لە حومس دەست بەسەر بارێک خەیاردا گیرا کە مووشەکی تێدا حەشاردرابوو

 

بەڕێوەبەرایەتییەکە لە راگەیێندراوێکدا ئەمڕۆ پێنجشەممە بڵاویکردووەتەوە دەڵێت: "دوای چاودێری و بەدواداچوونێکی ورد و هەڵبژاردنی کات و شوێنی گونجاو، توانیمان هەوڵێکی گواستنەوەی قاچاخ بارێکی چەک بووە پووچەڵ بکەینەوە."

 

بە گوێرەی راگەیێندراوەکە، بارەکە پێکهاتبوو لە مووشەکی دژە زرێپۆشی جۆری "کۆرنێت" و تەقەمەنیی عەیار 30 ملم، کە ئامادەکرابوون بۆ ئەوەی بە قاچاخ بگوازرێنەوە بۆ ناو خاکی لوبنان. چەک و تەقەمەنییەکە لەنێو ئۆتۆمبێلێکی بارهەڵگری سەوزەواتدا بە مەبەستی سەرلێشێواندن شاردرابوونەوە.

 

بەڕێوەبەرایەتیی ئاسایشی ناوخۆ لە شاری قوسەیری سنووری پارێزگای حومس دەڵێت: ئۆتۆمبێلەکە و چەک و تەقەمەنییەکە دەستیان بەسەردا گیرا و شۆفێرەکەش دەستگیرکرا. 

 

دەستگیرکراوەکە رەوانەی دادگەی تایبەتمەند کراوە بۆ گرتنەبەری رێوشوێنی یاسایی بەرامبەری.