هەزار کورسیی زەمالە بۆ ماستەر و دکتۆرا؛ وردەکاریی دەرفەتە زێڕینەکەی عێراق بۆ دەرچووانی باشووری کوردستان

 

 

 

بەشێکی سەرەکی پرۆژەکە بۆ فەرمانبەرانی هەمیشەیی دامودەزگاکانی حکومەت و مامۆستایانی زانکۆ حکومییەکانە، بەڵام گۆڕانکارییە هەرە گرنگەکە ئەوەیە کە لەم ساڵدا 5٪ی کورسییەکانی ماستەر بۆ ئەو گەنجە دەرچووانە تەرخانکراوە کە تاوەکو ئێستا دانەمەزراون.

 

 

 

بۆ خوێندنی دکتۆرا: تەمەنی پێشکێشکار نابێت لە 40 ساڵ زیاتر بێت.

بۆ خوێندنی ماستەر: تەمەنی پێشکەشکار نابێت لە 33 ساڵ زیاتر بێت.

 

توانستی زمان: بەربژێر دەبێت نمرەی پێویستی لە تاقیکردنەوە نێودەوڵەتییەکانی وەک (IELTS, PTE, TOEFL) هەبێت. 

 

 

یەکێک لەو خاڵانەی کە ستەم کامیل وەک سوودمەندێکی پێشتری پڕۆژەکە جەختی لێکردەوە، شەفافیەتی پڕۆسەکەیە و  گوتی، "سیستمەکە بە تەواوی ئەلیکترۆنییە و تەنیا نمرەی زانکۆ، ئاستی زمانی ئینگلیزی و لێهاتوویی کەسی لە چاوپێکەوتندا بڕیار لەسەر کاندیدەکان دەدەن."

 

ئەو هاونیشتمانییە ئاماژەی بەوە دا کە تاوەکو ئێستا زیاتر لە 200 هاونیشتمانی لە هەرێمی کوردستان بەبێ هیچ جیاکارییەک وەرگیراون و ئێستا لە وڵاتانی دەرەوە دەخوێنن.

 

 

پڕۆسەی پێشکەشکردن لە 15ی شوباتەوە دەستیپێکردووە و دەرگای وەرگرتن تاوەکو 31ی ئاداری 2026 بە کراوەیی دەمێنێتەوە. هەر بەربژێرێک کە لەلایەن لیژنەکەوە هەڵدەبژێردرێ، ماوەی 2 ساڵ کاتی دەبێت بۆ ئەوەی قبووڵکردن لە زانکۆیەکی باوەڕپێکراوی نێودەوڵەتی بەدەستبهێنێت.

 

 

حکومەتی عێراق بۆ ئاسانکاریی گەنجان، پلاتفۆرمی ئەلیکترۆنیی (https://hced.ur.gov.iq/apply) تەرخان کردووە. پێشکەشکاران دەتوانن لە رێگەی ئەم لینکەوە فۆرمەکە پڕبکەنەوە و سەرجەم بەڵگەنامەکانیان بە دیجیتاڵی بنێرن، بەبێ ئەوەی پێویست بکات سەردانی بەغدا بکەن.

 

ئەم بەرنامەیە راستەوخۆ لەژێر چاودێریی نووسینگەی سەرۆکوەزیرانی عێراقدایە.