تەندروستیی ئیسماعیل بێشیکچی جێگیرە

 

 

ئەمڕۆ دووشەممە 29ـی ئەیلوولی 2025، سەڕا بوجاک، هاوسەرۆکی گەورەشارەوانیی ئامەد، لە نەخۆشخانەی زانکۆی دیجلە سەردانی ئیسماعیل بێشکچی کرد. رایگەیاند، "هیچ پێشهاتێکی نوێی نەرێنی رووینەداوە. هۆشی لەجێیە و وەڵامدانەوەکانیشی باشن."

 

هەژماری فەرمیی گەورەشارەوانیی ئامەد لە تۆڕی کۆمەڵایەتیی ئێکس بڵاویکردەوە: "هاوسەرۆکمان سەڕا بوجاک، سەردانی ئیسماعیل بێشکچی، کۆمەڵناس و نووسەر  کرد، کە بەهۆی خوێنبەربوونی مێشکەوە لە 27ی ئەیلوول لە نەخۆشخانەی زانکۆی دیجلە لەژێر چاودێریی چڕدایە."

 

بوجاک، دوای کۆبوونەوەی لەگەڵ سەرۆکی پزیشکان و بەڕێوەبەرایەتیی نەخۆشخانەکە، زانیاریی لەبارەی تەندروستیی بێشکچییەوە دا و رایگەیاند، بۆ ماوەیەکی کورت لە بەردەم دەرگای چاودێریی چڕ بێشیکچی بینیووە و گوتی، 'سڵاوی خەڵکی ئامەدمان پێگەیاند، ئەویش بە زەردەخەنەوە سڵاوی نارد."