تورکیا لە هەفتەیەکدا دەست بەسەر 659 کیلۆگرام هۆشبەردا گیرا

 

وەزارەتی بازرگانیی تورکیا لە راگەیێندراوێکدا بڵاویکردەوە، لە چوارچێوەی بەرەنگاربوونەوەی قاچاخچێتیی مادەی هۆشبەر، بەردەوامن لە هەوڵەکانیان و لە هەفتەیەکدا لە 6 ئۆپەراسیۆندا گورزێکی بەهێزیان لە قاچاخچییانی مادەی هۆشبەر وەشاندووە.

 

 

فڕۆکەخانەی ئیستەنبووڵ: 173 کیلۆگرام حەشیش.

دەروازەی سنووریی گوربولاک (تورکیا - ئێران): 286 کیلۆگرام میتامفیتامین.

دەروازەی سنووریی کاپیکۆی (تورکیا - ئێران): 25 کیلۆگرام حەشیش.

دەروازەی سنووریی کاپیکولە (تورکیا - بوڵگاریا): 153 کیلۆگرام حەشیش.

دەروازەی سنووریی ئیپسالا (تورکیا - یۆنان): 22 کیلۆگرام حەشیش.

 

وەزارەتەکە ئاماژەی بەوەشکردووە، هۆشبەرە دەستبەسەرداگیراوەکان لەنێوبراون و لێکۆڵینەوە لەبارەی ئۆپەراسیۆنەکانەوە لەلایەن سەرۆکایەتیی داواکاری گشتیی شارەکانی ئەدیرنە، ئەرزەڕۆم و وان بەردەوامە.

 

لە راگەیێندراوەکەدا، قاچاخچێتیی مادەی هۆشبەر بە "کارەساتی جیهانیی سەدە" ناوبراوە و جەخت لەوە کراوەتەوە کە ئەو ئۆپەراسیۆنانە بۆ پاراستنی تەندروستیی گشتی، دوورخستنەوەی گەنجان لە هەڕەشەی ئاڵوودەبوون، وشککردنی سەرچاوە داراییەکانی رێکخراوە تاوانکارییەکان و پاراستنی ئاسایشی گشتی گرنگییەکی زۆریان هەیە.