پێشبینی دەکرێت لە ئیستەنبووڵ بەفر ببارێت

 

 

داود گوڵ، پارێزگاری ئیستەنبووڵ، لە هەژماری تایبەتی خۆی لە تۆڕی کۆمەڵایەتیی ئێکس بڵاویکردەوە، بە پشتبەستن بە پێشبینییەکانی بەڕێوەبەرایەتیی گشتیی کەشناسیی تورکیا، رۆژانی 25-26ـی تشرینی دووەمی 2023 لە ئیستەنبووڵ بەفر دەبارێت و پلەی گەرماش دادەبەزێ. 

 

بەگوێرەی راگەیێندراوی بەڕێوەبەرایەتییەکە، ئەم ئێوارەیە بەفربارین لە ئیستەنبووڵ دەستپێدەکات و بەرەبەیانی رۆژی یەکشەممە 26ـی مانگیش زیاتر دەبێت. 

 

بەڕێوەبەرایەتیی گشتیی کەشناسیی تورکیاش ئاماژە بەوە دەکات، لە ئەمڕۆ شەممەوە شەپۆلێکی سەرما 64 پارێزگای باکووری کوردستان و تورکیا دەگرێتەوە و پێشبینی دەکرێت بەفربارین، بارانی بەلێزمە بەشێکی باکووری کوردستان و پارێزگاکانی نزیک لە دەریای رەشی تورکیا بگرێتەوە. 

 

رۆژی 19ـی تشرینی دووەمی 2023، یەکەم بەفری ساڵ لە ئیستەنبووڵ باری و بەهۆی خراپی کەشوهەواوە نزیکەی 200 گەشتی فڕۆکەخانەکانی ئیستەنبووڵ هەڵوەشێندرانەوە.