مانگی رابردوو لە تورکیا و باکووری کوردستان 20 ژن کوژراون

 

 

بەگوێرەی راگەیێندراوەكەی مانگی ئەیلوولی پلاتفۆرمەكە، 5 ژن بەدەستی هاوژینەكانیان، 3 ژن بەدەستی کوڕەکانیان، 3 ژن بەدەستی هاوژینی پێشوویان، 3 ژن بەدەستی خزمەکانیان، 2 ژن بەدەستی خۆشەویستە پێشووەکانیان، ژنێک بەدەستی براکەی، 2 ژن بەدەستی باوکیان و ژنێک بەدەستی خۆشەویستەکەی كوژراون. بەو پێیە 65%ی ژنان لەلایەن کەسوکارەکانیانەوە کوژراون.

 

لە بەشێکی دیکەی راگەیێندراوەکەدا هاتووە، 12 ژن لەنێو ماڵەكانیاندا، 5 ژن لە شەقام، 2 ژن لە شوێن کارەکانیان و ژنێک لەنێو ئۆتۆمبێل كوژراون. بەمەش 60%ی ژنان لەو مانگەدا لەنێو ماڵەکانیاندا کوژراون.

 

لە مانگی ئەیلوولدا، 19 ژن لە شارەکانی تورکیا و 1 ژن لە باکووری کوردستان کوژراون. زۆرترینیان لە ئیستەنبووڵ کوژراون کە 3 ژن بوون. لە باکووری کوردستانیش یەک ژن لە دیلۆک کوژراوە.

 

لە 9 مانگی ئەم ساڵدا، لە تورکیا و باکووری کوردستان 285 ژن کوژران و 211 ژنی دیكەش بە شێوەیەكی گوماناوی گیانیان لەدەستداوە.

 

بەگوێرەی ئامارەكانی ئەو پلاتفۆرمە، لە تورکیا و باکووری کوردستان لە ساڵی 2023دا 315، لە ساڵی 2022دا 398، لە ساڵی 2021دا 367 و لە ساڵی 2020یشدا 300 ژن کوژراون.