بوومەلەرزەیەکی دیکە بە گوڕی 4.8 پلە لە باشووری ئیزمیری دا

 

ئێواره‌ی رۆژی هه‌ینی 30ی تشرینی یه‌كه‌می 2020، بوومه‌له‌رزه‌یه‌ك به‌گوڕی 6.6 پله‌ی رێخته‌ر له‌ شاری ئیزمیر روویدا. کاژێر 08:31 خولەکی به‌یانی رۆژی شەممەش بوومەلەرزەیەکی دیکە کەناراوەکانی شارۆچکەی سەفەریهیساری بە پلەی 5 پلەی رێختەر هەژاند و ئەمڕۆش سێیەم بوومەلەرزە لەو شارەی دایەوە. 

 

سەرۆکایەتی بەڕێوەبردنی کارەسات و باری لەناکاوی تورکیا داتاکانی لەبارەی قوربانیانی بوومەلەرزەکەی شاری ئیزمیر نوێکردەوە و رایگەیاند، تاوەکو ئێستا 49 کەس بەهۆی بوومەلەرزەکانەوە گیانیان لەدەستداوە و گەڕانیش بەدوای تەرمی قوربانیان لەژێر داروپەردووی باڵەخانە رووخاوەکاندا بەردەوامە، کە پێدەچێت لە داهاتوودا ژمارەی مردن بەرزبێتەوە.