لە بۆردوومانێکدا 4 چەکداری حەشدی شەعبی لە موسڵ برینداربوون

 

سەرچاوەیەکی ئەمنی لە پارێزگای نەینەوا بە تۆڕی میدیایی رووداوی راگەیاند، بەرەبەیانی ئەمڕۆ یەکشەممە 22ی ئاداری 2026 بارەگای فەوجی ئەرکە تایبەتەکانی سەر بە حەشدی شەعبی لە ناوچەی هەرامات لە رۆژئاوای شاری موسڵ لە ناوەندی پارێزگای نەینەوا بۆردوومان کرا.

 

سەرچاوەکە گوتی، لە ئەنجامی ئەو بۆردوومانەدا چوار چەکداری حەشدی شەعبی برینداربوون.

 

بە گوێرەی زانیارییەکان، دووان لەو چەکدارانەی بریندار بوون تەمەنیان 30 ساڵە، یەكێکیان تەمەنی 37 ساڵە و ئەوی دیکەش تەمەنی 27 ساڵە.