کێ یەکەم دانیشتنی خولی نوێی پەرلەمانی عێراق بەڕێوەدەبات؟

 

دوای راگەیاندنی ئەنجامە کۆتاییەکانی هەڵبژاردن لەلایەن کۆمیسیۆنی باڵای سەربەخۆی هەڵبژاردنەکان و کۆتاییهاتنی ماوەی وەرگرتنی تانە و سکاڵاکان، دادگەی باڵای فیدراڵیی عێراق ئەنجامەکان پەسند دەکات. دوای ئەوە یەکەمین دانیشتنی خولی نوێی پەرلەمانی عێراق لە بەغدا بەڕێوەدەچێت، لە دانیشتنەکەدا پەرلەمانتاران سوێندی دەستووریی دەخۆن و دواتر دەست بە هەڵبژاردنی سەرۆکی پەرلەمان و هەردوو جێگرەکەی دەکرێت.

 

عامر حوسێن جاسم فایز، کە بەتەمەنترین پەرلەمانتارە لە خولی شەشەمی پەرلەمانی 2025، تەمەنی 77 ساڵە، ئەندامی پێشووی خولی پەرلەمانی عێراق بوو، بەربژێری براوەی هاوپەیمانیی 'تصميم' لە پارێزگای بەسڕە، 8565 دەنگی بەدەستهێناوە.

 

 

 

بەتەمەنترین ئەندامی خولەکە، عەدنان پاچەچی کۆچکردوو، ئەوکات تەمەنی 82 ساڵ بوو.

 

 

 بەتەمەنترین ئەندامی خولەکە، فوئاد مەعسووم بوو، تەمەنی ئەوکات 72 ساڵ بوو، دواتریش بە سەرۆککۆماری عێراق هەڵبژێردرا.

 

 

مەهدی حافزی کۆچکردوو، بەتەمەنترین ئەندام بوو، تەمەنی ئەوکاتی 71 ساڵ بوو.

 

 

محەممەد عەلی زەینی، بەتەمەنترین ئەندام بوو، تەمەنی نزیکەی 79 ساڵ بوو.

 

 

مەحموود مەشهەدانی بوو، تەمەنی 73 ساڵ بوو، لە کاتی دانیشتنەکەدا باری تەندروستی تێکچوو.

 

هەنگاوەکان و ماوەی پێویست بۆ پێکهێنانی حکومەتی نوێی عێراق

 

بەگوێرەی رێکارە دەستوورییەکانی عێراق، پرۆسەی پێکهێنانی حکومەتی نوێ دوای هەڵبژاردنەکان، ئەو ماوەیەی پێویستە بریتییە لە 130 بۆ 150 رۆژ و چەند قۆناخێک لەخۆدەگرێت.

 

قۆناخی یەکەم، پەسەندکردنی ئەنجامی هەڵبژاردنەکانە لەلایەن دادگای باڵای فیدراڵییەوە، 40 بۆ 60 رۆژ دەخایێنێت.

 

دوای پەسەندکردنی ئەنجامەکان، وەک فایەق زێدان، سەرۆکی ئەنجوومەنی باڵای دادوەریی عێراق روونیکردووەتەوە، سەرۆککۆمار لە ماوەی 15 رۆژدا داوای کۆبوونەوەی پەرلەمان دەکات. لە یەکەم دانیشتندا، دەستەی سەرۆکایەتیی پەرلەمان هەڵدەبژێردرێت.

 

دواتر پەرلەمان لە ماوەی 30 رۆژدا سەرۆککۆمارێکی نوێ هەڵدەبژێرێت. پاشان سەرۆککۆماری نوێ لە ماوەی 15 رۆژدا بەربژێری گەورەترین کوتلەی پەرلەمانی بۆ پێکهێنانی حکومەت رادەسپێرێت. لە کۆتاییدا سەرۆکوەزیرانی راسپێردراو 30 رۆژی لەبەردەست دەبێت بۆ ئەوەی کابینەکەی پێکبهێنێت و متمانەی پەرلەمان بەدەستبهێنێت.

 

بەپێی ئەو عورفە سیاسییەی لە ساڵی 2005ـەوە لە عێراق پەیڕەو دەکرێت، سەرۆکی پەرلەمان بۆ پێکهاتەی عەرەبی سوننە، جێگری یەکەمی سەرۆکی پەرلەمان بۆ شیعە و جێگری دووەمیش بۆ کورد دەبێت.