بوومەلەرزەیەک بە گوڕی 4.4 پلە لە سەلاحەدین روویدا

 

ئەمڕۆ شەممە، 22ـی تشرینی دووەمی 2025، عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق بە تۆڕی میدیایی رووداوی راگەیاند، بوومەلەرزەکە کاژێر 07:29ی ئێوارەی ئەمڕۆ روویداوە.

 

بوومەلەرزەکە لە باکووری رۆژهەڵاتی شاری تکریت لە دووریی 35 کیلۆمەتر روویداوە.

 

عامر جابری گوتی، "زۆربەی دانیشتووانی ئەو ناوچانە هەستیان بە بوومەلەرزەکە کردووە، بەڵام هیچ زیانێکی گیانی و مادی نەبووە."