سەرۆککۆماری عێراق داوای " هەڵبژاردنێکی پاک و بێگەرد" دەکات

 

لە کۆبوونەوەکەدا دادوەر عومەر ئەحمەد، سەرۆکی ئەنجومەنی کۆمسیۆنی باڵای سەربەخۆی هەڵبژاردنەکان و دادوەر عامر مووسا سەرپەرشتیاری بەڕێوەبردنی هەڵبژاردن بەشداربوون؛ تێیدا کۆمیسیۆن باسی پلان و پێویستیی و رێکارەکانی دڵنیابوون لە پاکی و بێگەردی پرۆسەی هەڵبژاردن کردووە. 

 

سەرۆککۆماری عێراق  پشتگیری تەواوی خۆی بۆ هەوڵەکانی کۆمیسیۆن لە رێکخستنی هەڵبژاردنێکی پاک و بێگەرد دەردەبڕێت، بەجۆرێک ئیرادەی راستەقینەی دەنگدەران رەنگ بداتەوە.

 

 سەرۆکی ئەنجوومەنی کۆمیسیاران و سەرپەرشتیاری بەڕێوەچوونی هەڵبژاردن جەختیان لەسەر پابەندبوونی کۆمیسیۆن بە هەموو رێکارە کارگێڕییەکان کردەوە لەپێناو دڵنیابوون لە بەڕێوەچوونی پرۆسەی هەڵبژاردن بەشێوەیەکی پاک و بێگەرد، لە ئاست خواست و داوای خەڵک بێ و مافیان لە هەڵبژاردنی ئازادانەدا بپارێزێت".

 

بڕیارە هەڵبژاردنی پەرلەمانی عێراق لە 11-11-2025 بەڕێوەبچێت. پەرلەمانی عێراق لە 329 کورسی پێکدێت، کە 320ـیان گشتییە و 9ـەکەی دیکەیان کۆتان. زیاتر لە 7 هەزار کەسیش خۆیان بۆ هەڵبژاردنەکە بەربژێر کردووە.