سەرچاوەیەک لە ئەنجوومەنی وەزیرانی عێراق: رۆژی سێشەممە بڕیاری خەرجکردنی مووچەی مانگی 10 دەدرێت

 

بەگوێرەی زانیارییەکانی هەڵکەوت عەزیز، بەڕێوەبەری نووسینگەی رووداو لە بەغدا، لە هەمان کۆبوونەوەدا چارەنووسی مووچەکانی مانگی 11 و 12ـی مووچەخۆرانی هەرێمی کوردستان یەکلایی دەکرێتەوە.

 

لە کۆبوونەوەکەدا باس لە پابەندییە داراییەکانی هەرێمی کوردستان و  عێراق دەکرێت.

 

وەزارەتی دارایی هەرێمی کوردستان ئەمڕۆ یەکشەممە بڵاویکردەوە، دووشەممە، 22ی کانوونی یەکەمی 2025، بڕی 120 ملیار دینار وەک داهاتی نانەوتیی هەرێمی کوردستان بۆ مانگی تشرینی یەکەم بەشێوەی کاش دەخرێتە سەر هەژماری بانکیی وەزارەتی دارایی حکومەتی فیدراڵ لە لقی هەولێری بانکی ناوەندی عێراق.

 

لیستی مووچەی مانگی 10 لە 25-11-2025 و لیستی مانگی 11 لە 07-12-2025 رادەستی بەغدا کراون، هەروەها لیستی مووچەی مانگی 12ش لە 16ی ئەم مانگەدا نێردراوە.

 

29ـی تشرینی دووەمی 2025، وەزارەتی دارایی هەرێمی کوردستان خشتەی دابەشکردنی مووچەی مانگی ئەیلوولی بڵاوکردەوە و رۆژی دواتر و لە سێ رۆژدا مووچەکەی دابەش کرد.