لە گەڕەکی کیفاح لە شاری بەغدا، کە زۆرینەی دانیشتووانەکەی کوردانی فەیلین، پرسیارێکی جەوهەری لەبارەی ناسنامە و زمان دەکرێت؛ تا چەند توانیویانە زمانی دایکی خۆیان بپارێزن؟ سیاسەتەکانی بەعەرەبکردن، ڕاگواستن و گوشارە جۆراوجۆرەکانی سەر کوردانی فەیلی، کاریگەریی ڕاستەوخۆیان لەسەر کاڵبوونەوەی زمانەکەیان هەبووە، بەڵام هێشتا بەشێکی زۆریان دەستیان بە زمانەکەیانەوە گرتووە و دەڵێن: "لەناوچوونی زمان تەنیا مردنی پیتەکان نییە، بەڵکو لەناوچوونی مێژوویەکە."

کاروانی گیراوانی داعش پەیتا پەیتا لە رۆژئاوای کوردستانەوە دەگوازرێنەوە گرتوخانەکانی عێراق و تائێستا نزیکەی 6 هەزار گیروی داعش بە 34 کاروان گواستراونەتەوە.

زیادکردنی پێناسی گومرگی لە عێراق بازاڕی زێڕی شێواندووە. زێڕنگرێک دەڵێت، پێشتر گومرگی کیلۆیەک زێڕ 250 هەزار دینار بوو، ئێستا بووەتە 16 ملیۆن دینار. بازرگانان ناڕەزایەتییان بردووەتە بەردەم دادگەی فیدراڵی و سکاڵایان تۆمار کردووە.

لە خاڵی سفری نێوان عێراق و سووریا، جموجۆڵی هێزە ئەمنییەکان زیادیکردووە. 6 لیوای حەشدی شەعبی، 3 لیوای پاسەوانی سنوور و 4 لیوای سوپای عێراق خراونەتە ئامادەباشییەوە بۆ پاراستنی سنوورەکان لە هەر دەستدرێژییەکی چەکدارە تووندئاژۆکانی ئەودیو سنوور.

لەو کاتەی لە شەقامەکانی بەغدا ئاهەنگی سەری ساڵی نوێی 2026 دەگێڕدرا، لە پشت دیوارەکانی نەخۆشخانەی "ئیبن هەیسەم"ی تایبەت بە چاو لە بەغدا، کارەساتێکی مرۆیی لە ئارادابوو.

دوای تەواوبوونی دەنگدان بۆ هەڵبژاردنی دەستەی سەرۆکایەتیی پەرلەمانی عێراق، محەممەد حەلبووسی بە رووداوی راگەیاند: " گەلی کورد بەشێکە لە گەلەکەمان، گەلی عێراق، شانازییان پێوەدەکەین و پێمان وایە گرنگە بایەخ بە هەموو پێکهاتەکانی گەلی عێراق بدرێ، لەنێویاندا خوشک و برایانمان لە گەلی کورد."

ئامادەکارییەکانی پەرلەمانی عێراق بۆ بەڕێوەچوونی یەکەم دانیشتنی خولی شەشەم تەواو بوون. دانیشتنەکە بە سەرۆکایەتیی عامر فایز وەک بەتەمەنترین پەرلەمانتار بەڕێوەدەچێت و کارنامەکەی لە دوو بڕگە پێکهاتووە: سوێندخواردنی یاسایی بە زمانی کوردی و عەرەبی و هەڵبژاردنی دەستەی سەرۆکایەتی.

"قاچم ئاوساوە، بەخوا زۆر هیلاکم بە قورئان، مۆڵەتیش نادەن." ئەمە دوایین نامەی دەنگیی عەبدوڵڵایە بۆ دایکی، تەنیا دوو کاژێر پێش کوژرانی لە بەرەکانی شەڕ لە رووسیا.

#SUMMARY#