کەشناسیی عێراق: سبەی گەرمتر دەبێت و خۆڵبارینیشە

 

عامر جابری، گوتەبێژی دەستەی کەشناسی و بوومەلەرزەزانیی عێراق، ئەمڕۆ پێنجشەممە، 14-08-2025، بە تۆڕی میدیایی رووداوی راگەیاند، ئەمڕۆ کەشوهەوا گەرم دەبێت و لەگەڵیدا بایەکی چالاک هەڵدەکات، کە دەبێتە هۆی خۆڵبارین.

 

 

 

- بەسرە: 51 پلەی سیلیزی

- میسان و زیقار: 50 پلەی سیلیزی

 

 

- موسەننا، دیوانییە، نەجەف، واست: 49 پلە

- بەغدا، بابل، کەربەلا، سەلاحەدین، دیالە، کەرکووک: 48 پلە

- نەینەوا: 47 پلە

- ئەنبار: 46 پلە

 

- سلێمانی: 43 پلە

- دهۆک: 44 پلە

- هەولێر: 46 پلە 

 

سەبارەت بە با و خۆڵبارین، عامر جابری گوتی، خێراییی با لەنێوان 10 بۆ 20 کیلۆمەتر لە کاژێرێکدا دەبێت و لە ناوچەکانی ناوەڕاست و باشوور چالاکتر دەبێت، کە ئەگەری دروستبوونی خۆڵبارین هەیە، بەتایبەتی لە ناوچە بیابانییەکان. مەودای بینین لەنێوان 8 بۆ 10 کیلۆمەتر دەبێت، بەڵام لە کاتی خۆڵباریندا بۆ 3 بۆ 5 کیلۆمەتر کەم دەبێتەوە.

 

 

بەگوێرەی کەشناسیی عێراق، سبەی پلەکانی گەرما زیاتر بەرزدەبنەوە

 

 

- بەسرە: 52 پلە

- میسان و زیقار: 51 پلە

- موسەننا، دیوانییە، واست، نەجەف: 50 پلە

 

 

- کەربەلا، بابل، بەغدا، دیالە، سەلاحەدین، کەرکووک: 49 پلە

- نەینەوا: 48 پلە

- ئەنبار: 47 پلە

 

 

- سلێمانی: 44 پلە

- دهۆک: 45 پلە

- هەولێر: 47 پلە

 

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان ئەمڕۆ پێنجشەممە بڵاویکردەوە، شەپۆلێکی گەرما رووی لە ناوچەکە کردووە و بۆ ماوەی 48 کاژێری داهاتوو (پێنجشەممە و هەینی) کەشوهەوا گەرم و جێگیر دەبێت و پلەکانی گەرما لە هەندێک ناوچە دەگەنە 47 پلەی سیلیزی. 

 

ئەمڕۆ ئاسمانی هەرێمی کوردستان ساماڵ دەبێت و پلەکانی گەرما بەراورد بە دوێنێ بە 1 تا 3 پلە بەرزتر دەبنەوە.

 

هەروەها کەشوهەوای سبەی تا رادەیەکی زۆر هاوشێوەی ئەمڕۆ دەبێت و ئاسمان ساماڵ و گەرم دەبێت، پلەی گەرماش نزیک دەبێت لە تۆمارکراوەکانی ئەمڕۆ.

 

 

کەرکووک: 47 پلە

گەرمیان: 46 پلە

هەولێر: 45 پلە

زاخۆ: 45 پلە

هەڵەبجە: 44 پلە

سلێمانی: 43 پلە

دهۆک: 43 پلە

سۆران: 43 پلە

حاجی ئۆمەران: 30 پلە