مەزڵووم عەبدی دەڵێت، لە دێر حافر و دەوروبەری دەکشێنەوە بۆ رۆژهەڵاتی فورات
رووداو دیجیتاڵ
فەرماندەی گشتیی هێزەکانی سووریای دیموکرات (هەسەدە) رایگەیاند، بڕیاریان داوە هێزەکانیان لە ناوچەکانی بەریەککەوتن لە رۆژهەڵاتی حەلەب بکشێننەوە بەرەو ناوچەکانی رۆژهەڵاتی رووباری فورات.
رۆژی هەینی 16-01-2026 مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) لە ئێکس بڵاویکردەوە، ئەم بڕیارە وەکو وەڵامێکە بۆ داواکاریی وڵاتانی دۆست و لایەنە نێوەندگیرەکان، هەروەها بۆ نیشاندانی "نیازباشیی هەسەدە" بۆ تەواوکردنی پڕۆسەی تێکەڵکردنی هێزەکان و پابەندبوون بە جێبەجێکردنی بڕگەکانی رێککەوتنی 10ی ئاداری 2025.
بەپێی گوتەی فەرماندەی گشتیی هەسەدە، پڕۆسەی کشانەوەکە رۆژی شەممە 17-01-2026، کاژێر 07:00ی بەیانی دەستپێدەکات. ئەمەش دوای ئەوە دێت کە ناوچەکانی رۆژهەڵاتی حەلەب بۆ ماوەی دوو رۆژ بوو رووبەڕووی هێرشی تووندی سوپای عەرەبیی سووریا ببوونەوە.
ئەم بڕیارەی هەسەدە دوای زنجیرەیەک هەڵکشانی سەربازی و سیاسیی خێرا دێت. لە دوو رۆژی رابردوودا، سوپای عەرەبیی سووریا ناوچەیەکی فراوانی لە رۆژهەڵاتی حەلەب، لەوانەش دێر حافر و مەسکەنەی وەک "ناوچەی سەربازیی داخراو" ناساند و بە سەختی تۆپبارانی کردن، ئەمەش مەترسیی سەرهەڵدانەوەی شەڕی گەورەی لە ناوچەکەدا دروست کردبوو.
ئەم ئاڵۆزییانە دوای ئەوە هاتن، هەفتەی رابردوو سوپای سووریا کۆنتڕۆڵی تەواوەتیی گەڕەکەکانی شێخ مەقسوود و ئەشرەفییەی لەناو شاری حەلەب کرد و بەهۆیەوە زیاتر لە 159,000 کەس ئاوارە بوون.
لەگەڵ ئەم گرژییە سەربازییانە، رۆژی هەینی 16-01-2026 ئەحمەد شەرع، سەرۆککۆماری قۆناخی راگوزەری سووریا، فەرمانێکی مێژوویی دەرکرد و تێیدا دانی بە زمانی کوردیدا نا وەکو "زمانێکی نیشتمانی" و بڕیاریدا وڵاتینامەی سووری بداتە هەموو ئەو کوردانەی پێشتر بێ ناسنامە کرابوون.
فەرماندەی گشتیی هێزەکانی سووریای دیموکرات (هەسەدە) رایگەیاند، بڕیاریان داوە هێزەکانیان لە ناوچەکانی بەریەککەوتن لە رۆژهەڵاتی حەلەب بکشێننەوە بەرەو ناوچەکانی رۆژهەڵاتی رووباری فورات.
رۆژی هەینی 16-01-2026 مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) لە ئێکس بڵاویکردەوە، ئەم بڕیارە وەکو وەڵامێکە بۆ داواکاریی وڵاتانی دۆست و لایەنە نێوەندگیرەکان، هەروەها بۆ نیشاندانی "نیازباشیی هەسەدە" بۆ تەواوکردنی پڕۆسەی تێکەڵکردنی هێزەکان و پابەندبوون بە جێبەجێکردنی بڕگەکانی رێککەوتنی 10ی ئاداری 2025.
بەپێی گوتەی فەرماندەی گشتیی هەسەدە، پڕۆسەی کشانەوەکە رۆژی شەممە 17-01-2026، کاژێر 07:00ی بەیانی دەستپێدەکات. ئەمەش دوای ئەوە دێت کە ناوچەکانی رۆژهەڵاتی حەلەب بۆ ماوەی دوو رۆژ بوو رووبەڕووی هێرشی تووندی سوپای عەرەبیی سووریا ببوونەوە.
ئەم بڕیارەی هەسەدە دوای زنجیرەیەک هەڵکشانی سەربازی و سیاسیی خێرا دێت. لە دوو رۆژی رابردوودا، سوپای عەرەبیی سووریا ناوچەیەکی فراوانی لە رۆژهەڵاتی حەلەب، لەوانەش دێر حافر و مەسکەنەی وەک "ناوچەی سەربازیی داخراو" ناساند و بە سەختی تۆپبارانی کردن، ئەمەش مەترسیی سەرهەڵدانەوەی شەڕی گەورەی لە ناوچەکەدا دروست کردبوو.
ئەم ئاڵۆزییانە دوای ئەوە هاتن، هەفتەی رابردوو سوپای سووریا کۆنتڕۆڵی تەواوەتیی گەڕەکەکانی شێخ مەقسوود و ئەشرەفییەی لەناو شاری حەلەب کرد و بەهۆیەوە زیاتر لە 159,000 کەس ئاوارە بوون.
لەگەڵ ئەم گرژییە سەربازییانە، رۆژی هەینی 16-01-2026 ئەحمەد شەرع، سەرۆککۆماری قۆناخی راگوزەری سووریا، فەرمانێکی مێژوویی دەرکرد و تێیدا دانی بە زمانی کوردیدا نا وەکو "زمانێکی نیشتمانی" و بڕیاریدا وڵاتینامەی سووری بداتە هەموو ئەو کوردانەی پێشتر بێ ناسنامە کرابوون.