ئەندامێکى لیژنەى مادەى 140: بانگەشەکردن بۆ مامەڵەى قەرەبوو لە تۆڕە کۆمەڵایەتییەکان راست نییە

 

 

دووشەممە 9ى حوزەیرانى 2025، کاکەڕەش سدیق، ئەندامى لیژنەى باڵاى جێبەجێکردنى مادەى 140 بە رووداوى گوت: "هەندێک پەیج لە تۆڕە کۆمەڵایەتییەکان بانگەشەى ئەوە دەکەن کە گوایە مامەڵەى قەرەبووى ئاوارەکان دەکەن بە 100 هەزار دینار. ئەو قسەیە هیچ بنەمایەکى نییە و ئەگەر قەرەبووکردنەوەیەک هەبێت، لەلایەن لیژنەکەمانەوە رادەگەیێندرێ و ناوى سوودمەندان بڵاودەکرێتەوە". 

 

بەگوێرەى مادەى 140، هەر ئاوارەیەک 10 ملیۆن دینار و عەرەبى هاوردە 20 ملیۆن دینار قەرەبوو وەردەگرن.

 

کاکەڕەش سدیق رایگەیاند: "ئەم ساڵ پارەى قەرەبووى ئاوارە و عەرەبە هاوردەکانى مادەى 140 خەرج نەکراوە، بەهۆى ئەوەى خشتەى بودجەى 2025 پەسند نەکراوە".

 

لە ساڵى 2023 لیژنەى باڵاى جێبەجێکردنى مادەى 140 کارا کرایەوە.