رووداو لە تورکیا سێیەمە

 

 

گووگڵ ترێندز، ئاماری زۆرترین گەڕانی لە ئینتەرنێت لە 90 رۆژی رابردوودا بۆ میدیای تەواوی 81 پارێزگاکەی تورکیا و باکووری کوردستان بڵاوکردەوە. تێیدا تۆڕی میدیایی رووداو لەسەر ئاستی باکووری کوردستان زۆرترین گەڕانی بۆ کراوە.

 

ئەنجامەکانی ئامارەکەی گووگڵ ترێندز بەم شێوەیە بوون:

 

لە 10 پارێزگای باکووری کوردستان زۆرترین گەڕان بۆ تۆڕی میدیایی رووداو کراوە. ئەوانیش پارێزگاکانی مێردین، ئامەد، ئێلیهـ، شرنەخ، سێرت، جۆلەمێرگ، وان، بەدلیس، مووش و ئاگرین.

 

لە 18 پارێزگای باکووری کوردستان و تورکیا زۆرترین گەڕان بۆ کەناڵی (خەڵک تیڤی) کراون، ئەوانیش پارێزگاکانی رووها، سەمسوور، مەڵەتی، مەرەش، کۆنیا، ئافیۆنکاراهیسار، ئاکسارای، نەڤشەهیر، کایسەری، سێواز، ئەرزەرۆم، بایبورت، گوموشهانە، ساکاریا، دوزجە، چانکری، کرککالە و خارپێتن.

 

لە 53 پارێزگاکەی دیکەی تورکیا و باکووری کوردستانیش، زۆرترین گەڕان بۆ کەناڵی (ئا خەبەر) کراوە.

 

بەگوێرەی ئامارەکە، رووداو سەرچاوەی سەرەکیی هەواڵی پێنج ملیۆن و 967 هەزار و 567 هاونیشتمانیی باکووری کوردستانە.

 

تۆڕی میدیایی رووداو، لەسەر ئاستی باکووری کوردستان یەکەمە و لەسەر ئاستی تورکیاش سێیەمە.