لیژنەکەی پەرلەمانی تورکیا بە بەشداری سەرۆکی میت و دوو وەزیر کۆدەبێتەوە

 

کاژێر 14:00ـی ئەمڕۆ هەینی 8ـی ئابی 2025، لیژنەی پاڵپشتیی نیشتمانی، برایەتی و دیموکراسی، دووەم کۆبوونەوەی خۆی دەکات. میوانداری هەریەک لە ئیبراهیم کاڵن، سەرۆکی دەزگای هەواڵگریی نیشتمانیی (میت)، یاشار گولەر، وەزیری بەرگری و عەلی یەرلیکایا، وەزیری ناوخۆ دەکات. 

 

بەهۆی ئەوەی کۆبوونەوەکە تایبەت دەبێت بە پرۆسەی چەکدانانی پەکەکە و دیوی ئەمنی، سەربازی و هەواڵگریی پرۆسەکە، دانیشتنەکە بە داخراوی بەڕێوەدەچێت. 

 

رۆژی 6ـی ئابی 2025، نوعمان کورتوڵموش، سەرۆکی پەرلەمانی تورکیا، لە یەکەم کۆبوونەوەی لیژنەکەدا کە لە پەرلەمان بەڕێوەچوو، رەشنووسێکی 12 خاڵی لەبارەی رێکار و بنەماکانەوە پێشکێش کرد. رەشنووسەکە دوای چەند گۆڕانکارییەک، بە کۆی دەنگ پەسەندکرا. بڕیاردرا کۆبوونەوەی داهاتووی لیژنەکەش بۆ رۆژی 8ـی ئاب بکات.

 

هاوکات بڕیاریش درا لیژنەکە هەفتانە دوو رۆژ کۆببێتەوە. لیژنەکە رۆژانی سێشەممە و چوارشەممەی هەموو هەفتەیەک کۆدەبێتەوە، بەڵام بەپێی پێویستی، دەکرێت ئەو رۆژانە بگۆڕدرێن و ژمارەی کۆبوونەوەکانیش بۆ یەک رۆژ کەم بکرێتەوە.

 

 

 

پاڵپشتیی نیشتمانی، برایەتی و دیموکراسی (هاوپشتی نەتەوەیی، برایەتی و دیموکراسی)  

 

 

- ئامادەکردنی پرۆژەیاسا: بۆ چارەسەرکردنی گرفتەکان و تۆکمەکردنی دیموکراسی

- راوێژکردن: را و بۆچوونی پسپۆڕان، زانکۆکان و رێکخراوەکانی کۆمەڵگەی مەدەنی وەردەگرێت

- ئاگادارکردنەوە: رای گشتی لەبارەی پێشهاتەکانی پڕۆسەکە ئاگادار دەکاتەوە

 

 

پەسندکردنی پڕۆژەیاساکان، پێویستی بە دەنگی 3 لەسەر 5ـی ئەندامانی لیژنەکەیە

 

 

- دوا وادە: پێویستە تاوەکو 31-12-2025، کۆتایی بە کارەکانی بهێنێت

- ئەگەر پێویست بکات، لیژنەکە دەتوانێت دوو مانگ ماوەی کارکردنی درێژبکاتەوە