دادگەی لێکۆڵینەوەی فیدراڵی: بەرپرسێکی مەترسیداری مەفرەزەکانی داعش دەستگیرکرا

 

 

ئەنجوومەنی باڵای دادوەری لە راگەیێندراوێکدا، رۆژی سێشەممە 20-01-2026 بڵاویکردەوە، "تیرۆرست مەحموود حەسەن مەجید خەمیس جبووری، ناسراو بە (ئەبو هاجر)، کە بەرپرسی مەفرەزەکانی داعش بووە لە بیابانی موسڵ و سووریا، بە هاوئاهەنگی لەنێوان دادگەی لێکۆڵینەوەی ناوەندی و بەڕێوەبەرایەتیی ئاسایشی حەشدی شەعبی دەستگیرکرا."

 

بەگوێرەی راگەیێندراوەکە، "ئەو تیرۆرستە بە یەکێک لە دیارترین و ترسناکترین سەرکردە مەیدانییەکانی رێکخراوەکە دادەنرێت، هەروەها سەرپەرشتیی پلاندانان و بەڕێوەبردنی ئۆپەراسیۆنە تیرۆرستییەکانی کردووە، لەگەڵ رێکخستنی جموجۆڵی شانە نووستووەکان لەو ناوچانەدا."

 

لیوا تەحسین خەفاجی، بەڕێوەبەری راگەیاندنی وەزارەتی بەرگریی عێراق بە رووداوی راگەیاند، "هێزە فیدراڵییەکان و پێشمەرگە لە سنوورەکاندا لە ئامادەیی تەواودان بۆ بەرەنگاربوونەوەی هەر دزەکردنێک لە سنوورەکان و هاوئاهەنگی و ئاڵوگۆڕی زانیاریمان لە هەموو بوارەکانیش هەیە."

 

 

ئێران: 1420 کیلۆمەتر

 

سووریا: 618 کیلۆمەتر

 

تورکیا: 335 کیلۆمەتر

 

حکومەتی عێراق، بۆ رێگری لە هەر "پێشێلکارییەک و دزەکردنی چەکداری"، تاوەکو ئێستا نزیکەی 350 کیلۆمەتر دیواری کۆنکرێتی لە سنووری سووریا دروستکردووە، ژمارەی هێزەکانیان لە سنووری عێراق و سووریا زیاد کردووە و چەند یەکەیەکیان لە ژمارەیەک خاڵی سنووریی هەستیار جێگیر کردووە.