لە هێرشێکی درۆنیدا بۆ سەر ئۆتۆمبێلێک لە نزیک فڕۆکەخانەی حەلەب دوو کەس کوژران

 

 

بە گوتەی میدیاکە، ئۆتۆمبێلەکە سڤیل بووە و لەسەر رێگەی بەرەو فڕۆکەخانەی نێودەوڵەتیی حەلەب کراوەتە ئامانج.

 

بەرپرسانی سووریا کە قسەیان بۆ سانا کردووە، باسیان لەوە نەکردووە کە کێ لە پشت هێرشەکەوەیە.

 

سانا باس لەوە دەکات، لە ئەنجامی هێرشەکە گرمەیەکی گەورە بیستراوە و ئۆتۆمبێلەکە بە تەواوی سووتاوە. 

 

سەرچاوە خۆجێییەکان ئاماژە بەوە دەکەن، تاوەکو ئیستا ناسنامەی کوژراوەکان دیار نییە.