بڕیار لە خەرجکردنی مووچەی هەرێمی کوردستان درا

 

رۆژی پێنجشەممە، 17ـی تەممووزی 2025، هەڵکەوت عەزیز، بەرپرسی نووسینگەی رووداو لە بەغدا رایگەیاند: "ئەنجوومەنی وەزیرانی عێراق بڕیاری لە خەرجکردنی مووچەی مانگی پێنج داوە." 

 

هەڵکەوت عەزیز لە زاری سەرچاوەیەکی نێو ئەنجوومەنی وەزیرانی عێراقەوە: "ئەمڕۆ ئەستەمە پارەکە بگاتە هەرێمی کوردستان، ناردنی پارەکە رەنگە بکەوێتە هەفتەی داهاتوو." 

 

بەرپرسی نووسینگەی رووداو لەبارەی پەسندکردنی رێککەوتنەکەی نێوان هەولێر و بەغدا لە ئەنجوومەنی وەزیرانی عێراق دەڵێت: "جیاوازییەکی کەم کراوە لە رەشنووسەکە و ئەمە تاوەکو کۆتایی 2025 بەردەوام دەبێت. دواتر لیژنەیەک دێتە هەرێمی کوردستان و بۆ جێبەجێکردنی رێککەوتنەکە."

 

بەگوێرەی ئەو زانیارییانەی رووداو لە سەرچاوەکانی حکومەتی عێراق وەریگرتووە، رەشنووسەکە لەلایەن سەرکردەکانی بەغدا و هەولێر رەزامەندی لەسەر دراوە. "کێشەی لە بەردەم دروست نابێت."

 

بەگوێرەی رەشنووسەکە، هەرێمی کوردستان دەبێت رۆژانە 230 هەزار بەرمیل نەوت رادەستی بەغدا بکات و 50 هەزاریشی بۆ نێوخۆ بەکاربهێنێت.