پارێزگاری واست بۆ رووداو: هێرش کرایە سەر ناوچەی سوێرە و ژنێک کوژرا و ژنێکی دیکە بریندارە

 

 

رۆژی چوارشەممە 11ی ئاداری 2026، هادی هەماشی، پارێزگاری واست بە تۆڕی میدیایی رووداوی راگەیاند، "ئەمڕۆ ناوچەی سوێرە لە پارێزگاکەمان بۆردوومان کرا و لە ئەنجامدا کەسێک شەهید بوو و کەسێکی دیکەش بریندار بوو."

 

پارێزگاری واست گوتی، "ئەو دوو کەسە هەردووکیان ژن بوون و سڤیل بوون؛ هیچ پەیوەندییەکیان بە هیچ هێزێکی ئەمنییەوە نەبوو."

 

لەبارەی بریندارەکەوە هادی هەماشی دەڵێت، "تیمەکان بریندارەکەیان بۆ نەخۆشخانە گواستوەتەوە و دیار نییە برینەکەی چۆنە."

 

بەگوێرەی سەرچاوەیەک لە حەشدی شەعبی بۆ رووداو، هەر ئەمڕۆ ناوچەی جورفولسەخر لە بابل بۆردوومان کرا و هێشتا زیانەکانی دیار نین.