پێشبینی دەکرێ لە 16 پارێزگای باکووری کوردستان باران ببارێت

بەڕێوەبەرایەتیی کەشناسیی تورکیا دەڵێت، پێشبینی دەکرێ ئەمڕۆ یەکشەممە 4ـی ئایار لە 16 پارێزگای باکووری کوردستان لێزمەباران ببارێ و هەربۆیەش ئەگەری دروستبوونی لافاو لە بەشێکی پارێزگاکانی جۆلەمێرگ، شرنەخ، ئێلیهـ، سێرت، بەدلیس، وان، مووش، چەولیگ، دێرسم، مەڵەتێ، ئەرزینگان، ئەرزەڕۆم، ئاگری، ئیدر، قەرس و ئەردەخان هەیە. 

 

بەڕێوەبەرایەتییەکە ئاماژە بەوە دەکات، لەو پارێزگایانەدا خێرایی با لەنێوان 85-90 کم لە کاژێرێکدا دەبێت. 

 

سه‌رۆكایه‌تیی بەڕێوەبردنی كاره‌سات و باری له‌ناكاوی تورکیا (ئافاد) لە راگەیێندراوێکدا هۆشداری داوە لە ئەگەری دروستبوونی لافاو، هەورەبرووسکە و بای بەهێز. 

 

ئافاد داوا لە هاونیشتمانییان دەکات زۆر پێویست نەبێت نەچنە دەرەوە.