بەڕێوەبەری پێشووی سەرچاوەکانی ئاوی شارەبان بەدەستی کوڕەکەی کوژرا

 

پۆلیسی پارێزگای دیالە رایگەیاند، ئێوارەی ئەمڕۆ یەکشەممە، 21-12-2025، کوڕێک لە قەزای میقدادیە باوکی خۆی کوشت کە بەڕێوەبەری پێشووی سەرچاوەکانی ئاوی میقدادیە بوو.

 

عەمید هەیسەم سەلمان، گوتەبێژی پۆلیسی پارێزگای دیالە، بە تۆڕی میدیایی رووداوی راگەیاند: "هاشم زەینی، بەڕێوەبەری پێشووی سەرچاوەکانی ئاوی میقدادیە، لەلایەن کوڕەکەیەوە بە دەمانچە کوژراوە."

 

گوتەبێژی پۆلیسی دیالە گوتیشی: "کوڕەکەی نەخۆشیی دەروونیی هەیە و ئێستا لەلایەن هێزەکانی پۆلیسەوە دەستبەسەر کراوە."