درۆنێکی نەناسراو لە ئاسمانی ناوچەی سەوزی بەغدا تەقەی لێکرا

 

رۆژی سێشەممە، 28-4-2026، سەرچاوەیەکی ئەمنیی عێراقی رایگەیاند، سیستمی بەرگریی (C-RAM) لەنێو باڵیۆزخانەی ئەمریکا لە بەغدا چالاککرا، ئەوەش دوای ئەوەی درۆنێکی نەناسراو لە ئاسمانی ناوچەی سەوز بینرا.

 

بە گوتەی سەرچاوەکە، سیستمە بەرگرییەکە بۆ یەکجار چالاککرا و تەقەی کرد.

 

بەپێی زانیارییەکانی ئەو سەرچاوە ئەمنییە، درۆنەکە لە ئاسمانی ناوچەکە کشێندراوەتەوە و دۆخەکەش هیچ زیانێکی گیانی و مادی لێنەکەوتەوە. 

 

هاوکات لایەنە پەیوەندیدارەکان دەستیان بە لێکۆڵینەوە کردووە بۆ زانینی سەرچاوەی درۆنەکە و مەبەستی فڕینەکەی بەسەر ئەو ناوچە هەستیارەی بەغدا.