وەزیرێکی پێشووی عێراق دۆسیەیەک لەسەر هاوپیشەیەکى دەداتە دەستپاکی؛ زەوی لە کوڕەکەى بۆ وەزارەتەکەی کڕیووە

 

 

هیام یاسری، ئەندامی پەرلەمانی عێراق و وەزیری پێشووی وەزارەتی گەیاندن لە 17ـی ئاداردا نووسراوێکی فەرمی ئاراستەی نووسینگەی وەزیری تەندروستیی عێراق کردووە و تێیدا پرسیارێکی پەرلەمانی ئاراستە کردووە لەبارەی دۆسیەیەکەوە کە پەیوەندیدارە بە ساڵح حەسناوی، وەزیری پێشووی تەندروستیی عێراق، کە هەردووکیان لە کابینەی حکومەتی محەممەد شیاع سوودانی پێکەوە وەزیر بوون.

 

ئەو پەرلەمانتارە داوای کردووە کە روونکردنەوەیان پێبدرێت لەبارەی هۆکاری ئەوەی گوایە بە رەزامەندیی ساڵح حەسناوی، لە 19ی نیسانی 2026 پارچە زەوییەکی 1688 مەتری لە ناوچەی وەزیریەی بەغدا کڕیوە کە بەهای هەر مەترێکی 7.2 ملیۆن دینار بووە و ئەو زەوییە لە چەند کەسێک کڕدراوەتەوە کە یەکێکیان (مەهدی ساڵح مەهدی) کوڕی وەزیری پێشووی تەندروستی بووە، یەکێکی دیکەیان بەڕێوەبەری گشتیی پشکنین بووە لە وەزارەتی تەندروستی.

 

لە نووسراوەکەدا داواى کردووە کراوە لە ماوەی 15 رۆژدا بە بەڵگەنامەی فەرمی وەڵامی بدەنەوە.

 

 هیام یاسری بە تۆڕی میدیایی رووداوی گوت:" دۆسیەکەم رادەستی دەستەی دەستپاکی عێراق کردووە".

 

هیام یاسری ئێستا لە هاوپەیمانیی ئاوەدانکردنەوە و گەشەپێدانە کە محەممەد شیاع سوودانی سەرۆکایەتى دەکات و لە خولی پێشوودا لەسەر پشکی هاوپەیمانى چوارچێوەى هاوئاهەنگى وەزیری گەیاندن بووە، هەروەها ساڵح حەسناوی لە حکومەتی پێشووی عێراق لەسەر پشکی سوننەکان وەزیر بوو.