کارمەندانی وێستگەکانی کەشناسیی عێراق مان دەگرن و بەڕێوەبەرەکەیان دەردەکەن
رووداو دیجیتاڵ
فەرمانبەرانی دەستەی کەشناسی و بوومەلەرزەزانیی عێراق رێگرییان لە چوونە سەر کاری بەڕێوەبەری گشتیی دەستەکە کرد، دواتر بە بووتڵی ئاو و هاتوهاوار لە شوێنی کار دووریانخستەوە.
وەکو فەرمانبەرەکان باسی دەکەن، زیاتر لە 400 فەرمانبەر مانیان گرتووە لە رۆژی پێنجشەممەی رابردووەوە، داوا دەکەن بەڕێوەبەرە گشتییەکەیان بگۆڕدرێت. فەرمانبەرەکان لە رۆژی پێنجشەممەی رابردووەوە دەوامیان نەکردووە و بەنیاز نین دەوام بکەن تاوەکو ئەو کاتەی داواکارییەکانیان جێبەجێ دەکرێت.
رۆژانە فەرمانبەران پەنجەمۆری دەوامیان دەکەن، بەڵام هیچ کارێکی دەستەکەیان راناپەڕێنن و بایکۆتی دەوامیان کردووە.
سابیر هادی، فەرمانبەر دەڵێت، "کێشەی ئێمە ئەوەیە، ئەو پیاوە هونەری نییە، بۆ فەرمانگەی زانستی و راوێژکاری گونجاو نییە. لە ماوەی ساڵ و نیوێک هەموو رێکارێکی تووندی دژی فەرمانبەران گرتووەتەبەر بە بیانوو و بێ بیانوو."
شەهد عەبدولڕەزاق عەلی، بەرپرسی بەشی ئامادەکاریی زانیاری دەڵێت، "پەنجەمۆری هاتن و چوونەوەمان کردووە بەپێی کاتی رێکخراو. ئەو (بەڕێوەبەری گشتی) دەڵێت، ئێمە پەنجەمۆرمان نەکردووە و دەواممان جێهێشتووە. هێزە ئەمنییەکان شاهێدن، تاوەکو کاژێر 04:00ی ئێوارە ماینەوە، فەرمانگەمان پاککردەوە و ئینجا دەرچووین."
فەرمانبەرانی دەستەی کەشناسی و بوومەلەرزەزانیی عێراق رێگرییان لە چوونە سەر کاری بەڕێوەبەری گشتیی دەستەکە کرد، دواتر بە بووتڵی ئاو و هاتوهاوار لە شوێنی کار دووریانخستەوە.
وەکو فەرمانبەرەکان باسی دەکەن، زیاتر لە 400 فەرمانبەر مانیان گرتووە لە رۆژی پێنجشەممەی رابردووەوە، داوا دەکەن بەڕێوەبەرە گشتییەکەیان بگۆڕدرێت. فەرمانبەرەکان لە رۆژی پێنجشەممەی رابردووەوە دەوامیان نەکردووە و بەنیاز نین دەوام بکەن تاوەکو ئەو کاتەی داواکارییەکانیان جێبەجێ دەکرێت.
رۆژانە فەرمانبەران پەنجەمۆری دەوامیان دەکەن، بەڵام هیچ کارێکی دەستەکەیان راناپەڕێنن و بایکۆتی دەوامیان کردووە.
سابیر هادی، فەرمانبەر دەڵێت، "کێشەی ئێمە ئەوەیە، ئەو پیاوە هونەری نییە، بۆ فەرمانگەی زانستی و راوێژکاری گونجاو نییە. لە ماوەی ساڵ و نیوێک هەموو رێکارێکی تووندی دژی فەرمانبەران گرتووەتەبەر بە بیانوو و بێ بیانوو."
شەهد عەبدولڕەزاق عەلی، بەرپرسی بەشی ئامادەکاریی زانیاری دەڵێت، "پەنجەمۆری هاتن و چوونەوەمان کردووە بەپێی کاتی رێکخراو. ئەو (بەڕێوەبەری گشتی) دەڵێت، ئێمە پەنجەمۆرمان نەکردووە و دەواممان جێهێشتووە. هێزە ئەمنییەکان شاهێدن، تاوەکو کاژێر 04:00ی ئێوارە ماینەوە، فەرمانگەمان پاککردەوە و ئینجا دەرچووین."