممە 8-12-2025، عەمید میقداد میری، بەڕێوەبەری راگەیاندن و پەیوەندییەکانی وەزارەتی ناوخۆی عێراق بە تۆڕی میدیایی رووداوی راگەیاند: "ئەو هەواڵانە ناڕاستن؛ وەزارەتی ناوخۆ بڕیاری لەم شێوەیەی نەداوە."

 

 

بۆ جاری یەکەم یان نوێکردنەوە: 5,000 دینار.

 

لەکاتی ونبوون یان تێکچوون بۆ جاری یەکەم: 25,000 دینار.

 

لەکاتی ونبوون یان تێکچوون بۆ جاری دووەم: 50,000 دینار.